San Mateo 5:10 - Xochapa Mixteco

¹⁰ ’Vaꞌa ni kée ndo tá tu íyo naꞌa, na xáa ndikuu xiꞌin ndo xaꞌa ya kúni ndo ikan ndo ya vaꞌa, ya ndaa, chi ndóꞌo̱ ku ndo ndíkun ichí nuu xáꞌnda chiñu Ndioxi.

San Mateo 5:10 Mawu Ofanana

San Mateo 10:23

Tá sítixuꞌvi na ndóꞌo̱ iin ñuu, ta kana koo ndo kuꞌun ndo inka ñuu. Ya ndixa káꞌan i xiꞌin ndo, täꞌan ka vi sindiꞌi ndo ndikani ndo tuꞌun Ndioxi nuu ndiꞌi na ñuu Israel ta yeꞌe, Taa ra xa̱a ñuu ivi yóꞌó ta xa ndiko koo tuku va i ñuu ivi yóꞌó.

San Mateo 19:14

Saa ndi̱kaꞌan Jesús, káchi ra saa: ―Taxi ndo ná kixi na vali nuu i, ta käsi ndo nuu na, chi na ndíkun ichí nuu xáꞌnda chiñu Ndioxi, ta tá íin na vali yóꞌó saa íin na ―káchi ra.

San Mateo 25:34

Ta yeꞌe, ra kúu rey kaꞌan i xiꞌin na ndóo ñaꞌñu kuáꞌá i, kachi i saa: “Naꞌa ndo, ndóꞌo̱ ku ndo niꞌi ya vaꞌa nuu Iva i Ndioxi. Naꞌa ndo kiꞌvi ndo nuu xáꞌnda chiñu ra, ya xa íyo ndúvi xaꞌa ndo nda tá täꞌan xikoo xaꞌa ñuu ivi yóꞌó.

San Mateo 5:3

―Vaꞌa ni kée ndo tá tu kúndaa ini ndo ya kúndáꞌvi ni ndo, ta xíniñuꞌu ni ndo Ndioxi, chi ndóꞌo̱ ku ndo kúu mií ichí koo ndo nuu xáꞌnda chiñu Ndioxi.

San Marcos 10:14

Ñaa xi̱ni Jesús ya íkan nda, ta ndi̱saa ra xiꞌin nda, saa ndi̱kaꞌan ra xiꞌin nda, káchi ra saa: ―Taxi ndo na vali ná kixi na nuu i, ta käsi ndo nuu na, chi ndiꞌi na táxi xáꞌnda chiñu Ndioxi nima na, tá íin na vali yóꞌó saa íin na.

San Marcos 10:30

na yóꞌó ta kuaꞌa ni ka ya vaꞌa niꞌi na ñuu ivi yóꞌó, niꞌi siin na veꞌe na, xiꞌin kuꞌva na, án kuꞌvi na, án siꞌí na, án seꞌe na, án ñuꞌú na. Vani tixuꞌvi ni na ikan naꞌa, tá ná kuvi na ta vaꞌa ni kee na koo na xiꞌin Ndioxi.

San Lucas 21:12

’Sundi xiꞌna ndoꞌo ni ndóꞌo̱, saa yaꞌa ya ñaa. Xaa nduvaꞌa ni na xiꞌin ndo. Taxi na kuachi xaꞌa ndo nuu na naꞌnu veꞌe ñuꞌu sinagoga, taan na ndóꞌo̱ veꞌe kàà tin taxi na kuachi xaꞌa ndo kuꞌun ndo nuu na veꞌe chiñu án nuu nda rey. Xaꞌa ya ndíkun ndo sata i kua ikan na saa xiꞌin ndo.

San Lucas 22:29

Xaꞌa ya ñaa kua, taxi i ichí ndaꞌa ndo koo ndo kaꞌnda chiñu ndo xiꞌin i, saa chi Iva i ta ta̱xi ra ichí ndaꞌa i ya kaꞌnda chiñu i.

San Lucas 6:20

Saa ndi̱koto Jesús nuu nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Vaꞌa ni kée ndóꞌo̱ ndaꞌvi, kusini ni ndo saa chi ndóꞌo̱ ku ndo ndíkun ichí nuu xáꞌnda chiñu Ndioxi.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Juan 15:20

Ndikaꞌán ini ndo xaꞌa tuꞌun ya xa ndi̱kaꞌan i xiꞌin ndo: “Nda iin naꞌa, na kúu moso ta köo kaꞌnu ka na ikán nuu ra xáa chiñu na nuu.” Tá tu xáa nduvaꞌa na xiꞌin i, ta saa xaa nduvaꞌa tu na xiꞌin ndóꞌo̱ va. Tá tu xáa súvi na ya káꞌan i xiꞌin na, ta saa xaa súvi tu na ya káꞌan ndóꞌo̱ va xiꞌin na.

Los Hechos 5:40

Nda saa ndi̱xinu ini na. Ñaa xa̱ꞌnda na chiñu nuu na policía ikán ndi̱xaꞌan na ndi̱kuiso na nda ikán. Tá xa̱a nda xiꞌin na. Saa ndi̱taꞌnda chiñu nuu na xaa nduvaꞌa na xiꞌin nda kani ñaꞌa na. Ta saa ka̱ni ñaꞌa na ta ñaa si̱ꞌvi ñaꞌa na ya ná käꞌan ka nda xaꞌa kivi Jesús. Saa sa̱ña na nda ka̱na koo nda kuaꞌan nda.

Los Hechos 8:1

Saa tu ra Saulo va ndi̱xiyo yuꞌu ra xiꞌin na xa̱ꞌni ra Esteban. Tá ndi̱xiꞌi ra saa ku nuu xa̱á tíxuꞌvi ni na ndíkun Jesús ndóo ñuu Jerusalén, xaꞌa ya ikán kua ndi̱xita yava ndiꞌi na kuaꞌan na. Sava na kuaꞌan ñuu Judea xiꞌin ñuu Samaria, siin nda apóstol ku nda ndi̱ndoo ñuu Jerusalén.

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

Filipenses 1:28

Ta yeꞌe kúni i kuni soꞌo i xaꞌa ndo ya köo íꞌvi ndo xíni ndo naꞌa, na kúndasi nuu xíni ndóꞌo̱. Chi tá ná kuni na ya íkan ndo saa, ta saa kua kundaa teꞌe ni ini na ya kuaꞌan na ichí nuu ndiꞌi xaꞌa na, ta ndóꞌo̱, ta kaku ndo, saa chi Ndioxi ku ra chindee taꞌan xiꞌin ndo.

2 Timoteo 2:12

Tá tu ndee ni tindoꞌo ndóꞌo yo ñuu ivi yóꞌó, ta saa kua niꞌi yo kaꞌnda chiñu yo xiꞌin ra nuu xáꞌnda chiñu ra. Tá tu ndíkuaa yo ra, ta saa ndikuaa tu mií va ra yoo.

2 Timoteo 3:11

Ta xa kúndaa ini mií un ya ndee ni tindoꞌo ki̱xi nuu i xaꞌa Cristo, tá ndi̱xiyo i ñuu Antioquía, xiꞌin ñuu Iconio tin ñuu Listra. Ta mií Tata yo Jesucristo ku ra si̱kaku yeꞌe nuu ndiꞌi tindoꞌo ya ndo̱ꞌo i.

Santiago 1:12

Vaꞌa ni kée naꞌa, na kúndee ini xiꞌin tindoꞌo vaxi nuu na, saa chi Ndioxi ta taxi ra kutaku na xiꞌin ra ndiꞌi saa kúu kivi. Tá íyo ya ndi̱kaꞌan ra xiꞌin naꞌa, na kúꞌvi ni ini ra xíni ra, saa koo ya ikan ra xiꞌin na, niꞌi na ichí kutaku na xiꞌin ra.

Santiago 5:11

Ta nuu ndeꞌe ta ndee ni va vaꞌa kée nda ikán chi ndi̱xaꞌa ndee ni ini nda ya ndo̱ꞌo ni nda. Xa xi̱ni soꞌo mií ndo ndá kuꞌva ndo̱ꞌo ra Job, ndi̱xaꞌa ndee ni ini ra xiꞌin ya ndo̱ꞌo ni ra, yakan vaꞌa ni ndi̱niꞌi ra nuu Ndioxi tá sindiꞌi. Ndiꞌi ya yóꞌó sínaꞌa ya mií yo ya íyo tuꞌva Iva yo ya xaa kaꞌnu ini ra xaꞌa yo, chi kúndaꞌvi ni ini ra xíni ra yoo.

1 Juan 3:12

Ná ïkan yo tá i̱kan ra Caín xinaꞌa, xa̱a súvi ra ya kúni kiti nǎꞌa chi xa̱ꞌni ra ñani ra. Xaꞌa ya väꞌa íyo ini ra yakan i̱kan ra saa, ta ya i̱kan ñani ra ta ya vaꞌa i̱kan ra.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.