San Mateo 5:1 - Xochapa Mixteco

¹ Tá xi̱ni Jesús ndi̱xaa kuaꞌa ni naꞌa, saa nda̱a ra ndi̱kunduꞌu ra nuu iin xiki, ñaa ku̱yati nda ítaꞌan xiꞌin ra nuu ra, ya kuni soꞌo nda ya káꞌan ra.

San Mateo 5:1 Mawu Ofanana

San Mateo 13:2

Ta kuaꞌa ni naꞌa ndi̱xaa ndi̱kutu na nuu ra ya kúni na kuni soꞌo na kaꞌan ra, ta xaꞌa ya ikán kua nda̱a ra ndi̱kunduꞌu ra sata itun barco, ya kuchiñu kaꞌan ra xiꞌin ndiꞌi na ndíta yuꞌu nduta ñûꞌu ikán.

San Mateo 15:29

Saa ke̱e Jesús ñaꞌñu ikán, ta ndi̱xaa ra yuꞌu nduta ñûꞌu Galilea, ndi̱xaa ra nda̱a ra nuu iin xiki, saa ndi̱kunduꞌu ra.

San Mateo 4:25

Ta kuaꞌa ni na ke̱e estado Galilea xiꞌin na ke̱e ñuu náni Decápolis, na ke̱e ñuu Jerusalén xiꞌin ñuu ya ñúꞌu estado Judea xiꞌin na ke̱e inka ñaꞌñu yuꞌu nduta ita Jordán, ndi̱kitaꞌan na kuaꞌan na sata Jesús.

San Mateo 5:2

Saa xa̱á Jesús sínaꞌa ra na, káchi ra saa:

San Marcos 3:13

Sindiꞌi saa ka̱na Jesús nda kúni mií ra ya kaka nda chiñu nuu ra, saa ndi̱kiꞌin ra kuaꞌan ra xiꞌin nda iku.

San Marcos 3:20

Saa ndi̱kitaꞌan tuku naꞌa, kuaꞌa ka vi ku na ndi̱kitaꞌan nuu ra, nda nuu kuxi ra xiꞌin nda ítaꞌan xiꞌin ra küvi.

San Marcos 4:1

Saa xa̱á tuku Jesús sínaꞌa ra yuꞌu nduta ñûꞌu ikán. Ta kuaꞌa ni naꞌa ndixaa nuu ra, yakan nda̱a ra sata iin barco tun ndíkaa ini nduta ñûꞌu. Sata nu ikán ndi̱kunduꞌu koo ra sínaꞌa ra na ndíta yuꞌu rá.

San Lucas 6:12

Iin kivi ikán ke̱e Jesús kuaꞌan ra iin iku kaꞌan ra xiꞌin Ndioxi, ta iniun ñǔu ndi̱kaꞌan ra xiꞌin Ndioxi.

San Lucas 6:17

Tá ndi̱ko koo Jesús xiꞌin nda ítaꞌan xiꞌin ra. Ñaa ndi̱xinu nda iin yoso, ta ikán ndi̱kitaꞌan na ndíkun sata ra ndóo na ndátun ñaꞌa na. Saa ndóo kuaꞌa ni tu na ki̱xi ñuu Jerusalén xiꞌin na ki̱xi inka ñuu ya ñúꞌu estado Judea, xiꞌin na ki̱xi ñuu ya ñúꞌu yati yuꞌu nduta ñûꞌu ñuu Tiro tin na ki̱xi ñuu Sidón. Ndóo na ndátun ñaꞌa na chi kúni na kuni soꞌo na ya káꞌan ra, sava na kúni sindaꞌa ra na xiꞌin kueꞌe ya ndóꞌo na.

San Lucas 6:20

Saa ndi̱koto Jesús nuu nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Vaꞌa ni kée ndóꞌo̱ ndaꞌvi, kusini ni ndo saa chi ndóꞌo̱ ku ndo ndíkun ichí nuu xáꞌnda chiñu Ndioxi.

San Lucas 9:28

Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi.

San Juan 6:15

Saa xi̱ni Jesús ya ndíkani ini na, xaa nduxa na xiꞌin ra nduu ra rey nuu na. Yakan vaꞌa ka ndi̱kiꞌin ra kuaꞌan iindaa mituꞌun mií ra iku.