San Mateo 4:24 - Xochapa Mixteco

²⁴ Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Mateo 4:24 Mawu Ofanana

San Mateo 12:22

Saa ndáka na iin ra kuáa̱ ta meꞌme tuku ra xaꞌa ya kúu mií ra tachi nduvaꞌa. Yakan ndáka na ra kuaꞌan ra xiꞌin na nuu Jesús. Saa si̱ndaꞌa Jesús ra, ndi̱koto vaꞌa ra tin xa̱á vaꞌa káꞌan ra.

San Mateo 14:1

Suvi mií tiempo ikán xi̱ni soꞌo ra Herodes xaꞌa ndiꞌi ya vaꞌa íkan Jesús. Ta ra Herodes ikán ku rey ra xáꞌnda chiñu nuu na ñuu estado Galilea.

San Mateo 15:22

Ta iin ñaꞌa yá kúu seꞌe sikua na Canaán, süvi yá judío ku yá, ta vitin íyo yá inka ñaꞌñu náni Sirofenicia yati ñuu Tiro xiꞌin Sidón. Saa ndi̱xaa yá nuu Jesús ndee ni ndee ndi̱kaꞌan yá xiꞌin ra, káchi yá saa: ―¡Tata, seꞌe sikua ra David! ¡Kundaꞌvi ini un kuni un yeꞌe, ta chindee un yeꞌe xiꞌin seꞌe i! Ndee ni ndee ndóꞌó seꞌe síꞌi loꞌo i, tachi nduvaꞌa ki̱ꞌin yá ―káchi yá xiꞌin ra.

San Mateo 17:15

―¡Tata, kundaꞌvi ini un kuni un seꞌe i, ta chindee un ra! Ndee ni ndee ndóꞌo ra, xáꞌni too ya ra. Tá xáa ya xáꞌni too ñaꞌa ya, ta chíkaa ya ra ini tikuii án nuu ñu̱ꞌu̱.

San Mateo 17:18

Saa xa̱ꞌnda Jesús chiñu nuu tachi nduvaꞌa ikán, ndi̱kaꞌan ra xiꞌin ya keta ya kuꞌun ya. Saa ke̱ta ya kuaꞌan ya, ta ndikun ndu̱vaꞌa ra loꞌo ikán mí hora ikán.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Mateo 8:28

Saa ndi̱xaa Jesús inka ñaꞌñu yuꞌu nduta ñûꞌu nuu ndóo na Gadara. Ta ikán ka̱na koo uvi nda taa nda kúu mií tachi nduvaꞌa, ta kini ka vi íin nda, kueꞌe ni nda. Nda iin naꞌa küvi yaꞌa nuu íyo nda, ta íyo nda kava nuu ndúxin naꞌa. Saa ndi̱xaa uvi saa nda nuu Jesús.

San Mateo 8:33

Tá xi̱ni nda ndáa ri ya ndo̱ꞌo ri, saa ka̱na koo nda xínu nda ndi̱xaa nda ñuu. Saa ndi̱tuꞌun ndiꞌi nda xiꞌin na, unkua ndo̱ꞌo kini tin nda kúu mií tachi nduvaꞌa.

San Mateo 8:6

káchi ra saa: ―Tata, íyo iin ra xáa chiñu nuu i, ta ndee ni ndee ndóꞌo ra, ni küvi kanda ra, iin kúꞌvi níí ra ―káchi ra.

San Mateo 9:26

Saa ndi̱xita tuꞌun xaꞌa ra ndiꞌi ni kúu ñuu, ya si̱taku ra yá loꞌo ikán.

San Mateo 9:35

Saa xíka Jesús ñuu naꞌnu tin ñuu vali, xíniꞌni ra xíka ra sínaꞌa ra naꞌa, tá veꞌe ñuꞌu sinagoga, tá veꞌe ñuu xíka ra. Sínaꞌa ra na tuꞌun vaꞌa xaꞌa ichí ya xáꞌnda chiñu Ndioxi. Ndíkani ra nuu na, saa síndaꞌa ra na ndóꞌo ndiꞌi nuu kueꞌe.

San Marcos 1:28

Ta kama ku chi ndi̱xita ndiꞌi tuꞌun xaꞌa Jesús, ndiꞌi kúu estado Galilea ku̱ndaa ini na ñuu xaꞌa ra.

San Marcos 1:32

Tá kuaꞌan kúxikuáa, tá xa ndi̱keta ñu̱ꞌù, saa ndáka naꞌa na kúꞌvi xiꞌin na kúu mií tachi nduvaꞌa, ndáka ñaꞌa na ndi̱xaa na nuu Jesús.

San Marcos 2:3

Saa ndi̱xaa kumi nda taa, ndíso nda iin ra küvi kaka, ínuu ra nuu xito ndi̱xaa ra xiꞌin nda.

San Marcos 2:4

Saa iin chútu ndaa naꞌa, ta ni küvi yaꞌa nda xiꞌin ra chinduꞌu ñaꞌa nda nuu Jesús. Saa vaꞌa ka nda̱a nda sata veꞌe, ta ikán xu̱na nda xiní ya, saa si̱nuu nda ra nda nuu íin Jesús.

San Marcos 2:9

¿Unkua vaꞌa kaꞌan i xiꞌin ra? ¿Án ndíchi ka kaꞌan i xiꞌin ra: xáa kaꞌnu ini i xaꞌa kuachi ra, ¿án ndíchi ka kaꞌan i xiꞌin ra: ndikoo ra ndikiꞌin ra xito ra ta kaka ra?

San Lucas 2:2

Ta ya ikán ku censo ya núnuú ndi̱kuita tá kivi ku̱u ra Cirenio chiñu xa̱ꞌnda chiñu ra nuu na ñuu ya ñúꞌu estado Siria.

San Lucas 4:14

Ta kúu mií Jesús ndee Tachi I̱í Ndioxi, ta saa ndiko koo ra kuaꞌan ra chí Galilea, ta ndi̱xita ndiꞌi tuꞌun xaꞌa ra ndiꞌi ni kúu ñuu.

San Lucas 4:38

Saa ke̱e Jesús ini veꞌe ñuꞌu sinagoga ta ndi̱kiꞌin ra kuaꞌan ra veꞌe ra Simón, ra ítaꞌan xiꞌin ra. Tá ndi̱xaa ra ikán, ta ndi̱taꞌan ra yá siso ra Simón, ndee ni ndóꞌo yá ndítuvi ya xiꞌin yá. Ta saa ndi̱xikan na ya mani nuu Jesús ya sindaꞌa ñaꞌa ra.

San Lucas 5:15

Saa ndi̱xita ndiꞌi tuꞌun xaꞌa Jesús, kuaꞌa ni naꞌa xi̱ni soꞌo xaꞌa ra. Saa ndi̱kitaꞌan kuaꞌa ni na kuaꞌan na nuu Jesús ya kuni soꞌo na tuꞌun káꞌan ra, chi kúni tu na sindaꞌa ra na xiꞌin kueꞌe ndóꞌo va na.

San Lucas 5:24

Ta vaꞌa ná kundaa ini ndo chi yeꞌe ku Taa ra xa̱a ñuu ivi yóꞌó ta kúu mií i ndee Ndioxi ya xaa kaꞌnu ini i xaꞌa kuachi na ivi ―káchi ra. Ta saa ndi̱kaꞌan ra xiꞌin ra ikán káchi ra saa: ―Kuándikoo, ndikiꞌin xito un, ta kuanuꞌu veꞌe un ―káchi ra xiꞌin ra.

San Lucas 7:17

Saa ndi̱xita niꞌnu ndiꞌi tuꞌun xaꞌa Jesús ku̱ndaa ini ndiꞌi na íyo ñuu ya ñúꞌu estado Judea. Ta kuaꞌa ni ka na inka ñuu ya ñúꞌu yati xiꞌin estado Judea ku̱ndaa ini na xaꞌa ya íkan Jesús.

San Juan 10:21

Saa xa̱á káꞌan sava na, káchi na saa: ―Nda iin na kúu mií tachi nduvaꞌa ta küvi kaꞌan na saa. Tá kúu iin na kúu mií tachi nduvaꞌa, ta küvi sindaꞌa na iin na kuáa̱ ―káchi na.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 15:23

Ta tutu ya ti̱ꞌvi nda kuaꞌan xiꞌin nda ikán káchi ya saa: “Ndeꞌe apóstol xiꞌin na xikuaꞌa tin ndiꞌi ka na taꞌan yo na ndíkun Jesús chíndee ni nde ndóꞌo̱ na taꞌan yo, ndóꞌo̱ köo kúu judío ndóo ñuu Antioquía estado Siria tin Cilicia.

Los Hechos 15:41

Ndi̱yaꞌa nda estado Siria xiꞌin estado Cilicia ndi̱kaꞌan nda xiꞌin na ta̱xi nda ndee ndaꞌa na veꞌe ñuꞌu ndóo ikán.

Los Hechos 28:9

Tá xi̱ni na ndu̱vaꞌa iva ra ikán, saa xa̱á xáa kuaꞌa na kúꞌvi ndóo mi ñuu ikán nuu ra, saa síndaꞌa ndiꞌi ra na.

Los Hechos 8:7

Chi kuaꞌa ni na kúu mií tachi nduvaꞌa si̱ndaꞌa ra. Tá síndoo ya na kée ya kuaꞌan ya, ta iin ndáꞌi koꞌo ya síndoo ñaꞌa ya. Kuaꞌa ni ku tu na ndu̱chiꞌña xaꞌa tin na küvi kaka si̱ndaꞌa ra.