San Mateo 4:21 - Xochapa Mixteco

²¹ Saa xíka ka Jesús kuaꞌan ra ta xi̱ni ra uvi nda taa, ta iin ñani uvi saa nda, ra Jacobo xiꞌin ra Juan, ñani ra, seꞌe ra Zebedeo ku nda. Ndóꞌni nda ini barco síndaꞌa nda ñunu nda. Saa ndi̱kaꞌan Jesús xiꞌin nda, káchi ra saa: ―Naꞌa ndo kundikun ndo yeꞌe ―káchi ra xiꞌin nda.

San Mateo 4:21 Mawu Ofanana

San Mateo 10:2

Ta ya yóꞌó ku kivi nda ikán, ra núnu̱ú ku ra Simón, ra káꞌan na xiꞌin Pedro xiꞌin ñani ra, ra Andrés, xiꞌin ra Jacobo xiꞌin ra Juan ñani ra, nda seꞌe ra Zebedeo ku uvi saa nda ikán.

San Mateo 17:1

Ndi̱yaꞌa iñu kivi saa ndi̱kundaka Jesús ra Pedro xiꞌin ra Jacobo tin ra Juan ñani ra, ndi̱kundaka ra nda kuaꞌan nda xiꞌin ra iin iku sukun ni, ta ikán ndóo uni mií nda xiꞌin ra.

San Mateo 26:37

Saa ndi̱kiꞌin ra ta Pedro xiꞌin uvi saa nda seꞌe ra Zebedeo ke̱e nda kuaꞌan nda xiꞌin ra, ñaa xa̱á kúchiꞌña ni ini ra, ta ndee ni kúsuchi ini ra.

San Mateo 4:20

Saa ndikun si̱ndoo nda ñunu nda, ta ndi̱kundikun nda kuaꞌan nda sata Jesús.

San Mateo 4:22

Saa ndikun si̱ndoo nda iva nda tin itun barco nda, ta ndi̱kundikun nda kuaꞌan nda sata Jesús.

San Marcos 3:17

inka ra náni Jacobo xiꞌin ra Juan ñani ra, seꞌe iin ra náni Zebedeo ku uvi saa nda ikán, ta chi̱nuu ra kivi nda ikán Boanerges, tuꞌun ikán kúni kachi ya: Seꞌe Taxan saa chi ndee ni káꞌan nda, tá ndáꞌi savi saa káꞌan nda.

San Marcos 5:37

Saa ke̱e nda kuaꞌan nda veꞌe ra, ta köo ndi̱taxi ra kuꞌun ndá ka naꞌa xiꞌin ra, ndisaa ra Pedro xiꞌin ra Jacobo tin ra Juan ñani ra, nda ikán ku nda kuaꞌan xiꞌin ra.

San Juan 21:2

Ta iin káchi íyo ra Simón Pedro xiꞌin ra Tomás, ra káꞌan na xiꞌin Dídimo, xiꞌin inka ra Natanael, ra ñuu Caná, estado Galilea. Saa íyo uvi saa nda seꞌe ra Zebedeo xiꞌin inka uvi nda xi̱taꞌan xiꞌin Jesús.

Los Hechos 12:2

Xa̱ꞌnda ra chiñu xa̱ꞌni na ra Jacobo ñani ra Juan xiꞌin i̱chi.