San Mateo 4:12 - Xochapa Mixteco

¹² Tá xi̱ni soꞌo Jesús ya chi̱kaa na ra Juan veꞌe kàà, ta saa ndi̱ko koo ra kuanuꞌu ra chí Galilea.

San Mateo 4:12 Mawu Ofanana

San Mateo 11:2

Saa ndíkaa ra Juan ra síkuchi naꞌa veꞌe kàà, ta xi̱ni soꞌo ra tuꞌun xaꞌa ya vaꞌa íkan Jesús xiꞌin naꞌa, saa ti̱ꞌvi ra uvi nda ítaꞌan xiꞌin ra kuaꞌan nda ndakan tuꞌun nda Jesús.

San Mateo 14:3

Chi suvi mií ra Herodes ikán ku ra xa̱ꞌnda chiñu ya ti̱in na ra Juan, ka̱tun na ra xiꞌin cadena, saa ki̱ꞌin na ra chi̱kaa na veꞌe kàà. Xaꞌa ya ndi̱kaꞌan ra xiꞌin ra Herodes, ya väꞌa íkan ra xiꞌin yá Herodías, yá xanu ra, yá síꞌi ra ñani ra, ra Felipe.

San Marcos 1:14

Sindiꞌi tá chi̱kaa ra Herodes ra Juan veꞌe kàà, saa ke̱e Jesús kuaꞌan ra estado Galilea kaꞌan ra tuꞌun vaꞌa xaꞌa Ndioxi ndá kuꞌva kua kaꞌnda chiñu ra.

San Marcos 6:17

Saa chi xa yachi vi xa̱ꞌnda chiñu ra Herodes ya ti̱in na ra Juan ka̱tun na ra xiꞌin cadena kuaꞌan ra veꞌe kàà xaꞌa ya ndi̱kaꞌan ra Juan xiꞌin ra Herodes xaꞌa yá Herodías, yá síꞌi ra Felipe ñani ra.

San Lucas 23:5

Ñaa iin káchi ndi̱kuiin ndiꞌi na káꞌan na xiꞌin ra Pilato, káchi na saa: ―Ra chúꞌun naꞌa ku ra ñaa, ta chíkaa ra yuꞌu na ya kanitaꞌan na xiꞌin na chiñu. Ndiꞌi ni kúu ñuu estado Galilea xiꞌin estado Judea ndi̱xika ra sínaꞌa ra, ta vitin nda ñuu Jerusalén yóꞌó xa̱a ra íkan ra saa ―káchi na xiꞌin ra Pilato.

San Lucas 3:20

Vani ndi̱kaꞌan ra Juan xiꞌin ra Herodes ta köo ndi̱xini soꞌo ra ya ndi̱kaꞌan ra xiꞌin ra chi i̱kan tuku ra inka ya väꞌa, chi̱kaa ra ra Juan veꞌe kàà.

San Lucas 4:14

Ta kúu mií Jesús ndee Tachi I̱í Ndioxi, ta saa ndiko koo ra kuaꞌan ra chí Galilea, ta ndi̱xita ndiꞌi tuꞌun xaꞌa ra ndiꞌi ni kúu ñuu.

San Lucas 4:31

Saa ndi̱kiꞌin tuku Jesús kuaꞌan ra ñuu Capernaum ya ndíkaa estado Galilea, ñaa xa̱á ra sínaꞌa ra ini veꞌe ñuꞌu ikán kivi ndíkundee na.

San Juan 1:43

Ta ndi̱tuvi inka kivi ku̱ni Jesús kuꞌun ra estado Galilea, ta saa ndi̱taꞌan ra, ra Felipe. Ta ndi̱kaꞌan ra xiꞌin ra, káchi ra saa: ―Naꞌa koꞌyo xiꞌin i ―káchi Jesús xiꞌin ra.

San Juan 2:11

Yatuꞌun yóꞌó ku ya núnu̱ú i̱kan Jesús ñuu Caná, estado Galilea. Xaꞌa ya i̱kan ra ya yóꞌó ta si̱naꞌa ra naꞌa ya ndee ni ndee kúu mií ra. Ta ka̱ndixa ñaꞌa nda ítaꞌan xiꞌin ra.

San Juan 3:24

Ya yóꞌó ku̱u tá täꞌan tiin na ra Juan kuꞌun ra veꞌe kàà.

San Juan 4:43

Sindiꞌi ndi̱yaꞌa uvi kivi ta ke̱e Jesús estado Samaria, kuaꞌan ra estado Galilea.

San Juan 4:54

Ya yóꞌó ku yatuꞌun, ya uvi i̱kan Jesús, tá ndi̱ko koo ra ndi̱xaa estado Galilea tá sindiꞌi ndi̱xika ra estado Judea.