San Mateo 4:10 - Xochapa Mixteco

¹⁰ Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Mateo 4:10 Mawu Ofanana

San Mateo 16:23

Saa ndi̱ko koo Jesús ndi̱kaꞌan ra xiꞌin ra, káchi ra saa: ―¡Kuataꞌa nuu i, Timiaꞌa! Saa chi sási un nuu i ya ná ïkan i ya kúni Iva i Ndioxi. Chi yóꞌo̱ ta köo ndíkani ini un tá kuꞌva ndíkani ini Ndioxi. Ndíkani ini un tá kuꞌva ndíkani ini na ñuu ivi yóꞌó va ―káchi Jesús xiꞌin ra Pedro.

San Marcos 1:13

Uvi xiko kivi ndi̱xiyo ra iku yuyu ikán, saa ndi̱xaa kiti nǎꞌa xíto ndoso ri ra, ta íyo ni kiti kueꞌe ikán. Sundi íyo tatun Ndioxi chíndee ñaꞌa ya.

San Lucas 10:18

Saa ndi̱kaꞌan ra xiꞌin nda, káchi ra saa: ―Yeꞌe ta xi̱ni va i kiti nǎꞌa, kiti Satanás, ke̱ta ri nuu ndivi. Tá káa iin taxan, saa káa ri ndi̱kava ri nuu ñuꞌú.

San Lucas 11:18

Ta saa tu kiti nǎꞌa va, kiti náni Satanás, tá ná kani taꞌan ri xiꞌin taꞌan mií ri, taꞌvi taꞌan ri, ta kama ni va ndiꞌi xaꞌa ichí ya xáꞌnda chiñu ri. Yakan süvi ya ndaa kua ndíkani ini ndo xaꞌa i, táva i tachi nduvaꞌa xiꞌin ndee kiti nǎꞌa.

San Lucas 13:16

Ta saa íkan i xiꞌin yá yóꞌó, chi seꞌe sikua ra Abraham ku yá ta xa ndi̱xinu xaꞌun uni kuiya kúu mií yá tachi nduvaꞌa. ¿Án chïndee yo yá ndaxin yá kivi ndíkundee yo? ―káchi ra xiꞌin nda.

San Lucas 22:3

Ta ndi̱kiꞌvi kiti nǎꞌa, kiti Satanás ini ra náni Judas ta náni tu ra Iscariote va, taꞌan iin nda uxi uvi ítaꞌan xiꞌin Jesús ku ra.

San Lucas 22:31

Saa ndi̱kaꞌan Jesús xiꞌin ra Pedro, káchi ra saa: ―Yóꞌo̱, Simón Pedro, kuni soꞌo vaꞌa un ya káꞌan i xiꞌin un, chi kiti nǎꞌa, kiti Satanás ta xa ndu̱ku ri ichí nuu Ndioxi ya koto ndoso ri ndiꞌi ndo. Tá íkan naꞌa xiꞌin trigo na kísi niꞌnu na ya, saa ikan ri xiꞌin ndo.

San Lucas 4:8

Saa ndi̱kuiin Jesús, káchi ra saa: ―Kuáketa kuáꞌan, saa chi tuꞌun Ndioxi káchi ya saa: “Iindaa mituꞌun mií Ndioxi xaa kaꞌnu i, ta xäa kaꞌnu i inka naꞌa”, káchi tuꞌun ra ―káchi Jesús xiꞌin ri.

San Juan 13:27

Ta tá ndi̱kiꞌin soꞌva ra Judas ikán xita vaꞌa xi̱xi ra, ta ndikun ndi̱kiꞌvi kiti nǎꞌa nima ra. Saa ndi̱kaꞌan Jesús xiꞌin ra, káchi ra saa: ―Chiñu ya xaa súvi un, ta vaꞌa kama xaa súvi un ya ―káchi Jesús xiꞌin ra.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

Los Hechos 5:3

Ñaa ndi̱kaꞌan ra Pedro xiꞌin ra Ananías, káchi ra saa: ―Tata, ¿ndachu kua i̱kan un saa? Ta̱xi un ndi̱kiꞌvi kiti Satanás nima un ta ku̱ni un sindaꞌvi un Tachi I̱í Ndioxi. Ya yóꞌó ku ndiꞌi xuꞌun ki̱ꞌin un xaꞌa ñuꞌú un, káchi un, ta süvi ya ndaa kua chi ndi̱ndoo ka ya ndaꞌa un.

1 Corintios 5:5

Ta ñaa nditaxi ndo ra ndaꞌa kiti nǎꞌa ya ná ndiꞌi xaꞌa ikin kuñu ra xaꞌa ya väꞌa íkan ra, ta saa kuchiñu kaku ya vaꞌa ra kivi tá ná ndiko koo Tata yo Jesucristo kixi ra.

1 Corintios 7:5

Xaꞌa ya ñaa kua küxiꞌnda ndo mií ndo nuu taꞌan ndo, sundi tá tu xa ndi̱kani ini ndo ya tïndaa taꞌan ndo uvi ndaa kivi, xaꞌa ya kúni ndo kaꞌan ndo xiꞌin Ndioxi, ta vaꞌa chitaꞌan tuꞌun ndo xaꞌa ya. Tá xa ndi̱xinu ichí ndi̱kaꞌan ndo xiꞌin Ndioxi ta saa vaꞌa tindaa taꞌan tuku ndo. Saa chi tá tu ná tïndaa taꞌan tuku ndo, ta ìyo ni sindaꞌvi kiti nǎꞌa ndóꞌo̱, ta koyo ndo nuu kuachi.

2 Corintios 11:14

Ta vaꞌa ná ndïkanda ini yo xaꞌa ya íkan nda saa, chi saa íkan tu mií va kiti nǎꞌa, kiti Satanás: vaꞌa ndása ri mií ri, ndúu ri tá íyo na tatun Ndioxi, na yéꞌe̱.

2 Corintios 12:7

Ta ya ná chïnuu vaꞌa ni i tuꞌun i, xiꞌin ya xi̱ni i tá nda̱a i nuu ndivi, xaꞌa ya ikán kua ta̱xi Ndioxi ichí ndaꞌa tachi nduvaꞌa ya sítixuꞌvi ni ya yeꞌe, ta ndee ni kúꞌvi kuñu i, tá káa iñu saa káa ya kuakiꞌvi ikin kuñu i, saa ndóꞌo i ya ná chïnuu vaꞌa ni i tuꞌun mií i.

2 Corintios 2:11

Ta vaꞌa ná ndikiꞌin mani yo ra, ya ná täxi yo sindaꞌvi kiti nǎꞌa yo, saa chi xa ndiꞌi yo xíni ndá kuꞌva kua xáa chiñu ri.

Santiago 4:7

Yakan nditaxi ndiꞌi ndo mií ndo ndaꞌa Iva yo Ndioxi, ndaku koo ini ndo, täxi ndo sindaꞌvi kiti nǎꞌa ndóꞌo̱, ni xäa súvi ndo ndá ka ya káꞌan ri, ta saa kutaꞌa ri, saa kuxiyo ri kuꞌun ri.

1 Pedro 5:9

Ndaku ni koo ini ndo, tuun ni kundaa ini ndo Tata yo Jesucristo, täxi ndo keꞌe ri nǎꞌa ndóꞌo̱. Chi tá kuꞌva ndóꞌo ndóꞌo̱, saa ndóꞌo ndiꞌi ni kúu na taꞌan yo, na kándixa Tata yo Jesucristo na ndóo ndiꞌi saa kúu xaꞌa ñuu ivi.