San Mateo 3:7 - Xochapa Mixteco

⁷ Saa xi̱ni ra Juan kuaꞌan kuaꞌa ni nda naꞌnu nuu na judío, nda fariseo xiꞌin nda saduceo, chi kúni nda kuchi nda. Saa ndi̱kaꞌan ra tuꞌun yóꞌó xiꞌin nda, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo, ta xaꞌa ya íkan ndo saa ta sikaku Ndioxi ndóꞌo̱ nuu ya tixuꞌvi ndo, káꞌán ndo?

San Mateo 3:7 Mawu Ofanana

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 12:34

Saa ndóꞌo̱, káꞌan i xiꞌin ndo: ¡Tá íin seꞌe kiti ko̱ó saa íin ndo, káchi i! Chi süvi ndóꞌo̱ vaꞌa ku ndo, yakan küvi kaꞌan ndo ya vaꞌa. Chi tá kuꞌva íyo nima ndo, saa íyo tuꞌun káꞌan ndo.

San Mateo 15:12

Saa ku̱yati nda ítaꞌan xiꞌin ra nuu ra, ndi̱kaꞌan nda xiꞌin ra: ―¿Án ku̱ndaa ini un ndi̱saa ni nda fariseo xaꞌa tuꞌun ya ndi̱kaꞌan un xiꞌin nda? ―káchi nda xiꞌin Jesús.

San Mateo 16:1

Saa ndi̱xaa nda fariseo xiꞌin nda saduceo nuu Jesús. Ndi̱xaa nda xíto ndoso nda ra, yakan káꞌan nda xiꞌin ra, ikan ra yatuꞌun kuni nda ya kundaa ini nda án ndixa ra ke̱e nuu Ndioxi ku ra.

San Mateo 16:6

Saa ndi̱kaꞌan Jesús xiꞌin nda, káchi ra saa: ―Koto vaꞌa ndo, kuenta ni koo ndo xiꞌin uxan iya nda fariseo xiꞌin nda saduceo ―káchi ra xiꞌin nda.

San Mateo 22:15

Tá si̱ndiꞌi Jesús ndi̱kaꞌan ra tuꞌun ndíchi ikán, saa ka̱na koo nda fariseo kuaꞌan nda, ta chi̱taꞌan tuꞌun nda ya keꞌe nda Jesús, nuu kaꞌan ra ndá ka tuꞌun. Saa kuchiñu nda taxi nda kuachi xaꞌa ra.

San Mateo 22:23

Ta suvi mií kivi ikán ndi̱xaa sava nda saduceo nuu Jesús, ta nda ikán ta köo kándixa nda ya ndítaku na xa ndi̱xiꞌi. Saa ndi̱kaꞌan nda xiꞌin ra, káchi nda saa:

San Mateo 22:34

Tá ku̱ndaa ini nda fariseo ya ku̱taxin yuꞌu nda saduceo i̱kan Jesús, ta saa ndi̱kitaꞌan nda kuaꞌan nda nuu ra.

San Mateo 23:33

¡Seꞌe ko̱ó ku ndo, chi íkan ndo tá íkan ko̱ó kueꞌe! ¡Ta ni köo ka kuꞌva sikaku ndo mií ndo ya küꞌun ndo ndaya!

San Mateo 5:20

Ya ndixa káꞌan i xiꞌin ndo, tá tu köo íkan ndo ya vaꞌa ndinuꞌu nuu Ndioxi, ta küchiñu ndo kiꞌvi ndo koo ndo nuu xáꞌnda chiñu ra. Yakan tá tu kúni ndo kiꞌvi ndo nuu xáꞌnda chiñu ra, ta xíniñuꞌu ndo vaꞌa ni ka ikan ndo ya vaꞌa nuu taꞌan ya íkan nda fariseo xiꞌin nda sínaꞌa ley Ndioxi ―káchi Jesús xiꞌin na.

San Marcos 12:13

Saa ti̱ꞌvi na xikuaꞌa sava nda fariseo xiꞌin nda ñúꞌu xiꞌin na partido ra Herodes, ti̱ꞌvi na nda kuaꞌan nda kaꞌan nda xiꞌin Jesús ya koto ndoso ñaꞌa nda án ndá tuꞌun väꞌa kaꞌan ra, ta saa kuchiñu niꞌi nda kuꞌva taxi nda kuachi xaꞌa ra.

San Marcos 12:18

Saa ku̱u ke̱e sava nda saduceo kuaꞌan nda koto nda Jesús. Ta nda ikán köo kándixa nda ya ndítaku na ndíi, xaꞌa ya ikán kua ndi̱ndakan tuꞌun nda ra, káchi nda saa:

San Marcos 8:15

Saa ndi̱kaꞌan Jesús xiꞌin nda: ―Koto ndo, kuenta ni koo ndo xiꞌin uxan iya nda fariseo, saa tu uxan iya ra Herodes va ―káchi ra xiꞌin nda.

San Lucas 16:14

Saa tá xi̱ni soꞌo nda fariseo ya ndi̱kaꞌan ra, ta ndi̱xaku ndaa ñaꞌa nda. Chi kútoo ni nda ya kuika.

San Lucas 18:11

Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i.

San Lucas 7:30

Sundi nda sínaꞌa ley ya ta̱a ra Moisés xiꞌin nda fariseo, ta ku̱ndasi nda ya vaꞌa ku̱ni Ndioxi ikan ra xiꞌin nda, chi köo ndi̱xiin nda kuꞌun nda kuchi nda nuu ra Juan ―káchi Jesús xiꞌin na.

San Juan 1:24

Ta nda fariseo ku nda ti̱ꞌvi nda ikán ndi̱xaꞌan nda nuu ra Juan.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

San Juan 9:40

Ta nda fariseo nda íyo xiꞌin Jesús, tá xi̱ni soꞌo nda ya ndi̱kaꞌan ra saa, ta ndi̱kaꞌan nda xiꞌin ra, káchi nda saa: ―¿Án nda ndeꞌe ku nde kuáa̱ túvi un? ―káchi nda xiꞌin ra.

Los Hechos 15:5

Ta saa ndóo sava nda fariseo nda ndíkun Jesús ta ndi̱kundita nda káꞌan nda, káchi nda saa: ―Na köo kúu judío ta xíniñuꞌu na ndikunuu tuni Ndioxi na, saa xíniñuꞌu na xaa súvi na ya ta̱a ra Moisés xinaꞌa ―káchi nda.

Los Hechos 20:31

Yakan kua kuenta ni koo ndo, täxi ndo sindaꞌvi na ndóꞌo̱. Ndikaꞌán ini ndo, uni kuiya ndi̱xiyo i xiꞌin ndo ndi̱kani i nuu ndo, ndi̱kaꞌan i xiꞌin ndo nduvi niuun ya xíniñuꞌu ndo kuenta ni koo ndo. Nda xáku i ndi̱kaꞌan i xiꞌin ndo.

Los Hechos 26:5

Xíni vaꞌa na yeꞌe, tá tu kúni na ndikuiin na xaꞌa ya káꞌan i ta vaꞌa kaꞌan na xaꞌa i, chi yeꞌe ta nda tá xaꞌa vi xa̱á i kándixa ni i ichí na fariseo, saa chi na ikán ku na ndee ni tuun xáa súvi ley ndeꞌe judío.

Los Hechos 5:17

Saa ku̱u ta xa̱á kûni ini ra sutu: ra ínuu nuu ndiꞌi sutu xiꞌin ndiꞌi ka nda saduceo, nda ndóo xiꞌin ra. Xa̱á nda kûni ini nda xíni ñaꞌa nda apóstol.

ROMANOS 1:18

Ndioxi ta sínaꞌa ra yóo ya ndixa kua sáa ni ini ra xíni ra ndiꞌi ñaꞌa ya väꞌa íkan yo, xiꞌin ya väꞌa íkan naꞌa xaꞌa ya köo xíin na kandixa na ra, tin ya väꞌa íkan na xiꞌin taꞌan na. Vani xa xíni na ya ndaa ta köo xíin na ikan na ya, xaꞌa ya íkan na saa, ta köo táxi na kundaa ini nda iin naꞌa ya ndaa.

ROMANOS 5:9

Ta ndisaa ka vi vitin, sïndoꞌo ka Ndioxi yoo kivi tá ná taxi ra kuachi xaꞌa ndiꞌi ni kúu na ñuu ivi yóꞌó, xaꞌa ya ndi̱xiꞌi Jesucristo xaꞌa yo kua nda̱sa ra mií yo ndu̱u yo tá íin naꞌa, na köo ka kuachi kúu mií nuu Ndioxi.

1 Tesalonicenses 1:10

Ta káꞌan na xaꞌa ndo ya ndátun ndo Jesús, ra kúu seꞌe Ndioxi ra ke̱e nuu ndivi, ta ndiko koo tuku ra kixi ra ñuu ivi yóꞌó. Chi Ndioxi ku ra si̱taku ñaꞌa tañu na ndíi, ta ra ikán ku ra sikaku yoo nuu tindoꞌo ya ndee ni vaxi sata na ñuu ivi yóꞌó.

HEBREOS 11:7

Xaꞌa ya xi̱ndaa ni ini ra Noé xi̱ni ra Ndioxi kua si̱kuaꞌa ra itun barco tá ndi̱kaꞌan Ndioxi xiꞌin ra kixi tindoꞌo sata na ñuu ivi yóꞌó, ta nda iin ichí täꞌan kuun kini ni saví tá kuꞌva ku̱un rá kivi ikán. Xaꞌa ya xi̱ndaa ni ini ra xi̱ni ra Ndioxi yakan kua xa̱a súvi ra ya ndi̱kaꞌan Ndioxi xiꞌin ra, ya kuchiñu kaku na veꞌe ra. Ta xaꞌa ya i̱kan ra saa kua ta̱xi ra kuachi xaꞌa na ñuu ivi yóꞌó. Ta saa ndi̱niꞌi ra ya vaꞌa nuu Ndioxi, ndu̱u ra tá káa iin naꞌa, na köo ka kuachi kúu mií nuu Ndioxi, xaꞌa ya xi̱ndaa ni ini ra xi̱ni ra Ndioxi.

HEBREOS 6:18

Uvi nuu ku ñaꞌa ya ki̱ndoo Ndioxi xaa súvi ra: iin ku ya ki̱ndoo ra xiꞌin naꞌa xaa súvi ra ya ndi̱kaꞌan ra xiꞌin na, ta inka kua chi̱naꞌa ra tixin mií ra ya sixinu ra ya ki̱ndoo ra xiꞌin na. Xaꞌa ya ikán kua vaꞌa ná kandixa ni yo ra, ta ná kuyati yo nuu ra ya chindee ra yoo, saa ná kundaa teꞌe ini yo ya ndikiꞌin yo ya ndi̱kaꞌan ra xiꞌin yo taxi ra ndaꞌa yo.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.