San Mateo 3:6 - Xochapa Mixteco

⁶ Saa tá xi̱ni soꞌo na, ta xa̱á na náꞌma na kuachi na nuu ra. Ta síkuchi ra na ikán ini ita Jordán.

San Mateo 3:6 Mawu Ofanana

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Marcos 1:5

Kuaꞌa ka vi na kuaꞌan nuu ra, kuaꞌan na ñuu Jerusalén xiꞌin ndiꞌi ka na ñuu ya ñúꞌu estado Judea, kuaꞌan na kuni soꞌo na ya káꞌan ra. Tá xíni soꞌo na ya káꞌan ra, saa náꞌma na kuachi na nuu Ndioxi, saa síkuchi ra Juan na ini ita Jordán.

San Lucas 1:16

Ta kuaꞌa ni na kúu seꞌe ra Israel sindiko koo ra ichí Ndioxi.

San Lucas 3:16

Ta saa ndi̱kaꞌan ra xiꞌin na, káchi ra saa: ―Süvi yeꞌe ku i. Ya ndaa kua síkuchi i ndóꞌo̱ xiꞌin tikuii, sundi süvi yeꞌe ku i sikaku ndóꞌo̱. Vaxi iin ra, ta ra ikán ku ra chee ni nuu i, ta nda sata nduxa ra küvi kuyati i ndaxin i chi yáꞌa ni chee ra nuu i. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ xíxi.

Los Hechos 1:5

Saa chi ya ndaa kua si̱kuchi ra Juan naꞌa xiꞌin tikuii, sundi ndóꞌo̱ ta soo uvi ndaá kivi kua kuchi ndo ikán Tachi I̱í Ndioxi ―káchi Jesús xiꞌin nda.

Los Hechos 11:16

Ta saa ndi̱kaꞌán ini i ya ndi̱kaꞌan Tata yo Jesús tá ndi̱kaꞌan ra xiꞌin yo xi̱taꞌan xiꞌin ra: “Ra Juan ta ya ndaa kua si̱kuchi ra naꞌa xiꞌin tikuii, sundi ndóꞌo̱ ta vaxi kivi kuchi ndo xiꞌin Tachi I̱í Ndioxi”, káchi ra xiꞌin yo.

Los Hechos 19:18

Ta kuaꞌa ni na xa̱á kándixa Jesús, ta ndi̱xaa na náꞌma na xaꞌa kuachi na, ya väꞌa i̱kan na yachi.

Los Hechos 22:16

Ta kündatun ka un vitin. Kuandikoo kuchi un tixin kivi Jesús. Ta kaꞌan un xiꞌin ra ná xaa kaꞌnu ini ra xaꞌa kuachi un”, káchi ra Ananías ikán xiꞌin i ―káchi ra Pablo xiꞌin na.

1 Corintios 10:2

Tá ndo̱ꞌo na saa, ndi̱xika na tixin viko tin ndi̱yaꞌa na maꞌñu nduta ñûꞌu, nduta Kuáꞌa̱. Ta nda tá íin na chi̱chi saa ndi̱xiyo na, xaꞌa ya ikán kua vaꞌa ndi̱kitaꞌan na xiꞌin ra Moisés, ndi̱kundikun na ra.

Colosenses 2:12

Chi tá kivi chi̱chi ndo xaꞌa ya kándixa ndo Jesucristo, ta kúni kachi ya, tá íin ndo ndi̱nduxin xiꞌin ra saa íin ndo, ta ndi̱taku ndo xiꞌin ra xaꞌa ya ndáa ni ini ndo xíni ndo Ndioxi ya si̱taku ra Tata yo Jesucristo tá ndi̱xiꞌi ra.

HEBREOS 6:2

Ta saa si̱naꞌa tu na yo ya xíniñuꞌu yo kuchi yo, xiꞌin ya chinuu ndaꞌa yo xi̱ní naꞌa ya kaꞌan yo xaꞌa na xiꞌin Ndioxi, saa si̱naꞌa na yo xaꞌa ya ndítaku naꞌa, na xa ndi̱xiꞌi. Ta si̱naꞌa tu na yo xaꞌa kivi sindiꞌi ya taxi Ndioxi kuachi xaꞌa naꞌa, na köo ndi̱xiin kandixa ñaꞌa.

HEBREOS 9:10

Saa chi ndiꞌi ya táxi na ndaꞌa Ndioxi ta káꞌan ya xaꞌa ñaꞌa ya xíxi na xiꞌin nduta xíꞌi na, ta saa tu ndá kuꞌva ndikata na ikin kuñu na ya nduyaa na nuu Ndioxi. Ndiꞌi ya yóꞌó ta köo ndi̱kuchiñu ya ndisama ya nima na. Ta ya yóꞌó kua i̱kan na iin saa nda kivi tá ndisama Ndioxi ya yóꞌó, ta nda saa kua ndi̱niꞌi na inka ya vaꞌa ni ka nuu Ndioxi.

Santiago 5:16

Xaꞌa ya ñaa kua xíniñuꞌu ndo naꞌma ndo kuachi ndo nuu taꞌan ndo, saa kaꞌan ndo xiꞌin Ndioxi xaꞌa taꞌan ndo. Ikan ndo saa ya ná sindaꞌa Ndioxi ndóꞌo̱. Chi ndiꞌi naꞌa, na íyo vaꞌa nuu ra, ta xíni soꞌo va ra ya ndúku na nuu ra.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.

1 Juan 1:9

Sundi tá tu náꞌma yo kuachi yo nuu Ndioxi ta xáa kaꞌnu ini ra xaꞌa yo, ndíkata ra ndiꞌi kuachi yo, saa ndása vaꞌa ra yoo, saa chi vaꞌa ni mií ra, ndaa ni ini ra ta síxinu ndiꞌi ra ya káꞌan ra.