San Mateo 3:5 - Xochapa Mixteco

⁵ Ta naꞌa na ñuu Jerusalén xiꞌin na inka ñuu, suvi mií estado Judea xiꞌin ndiꞌi na ndóo yati ita Jordán ndi̱xaa na nuu ra Juan ya kúni na kuni soꞌo na tuꞌun káꞌan ndoso ra.

San Mateo 3:5 Mawu Ofanana

San Mateo 2:1

Tá ka̱ku Jesús ñuu Belén ya ndíkaa estado Judea, ta ra Herodes ku ra ndi̱xiyo rey nuu na. Ta tiempo ikán ndi̱xaa nda ndíchi, nda ndíkuni kimi ñuu Jerusalén, ta ki̱xi nda chí nuu kéta ñu̱ꞌù vaxi ya.

San Mateo 4:25

Ta kuaꞌa ni na ke̱e estado Galilea xiꞌin na ke̱e ñuu náni Decápolis, na ke̱e ñuu Jerusalén xiꞌin ñuu ya ñúꞌu estado Judea xiꞌin na ke̱e inka ñaꞌñu yuꞌu nduta ita Jordán, ndi̱kitaꞌan na kuaꞌan na sata Jesús.

San Marcos 1:5

Kuaꞌa ka vi na kuaꞌan nuu ra, kuaꞌan na ñuu Jerusalén xiꞌin ndiꞌi ka na ñuu ya ñúꞌu estado Judea, kuaꞌan na kuni soꞌo na ya káꞌan ra. Tá xíni soꞌo na ya káꞌan ra, saa náꞌma na kuachi na nuu Ndioxi, saa síkuchi ra Juan na ini ita Jordán.

San Lucas 16:16

Saa ndi̱kaꞌan ka Jesús, káchi ra saa: ―Tá yachi ta ley Ndioxi xiꞌin ya ta̱a nda ndi̱kaꞌan ndoso tuꞌun yuꞌu Ndioxi kua ndi̱xiyo, iin saa nda kivi tá ki̱xi ra Juan, ra si̱kuchi naꞌa. Saa ku nuu xa̱á káꞌan ndoso nde ndá kuꞌva xáꞌnda chiñu Ndioxi. Ta kuaꞌa ni na xáa nduxa kuakiꞌvi na ichí ra.

San Lucas 3:3

Ñaa xa̱á ra káꞌan ndoso ra tuꞌun Ndioxi yuꞌu ita Jordán, káꞌan ra xiꞌin na ya ná ndiko koo ini naꞌa xaꞌa kuachi na ta saa sikuchi ra na ya xaa kaꞌnu ini Ndioxi xaꞌa na.

San Lucas 3:7

Saa ndi̱xaa naꞌa, kuaꞌa ni ku na ndi̱xaa nuu íin ra Juan kúni na sikuchi ñaꞌa ra. Ta ñaa ndi̱kaꞌan ra xiꞌin na, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo ta xaꞌa ya íkan ndo saa ta sikaku Ndioxi ndóꞌo̱ nuu ya vaxi tixuꞌvi ndo, káꞌán ndo?

San Juan 3:23

Saa síkuchi ra Juan naꞌa ñuu Enón ya ndíkaa yati ñuu Salim, saa chi kuaꞌa ni tikuii ndíkaa ikán, ta ndi̱xaa naꞌa nuu ra síkuchi ra na.

San Juan 5:35

Tá íyo ñu̱ꞌu̱ xíxi ta ndee ni ndíyeꞌe ya, saa ndi̱xiyo ra Juan, ta ndóꞌo̱ ta ku̱sini ni ndo xi̱ni soꞌo ndo ya ndi̱kaꞌan ra xiꞌin ndo, ta uvi ndaa kivi va kua ku̱sini ni ndo.