San Mateo 3:17 - Xochapa Mixteco

¹⁷ Saa táku ndi̱kaꞌan Ndioxi nuu ndivi, káchi ra saa: ―Ra yóꞌó ku Seꞌe i, ra kúꞌvi ni ini i xíni i, ta kúsini ni i xiꞌin ra ―káchi Ndioxi xaꞌa Jesús.

San Mateo 3:17 Mawu Ofanana

San Mateo 12:18

Ra yóꞌó ku taa ra ndi̱kaxin i xaa chiñu nuu i. Kúꞌvi ni ini i xíni i ra, ta kúsini ni i xiꞌin ra. Taxi i Tachi i koo ya xiꞌin ra. Saa kaꞌan ndoso ra ya ndaa xiꞌin ndiꞌi na köo kúu Judío.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Marcos 1:11

Saa ke̱ta tachi Ndioxi nuu ndivi ndi̱kaꞌan ya xiꞌin ra, káchi ya saa: ―Yóꞌo̱ ku Seꞌe mani i, ta íyo vaꞌa ni ini i xíni i yóꞌo̱ ―káchi Ndioxi xiꞌin ra.

San Marcos 9:7

Káꞌan ra saa, ñaa nu̱u viko iin ndi̱kasi yaa ñaꞌa ya. Ta tañu viko ikán xi̱ni soꞌo nda tachi Ndioxi, káchi ya saa: ―Ra yóꞌó ku Seꞌe mani i, ra kúꞌvi ni ini i xíni i. Vaꞌa kuni soꞌo ndo ya káꞌan ra ―káchi Ndioxi xiꞌin nda.

San Lucas 3:22

Saa nu̱u Tachi I̱í Ndioxi, tá káa kiti sata, saa káa ya nu̱u xíka nuu ya xiní ra. Ta saa xi̱ni soꞌo na ndóo ikán ndi̱kaꞌan Ndioxi xiꞌin Jesús, káchi ra saa: ―Yóꞌo̱ ku seꞌe mani i, ta íyo vaꞌa ni ini i xíni i yóꞌo̱ ―káchi ra.

San Lucas 9:35

Ta tañu vikó ikán xi̱ni soꞌo nda káꞌan Ndioxi xiꞌin nda káchi ra saa: ―Ra yóꞌó ku Seꞌe mani i, ra kúꞌvi ni ini i xíni i. Kuni soꞌo ndo tuꞌun káꞌan ra xiꞌin ndo ―káchi Ndioxi xiꞌin nda.

San Juan 5:20

Saa chi Iva ra ta kúꞌvi ni ini ra xíni ñaꞌa ra, yakan kua sínaꞌa ndiꞌi ra ya íkan ra nuu ra, ta kuaꞌa ni ka va ya sinaꞌa ra nuu ndo kuni ndo, ta iin ndikanda ini ndo tá ná kuni ndo ya ikan ra.

San Juan 5:37

Ta Ndioxi ku ra ti̱ꞌvi yeꞌe vaxi i, ta ndíkuiin tu mií va ra xaꞌa i. Ta ndóꞌo̱, nda iin kivi köo ndi̱xini soꞌo ndo tachi ra, ni nuu ra köo xíni ndo unkua káa ra.

Efesios 1:6

Ta i̱kán ra saa xiꞌin yo, ya ná xaa kaꞌnu ni yo ra. Xaꞌa ya kúꞌvi ni ini ra xíni ra yoo kua ndi̱niꞌi uun yo nuu ra, ya i̱kan ra saa xiꞌin yo. Ndi̱kuiso ra yoo tixin Seꞌe ra, ra ndee ni kúꞌvi ini ra xíni ra.

Colosenses 1:13

Ndioxi ku ra sa̱ña ndika yoo nuu ndee ya xáꞌnda chiñu nuu naá. Ta si̱yaꞌa ra yoo ndi̱kiꞌvi yo ndikundoo yo xiꞌin ra nuu xáꞌnda chiñu Seꞌe ra, ra kúꞌvi ni ini ra xíni ra.

2 Pedro 1:17

Tá ndi̱kaꞌan Iva yo Ndioxi xiꞌin ra, saa kua ta̱xi ra ya chee ni xiꞌin ya toꞌo ni ndaꞌa ra, ke̱e ya nuu luvi ni káa nuu mií Iva yo Ndioxi, káchi ra saa: “Ra yóꞌó ku Seꞌe mani mií i, ra kúꞌvi ni ini i xíni i, kúsini ni i xiꞌin ra”, káchi Ndioxi.

1 Juan 5:9

Tá ndítuꞌun naꞌa xiꞌin yo ta kándixa yo ya káꞌan na xiꞌin yo, ta na ivi taꞌan mií yo ku na. Ta ndisaa ka vi ya káꞌan Ndioxi xaꞌa Seꞌe ra, ndáa yaꞌvi ni ya káꞌan ra, saa chi mií Ndioxi ku ra káꞌan xaꞌa Seꞌe ra nuu yo.

El Apocalipsis 14:2

Sindiꞌi saa xi̱ni soꞌo i ya ndee ni níꞌi, tá kuꞌva ndee ni níꞌi kóyo kuaꞌa ni tikuii nuu sukun ni, saa kúu. Án tá kuꞌva ndáꞌi savi saa kúu. Saa síso ni, tá kuꞌva síso kuaꞌa ni naꞌa, na síkaꞌa itun arpa saa kúu.