San Mateo 3:16 - Xochapa Mixteco

¹⁶ Tá síkuchi ñaꞌa ra, ñaa xa̱á ra kéta ra ini tikuii, saa xi̱ni ra xúna nuu ndivi. Ta ñaa ke̱ta Tachi Ndioxi vaxi ya, tá káa sata, saa káa ri ke̱ta vaxi.

San Mateo 3:16 Mawu Ofanana

San Marcos 1:10

Tá sindiꞌi si̱kuchi ra Juan ra saa ke̱ta ra ini tikuii, ñaa xi̱ni ra xúna nuu ndivi ta xi̱ni ra vaxi nuu Tachi I̱í Ndioxi, tá káa sata loꞌo saa káa ya vaxi nuu sata ra.

San Juan 1:51

Saa ndi̱kaꞌan ka ra xiꞌin ra, káchi ra saa: ―Ya ndaa ni ndixa káꞌan i xiꞌin un, kuni ndo núna nuu ndivi, ta saa kuni ndo na tatun Ndioxi vaxi nùù na tin kuandaa na nuu íyo yeꞌe, Ra kúu Taa ra xa̱a ñuu ivi yóꞌó ―káchi Jesús xiꞌin ra Natanael.

San Juan 3:34

Saa chi ra ti̱ꞌvi Ndioxi vaxi ñuu ivi yóꞌó, ta káꞌan ra tuꞌun Ndioxi, chi Ndioxi ta köo táxi loloꞌo ra ndee Tachi I̱í ra ndaꞌa na, iin táxi ndiꞌi ra ya ndaꞌa na.

Los Hechos 1:22

nda kivi tá si̱kuchi ra Juan Jesús iin saa nda kivi tá nda̱a ra kuaꞌan ra nuu ndivi. Ta vitin xíniñuꞌu nde iin ra kiꞌvi ra xiꞌin nde nduu nde uxi uvi. Ta saa ndikitaꞌan ra kuu ra testigo xiꞌin nde kaꞌan nde xaꞌa Jesús ya ndi̱taku ra ―káchi ra Pedro xiꞌin na.

Los Hechos 7:56

Ñaa ndi̱kaꞌan ra: ―¡Koto ndo toon! Núna nuu ndivi, ta xíto i Jesús ra kúu Taa ra xa̱a ñuu ivi yóꞌó. Xíto i ndíchi ra ñaꞌñu kuáꞌá Ndioxi ―káchi ra Esteban xiꞌin na.

1 Juan 5:6

Ya si̱naꞌa Tata yo Jesucristo nuu yo ya ke̱e ra nuu Ndioxi kua yóꞌó: tikuii nduta chi̱chi ra tin nií ra nduta ndi̱xita nuu cruzin tá ndi̱xiꞌi ra. Nduta ikán ku rá sínaꞌa yoo ya kúu ra Seꞌe Ndioxi. Ta süvi ndisaa tikuii ndíkuiin xaꞌa ra, ndíkuiin tu nií va ra xaꞌa ra. Ta saa ndíkuiin tu Tachi Ndioxi va xaꞌa ra, saa chi ya ikán ku ya ndaa.