San Mateo 3:14 - Xochapa Mixteco

¹⁴ Ta köo ndi̱xiin ra Juan sikuchi ra Jesús, saa ndi̱kaꞌan ra xiꞌin ra: ―Kúni un sikuchi i yóꞌo̱, ta yóꞌo̱ ka ku un xíniñuꞌu sikuchi yeꞌe, ndikuu ―káchi ra Juan xiꞌin Jesús.

San Mateo 3:14 Mawu Ofanana

San Mateo 3:13

Saa ke̱e Jesús chí Galilea, ta ndi̱xaa ra nuu íyo ra Juan ita Jordán. Ta ndi̱kaꞌan Jesús xiꞌin ra Juan ya ná sikuchi ñaꞌa ra.

San Mateo 3:15

Saa ndi̱kuiin Jesús, káchi ra saa: ―Käsi un nuu i, vaꞌa ka sikuchi un yeꞌe vitin, saa chi soꞌva xíniñuꞌu yo xaa súvi yo ya xáꞌnda chiñu Ndioxi ―káchi Jesús xiꞌin ra. Saa ndi̱xinu ini ra Juan si̱kuchi ñaꞌa ra.

San Lucas 1:43

¿Unku vi yeꞌe yakan vaxi un koto un yeꞌe, chi yóꞌo̱ ku siꞌí Iva i?

San Juan 1:16

Ta xaꞌa ya chútu ni ya vaꞌa ini ra ikán, ta nda yoo ndi̱niꞌi ya vaꞌa xiꞌin ra. Ndakua ndíkun taꞌan ya táxi ra ndaꞌa yo.

ROMANOS 1:13

Ñani yo xiꞌin kuꞌva yo, kúni i ná kundaa ini ndo, xa kuaꞌa ni ichí kúni i xaa i nuu ndo koto i ndóꞌo̱, ta köo ndíkuchiñu xaa i, íyo ya ndi̱kasi nuu i. Chi kúni i xaa i koto i chiñu vaꞌa íkan ndo, taꞌan chiñu vaꞌa íkan na taꞌan yo, na köo kúu judío, na ndóo inka ñuu nuu ndi̱xaꞌan i xi̱to i na.

ROMANOS 3:23

Kuꞌva saa kua xi̱niñuꞌu Ndioxi i̱kan ra xiꞌin yo chi ndiꞌi ni kúu yo ndíso kuachi xaꞌa ya väꞌa íkan yo nuu ra. Ta xaꞌa ya ikán kua ku̱xika yo nuu ra, küvi kuyati yo koo yo xiꞌin ra nuu íyo ndiꞌi ya luvi ni yéꞌe̱.

ROMANOS 3:25

Si̱niꞌi Ndioxi Jesucristo ya ndi̱soko ra mií ra xaꞌa kuachi ndiꞌi ni kúu yo. Ndiꞌi naꞌa na kándixa ya ndi̱xita nií ra ndaꞌa cruzin xaꞌa kuachi na, ta xáa kaꞌnu ini ra xaꞌa kuachi na. Ta ya vaꞌa i̱kan Ndioxi xiꞌin na kua sínaꞌa na ya kúu ra iin taa ra ndaa ni ini. Ta köo ndi̱sitixuꞌvi kama ra na xaꞌa ya väꞌa i̱kan na xinaꞌa, ya kaꞌnu ni ini Ndioxi yakan ku̱ndee ini ra xiꞌin ya väꞌa i̱kan yo.

Gálatas 3:22

Chi tuꞌun Ndioxi ta káꞌan ya xaꞌa yo ya íin yo tá íin naꞌa, na núꞌni ndaꞌa kuachi na, saa íin ndiꞌi ni kúu yo ndaꞌa kuachi ya xáꞌnda chiñu nuu yo. Ta ndisaa naꞌa, na kándixa Jesucristo ku na kúchiñu ndíkiꞌin ya vaꞌa, ya ndi̱kaꞌan Ndioxi niꞌi yo nuu ra.

Gálatas 4:6

Ta xaꞌa ya ndu̱u yo seꞌe Ndioxi, yakan vaꞌa ta̱xi ra Tachi I̱í Seꞌe ra ndaꞌa yo íyo ya nima yo. Ta mií ya ku ya síkaꞌán ini yo ya vaꞌa kaꞌan yo xiꞌin ra, kachi yo soꞌva: “Iva mani mií i”, kachi yo xiꞌin ra.

HEBREOS 7:23

Saa chi nda sutu nda ndi̱xiyo seꞌe sikua ra Leví, ta kuaꞌa ni va ndi̱xiyo nda ikán, saa chi tá xíꞌi̱ iin nda ta kuakiꞌvi inka nda nuu taꞌan nda.