San Mateo 3:11 - Xochapa Mixteco

¹¹ Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Mateo 3:11 Mawu Ofanana

San Mateo 3:6

Saa tá xi̱ni soꞌo na, ta xa̱á na náꞌma na kuachi na nuu ra. Ta síkuchi ra na ikán ini ita Jordán.

San Marcos 1:4

Saa ku̱u nuu xa̱á ra Juan síkuchi ra naꞌa iku yuyu. Saa káꞌan ra xiꞌin na ya ndinuu ini na ná ndiko koo ini na xaꞌa kuachi na, ta saa kuchi na, saa xaa kaꞌnu ini Ndioxi xaꞌa kuachi na, káchi ra xiꞌin na.

San Lucas 1:17

Chi suvi ra kunuu kuꞌun nuu ra kee kixi nuu Ndioxi, ta koo Tachi I̱í Ndioxi xiꞌin ra, saa koo ndee Ndioxi xiꞌin ra taꞌan ya ndi̱xiyo xiꞌin ra Elías ra ndi̱kaꞌan ndoso tuꞌun Ndioxi xinaꞌa, taꞌan ya ikán ku ya koo xiꞌin ra. Saa kuu mií ra ichí kaꞌan ra xiꞌin naꞌa ya ndikundoo vaꞌa na xiꞌin iva na tin seꞌe na. Ta saa ndiꞌi na iku ni ta nduvaꞌa na ikan na ya vaꞌa. Ta ra loꞌo seꞌe un ku ra chindee na koo ndúvi na, xáa na kaka na ichí Iva yo xiꞌin ndiꞌi nima na ―káchi tatun Ndioxi xiꞌin ra.

San Lucas 3:16

Ta saa ndi̱kaꞌan ra xiꞌin na, káchi ra saa: ―Süvi yeꞌe ku i. Ya ndaa kua síkuchi i ndóꞌo̱ xiꞌin tikuii, sundi süvi yeꞌe ku i sikaku ndóꞌo̱. Vaxi iin ra, ta ra ikán ku ra chee ni nuu i, ta nda sata nduxa ra küvi kuyati i ndaxin i chi yáꞌa ni chee ra nuu i. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ xíxi.

San Lucas 3:3

Ñaa xa̱á ra káꞌan ndoso ra tuꞌun Ndioxi yuꞌu ita Jordán, káꞌan ra xiꞌin na ya ná ndiko koo ini naꞌa xaꞌa kuachi na ta saa sikuchi ra na ya xaa kaꞌnu ini Ndioxi xaꞌa na.

San Juan 1:15

Ta ra Juan ku ra ndíkuiin xaꞌa ra ikán, chi ra ikán ku taa, ra kúu tuꞌun Ndioxi. Ndee ni ndi̱kaꞌan ra Juan káchi ra saa: ―Ra yóꞌó ku taa ra ndi̱kaꞌan i xaꞌa xiꞌin ndo yachi, ka̱chi i saa: Ra vaxi sata i, ta chee ni ka ra ikán nuu i chi xa yachi vi íyo ra ―káchi ra Juan.

San Juan 1:30

Xaꞌa ra káa kua ndi̱kaꞌan i xiꞌin ndo, ka̱chi i saa: “Vaxi iin ra sata i, ta ndee ni ka ra ikán nuu i, chi tá ka̱ku i ta xa xiꞌna vi ra íyo nuu i”, ka̱chi i xiꞌin ndo.

Los Hechos 1:5

Saa chi ya ndaa kua si̱kuchi ra Juan naꞌa xiꞌin tikuii, sundi ndóꞌo̱ ta soo uvi ndaá kivi kua kuchi ndo ikán Tachi I̱í Ndioxi ―káchi Jesús xiꞌin nda.

Los Hechos 19:4

Saa ndi̱kaꞌan ra xiꞌin nda, káchi ra saa: ―Ya ndaa kua si̱kuchi ra Juan naꞌa, na ndi̱ko koo ini xaꞌa kuachi na. Saa ndi̱kaꞌan tu ra xiꞌin na ya xíniñuꞌu na kandixa na Jesús, ra kixi sata mií ra Juan tá sindiꞌi, ta ra ikán kúu Cristo, ra ti̱ꞌvi Ndioxi ki̱xi ―káchi ra Pablo xiꞌin nda.

Los Hechos 8:36

Saa yáꞌa nda kuaꞌan nda iin ñaꞌñu nuu ndíkaa tikuii. Ta saa ndi̱kaꞌan ra ikán xiꞌin ra Felipe, káchi ra saa: ―Yóꞌó ndíkaa tikuii ta ¿án ndá ka ñaꞌa kúmani nuu i saa kuchiñu kuchi i? ―káchi ra xiꞌin ra Felipe.

Los Hechos 8:38

Saa xa̱ꞌnda ra chiñu ya ná kundatun kuai xiꞌin itun carreta. Ñaa nu̱u ra Etiopía xiꞌin ra Felipe ndi̱xaa nda ini tikuii. Saa si̱kuchi ñaꞌa ra Felipe.

1 Corintios 12:13

Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Tito 3:5

Si̱kaku ra yoo, ta süvi xaꞌa ndá ka chiñu ya vaꞌa i̱kan yo kua i̱kan ra saa xiꞌin yo. Xaꞌa ya kúndaꞌvi ni ini ra xíni ra yoo kua i̱kan ra saa xiꞌin yo. Ta ndi̱kata ra yoo, saa nda̱sa xa̱á ra yoo ndu̱u yo na xa̱á nuu Tachi I̱í ra.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.