San Mateo 3:10 - Xochapa Mixteco

¹⁰ Tá íyo iin ra ndáa itun kuiꞌi, itun köo kúun kuiꞌi ndaꞌa, ta kuaꞌan ra xáꞌnda ndiꞌi ra nu xiꞌin yácha, nda tioꞌo nu táva ra kuaꞌan nu xíxi nu. Saa íyo ndóꞌo̱ nuu Ndioxi, xa íyo ndúvi ra ikan ra saa xiꞌin ndiꞌi ndo, tá tu köo ndíko koo ini ndo xaꞌa ya väꞌa íkan ndo.

San Mateo 3:10 Mawu Ofanana

San Mateo 21:19

Saa xi̱ni ra iin itun higo ndíchi nu yati yuꞌu ichí, ñaa ku̱yati ra nuu ndíchi nu, ni köo kuiꞌi ndi̱niꞌi ra ndaꞌa nu, ndá iku mií íyo ndaꞌa nu. Saa ndi̱kaꞌan ra xiꞌin nu, káchi ra: ―Nda iin ka kuiꞌi käna ndaꞌa un kivi vaxi ―káchi ra xiꞌin nu. Saa ndikun ndi̱ndichi itun higo ikán.

San Mateo 7:19

Tá kúu ndiꞌi itun köo kúun kuiꞌi vaꞌa ndaꞌa, ta taꞌnda nu. Ta saa kuꞌun nu kee nu nuu ñu̱ꞌu̱ koko nu.

San Lucas 23:31

Saa chi tá tu soꞌva íkan na xiꞌin itun kuií ta ndee ni ka va ikan na xiꞌin itun íchi ―káchi ra xiꞌin ná ñuu Jerusalén.

San Lucas 3:9

Ta ná kundaa ini ndo, chi Ndioxi ta xa íyo ndúvi ra xiꞌin yacha ya kaꞌnda ra nda tioꞌo itun köo kúun kuiꞌi vaꞌa ndaꞌa, ta kee nu koko nu nuu ñu̱ꞌu̱ ―káchi ra Juan xiꞌin na.

San Juan 15:2

Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

San Juan 15:6

Tá ndá na köo ítaꞌan tuun xiꞌin i, ta kundoꞌo na tá kuꞌva ndóꞌo teꞌe ndaꞌa nu íchi ya, ta saa ndíkuiso na ya xáta na nuu xíxi ñu̱ꞌu̱, ta ndee ni xíxi ya.

HEBREOS 12:25

Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.

HEBREOS 6:8

Ta naꞌa, na ndíko koo ini xaꞌa ra, tá íin ñuꞌú iyá nuu kána nina itun iñu án iku väꞌa saa íin na. Ta ìyo ni tavi chiꞌña Ndioxi ñuꞌú ikán saa sindiꞌi xaꞌa yaa ra ya, kaꞌmi ndiꞌi ra ya. Tá ndóꞌo ñuꞌú ikán, saa kundoꞌo ndiꞌi naꞌa, na köo xíin ka kandixa ra.