San Mateo 28:9 - Xochapa Mixteco

⁹ Saa iin ku̱u soꞌva ta ndi̱kitaꞌan ná xiꞌin Jesús, saa chi̱ndee ra ná. Ñaa ku̱yati ná nuu ra si̱kusiti ná nuu ra saa nu̱mi ná xaꞌa ra xáa kaꞌnu ná ra.

San Mateo 28:9 Mawu Ofanana

San Mateo 14:33

Ñaa si̱kusiti ndiꞌi nda ndóso sata barco ikán xáa kaꞌnu nda Jesús, saa ndi̱kaꞌan nda xiꞌin ra, káchi nda: ―¡Ya ndixa ni kua kúu un Seꞌe Ndioxi! ―káchi nda xiꞌin ra.

San Mateo 23:7

Saa kútoo nda ya ná kaꞌan toꞌo naꞌa xiꞌin nda tá kuaꞌan nda nuu yaꞌvi, ta kútoo nda kaꞌan na xiꞌin nda “Maestro”.

San Mateo 28:10

Ñaa ndi̱kaꞌan ra xiꞌin ná, káchi ra saa: ―Ku ïꞌvi ndo, kuáꞌan ndo kaꞌan ndo xiꞌin nda xi̱taꞌan xiꞌin i ná kuꞌun nda estado Galilea, ta ikán kuni nda yeꞌe ―káchi ra xiꞌin ná.

San Mateo 28:17

Tá xi̱ni nda Jesús, saa xa̱a kaꞌnu ñaꞌa nda, vani sava nda ta xíka uvi va ini nda xiꞌin ra.

San Mateo 28:8

Ndi̱ndiꞌvi ni ná, sundi kúsini ka vi ná. Ñaa ka̱na koo ná ndee ka vi xínu ná kuaꞌan ná ndituꞌun ná xiꞌin nda xi̱taꞌan xiꞌin ra.

San Lucas 1:28

Saa ndi̱xaa tatun Ndioxi ndi̱kiꞌvi ya ini veꞌe nuu ndíkaa yá María. Ta saa chi̱ndee ya yá, káchi ya saa: ―¡Kuáꞌa un yá loꞌo, vaxi i kaꞌan i xiꞌin un chi kúsini ni Ndioxi xíni ra yóꞌo̱, saa yóꞌo̱ kusini ni ka yóꞌo̱ nuu ndiꞌi kúu ná ñaꞌa! ―kachi tatun Ndioxi xiꞌin yá.

San Lucas 24:52

Saa xa̱a toꞌo na Jesús ta ndi̱ko koo na kuaꞌan na ñuu Jerusalén. Kúsini ni na ndi̱ko na koo na.

San Lucas 7:38

Ndi̱xaa yá ndi̱kunduꞌu koo yá sata Jesús, saa xa̱á yá xáku ni yá, ta kóyo ni tikuii nuu yá xaꞌa ra. Sindiꞌi ta ndi̱yakun yá xaꞌa ra xiꞌin ixi xiní yá, ñaa si̱ichi yá ya ta xa̱á yá chútu yá xaꞌa ra. Saa tá si̱ndiꞌi yá ta ki̱ꞌin yá nduta tami xaꞌan ikán si̱kuchi yá xaꞌa ra.

San Juan 12:3

Ta saa xa̱a yá María kuꞌva ra Lázaro xiꞌin iin yuyu nuu ñúꞌu nduta tami xaꞌan nardo náni rá, ta kúu rá sava litro níꞌi yá xa̱a xiꞌin yá, si̱kuchi yá xaꞌa Jesús. Ta sindiꞌi ndi̱yakun yá xaꞌa ra xiꞌin ixi xiní yá. Ta iin chu̱tu ndaa xiko tami xaꞌan ini veꞌe ikán.

San Juan 20:19

Ta ñǔu suvi mi kivi ikán, kivi domingo kivi nuu xaꞌa semana, ndi̱kitaꞌan ndiꞌi nda xi̱taꞌan xiꞌin ra ndóo nda ini veꞌe. Ta ndási tuun yeꞌe ndóo nda, xaꞌa ya íꞌvi nda nuu na chiñu. Saa iin ku̱u soꞌva ndi̱tuvi Jesús ndíchi ra maꞌñu nuu ndóo nda, saa chi̱ndee ra nda, káchi ra saa: ―Ná koo vaꞌa ni ini ndo ―káchi ra xiꞌin nda.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

2 Corintios 13:11

Ñani yo, ya yóꞌó ku ndiꞌi ya káꞌan nde xiꞌin ndo ta vaꞌa ná kusini ni ndo, saa chikaa ni ndo ndee ya kuaꞌnu ka ndo xiꞌin tuꞌun Ndioxi, ta ná ndu xaa ka ndo, ná nduu ndo tá kuꞌva kúni Ndioxi, ta iin yuꞌu koo ndo xiꞌin taꞌan ndo. Ta saa kua vaꞌa koo Ndioxi xiꞌin ndo, ra táxi ya vaꞌa koo ini ndo, xiꞌin ya kúꞌvi ni ini ra xíni ra ndóꞌo̱.

El Apocalipsis 3:9

Kúni i kundaa ini ndo unkua ikan i xiꞌin naꞌa, na vata na xáa súvi ya sínaꞌa kiti nǎꞌa, ti Satanás. Na vata ku na chi káꞌan na kúu na judío na ndíkun ichí Ndioxi, ta süvi ya ndaa kua káꞌan na. Ta vaxi kivi kuꞌun na sikusiti na nuu ndo, ta saa kundaa ini na ya kúꞌvi ni ini i xíni i ndóꞌo̱.