San Mateo 28:7 - Xochapa Mixteco

⁷ Ta kuáꞌan ndo, kama ni kuꞌun ndo kaꞌan ndo xiꞌin nda xi̱taꞌan xiꞌin ra, kachi ndo saa: “Xa ndi̱taku ra tañu na ndíi, ta xiꞌna ka ra kunuu nuu ndo kuꞌun ra chí estado Galilea, ikán kuni ndo ra”. Ya yóꞌó ku ya vaxi i kaꞌan i xiꞌin ndo ―káchi tatun Ndioxi xiꞌin ná.

San Mateo 28:7 Mawu Ofanana

San Mateo 24:25

Xa yachi ka ndítuꞌun i xiꞌin ndo, tá ná kuu saa ta kuenta ni koo ndo xiꞌin mií ndo.

San Mateo 26:32

Sundi tá ná nditaku i, ta kunuu i nuu ndo kuꞌun i estado Galilea ―káchi Jesús xiꞌin nda.

San Mateo 28:10

Ñaa ndi̱kaꞌan ra xiꞌin ná, káchi ra saa: ―Ku ïꞌvi ndo, kuáꞌan ndo kaꞌan ndo xiꞌin nda xi̱taꞌan xiꞌin i ná kuꞌun nda estado Galilea, ta ikán kuni nda yeꞌe ―káchi ra xiꞌin ná.

San Mateo 28:8

Ndi̱ndiꞌvi ni ná, sundi kúsini ka vi ná. Ñaa ka̱na koo ná ndee ka vi xínu ná kuaꞌan ná ndituꞌun ná xiꞌin nda xi̱taꞌan xiꞌin ra.

San Marcos 14:28

Sundi tá ná nditaku i ta xiꞌna ka i kunuu kuꞌun nuu ndo chí ñuu Galilea ―káchi ra xiꞌin nda.

San Marcos 16:10

Saa ke̱e yá kuaꞌan yá ndituꞌun yá xiꞌin nda xi̱taꞌan xiꞌin ra ya ndi̱taku ra, ta ndi̱taꞌan yá nda ndóo nda xáku nda, saa kúsuchi ni ini nda.

San Marcos 16:13

Saa ke̱e nda ndi̱xaꞌan nda ndi̱tuꞌun nda xiꞌin nda taꞌan nda, ta köo ndi̱kandixa tuku ñaꞌa nda.

San Lucas 24:34

Ñaa ndi̱kaꞌan na ndóo ikán xiꞌin nda, káchi na saa: ―Ya ndaa ni ndixa kua ndi̱taku Tata yo Jesús, saa chi ndi̱tuvi ra nuu ra Simón Pedro ―káchi na.

San Juan 14:29

Káꞌan kuee i xiꞌin ndo vitin, tá ndi̱xinu ndiꞌi ya ndi̱kaꞌan i xiꞌin ndo ta saa kandixa ndo yeꞌe.

San Juan 16:4

Xa káꞌan kuee i xiꞌin ndo, tá ti̱ndaa kivi xa̱á kúu saa ta ndikaꞌán ini ndo xaꞌa ya xa ndi̱kaꞌan i xiꞌin ndo. ―Ta köo ndi̱kaꞌan i ya yóꞌó xiꞌin ndo tá núnu̱ú saa chi íyo i xiꞌin ndo.

1 Corintios 15:4

Ta si̱nduxin na ra, saa ndi̱taku ra kivi uni, tá kuꞌva káꞌan tuꞌun Ndioxi xaꞌa ra ya ta̱a na xinaꞌa, saa ndo̱ꞌo ra.

1 Corintios 15:6

Tá sindiꞌi, saa ndi̱tuvi tu ra nuu nda ñani yo, nda xi̱taꞌan xiꞌin ra, yáꞌa ka uꞌun ciento ku nda ndi̱tuvi ra nuu. Ta sava nda ikán ta táku ka nda vitin, sava nda ta xa ndi̱xiꞌi va nda.