San Mateo 28:2 - Xochapa Mixteco

² Iin ku̱u soꞌva ta xa̱á ndee ni táan, chi nu̱u iin tatun Ndioxi ke̱e nuu ndivi si̱kutaꞌa ya yu̱ú kaꞌnu ni ndási yuꞌu kava ikán, saa ndi̱kunduꞌu koo ya sata mií yu̱ú ikán.

San Mateo 28:2 Mawu Ofanana

San Mateo 27:60

Ñaa ndi̱xaꞌan ra chi̱kaa ra ikin kuñu Jesús ini kava xa̱á, ya sikan si̱kuaꞌa ra. Ta saa si̱kutuvi ra yu̱ú yati yuꞌu kava ikán ta xiꞌin ya ikán ndi̱kasi ra yeꞌe ya, saa ke̱e ra kuanuꞌu ra.

San Mateo 27:66

Saa ka̱na koo nda kuaꞌan nda ndikasi kutu vaꞌa nda yeꞌe kava ikán, ka̱ni nda sello sata yu̱ú ya ndási yuꞌu ya, ñaa ndi̱ndoo nda lapa ndáa nda ya.

San Juan 20:1

Ta xitaan ni kivi domingo, naá ka ke̱e yá María Magdalena kuaꞌan yá nuu ndi̱nduxin Jesús, ta xi̱ni yá xa ku̱taꞌa yu̱ú ya chee ni ndási yuꞌu kava ikán.

Los Hechos 16:26

Ta iin ku̱u soꞌva xaá táan, yáꞌa ni ndee táan. Ñaa iin ndi̱ndata ndiꞌi xaꞌa veꞌe kàà. Saa ndi̱xuna ndiꞌi yeꞌe, ta ndi̱ndaxin ndiꞌi kàà ya núꞌni xaꞌa nda ñúꞌu veꞌe kàà ikán.

Los Hechos 5:19

Saa tá ku̱ñuu ta ndi̱xaa tatun Ndioxi xu̱na ya veꞌe kàà ke̱e nda. Ta saa ndi̱kaꞌan ya xiꞌin nda káchi ya saa:

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

El Apocalipsis 11:19

Saa ndi̱xuna yeꞌe veꞌe ñuꞌu ya íyo nuu ndivi, ta ini veꞌe ñuꞌu ikán túvi ndíchi itun xatun i̱í nuu ñúꞌu tutu ya i̱í, ya kúu ley Ndioxi nuu ki̱ndoo ra ya xaa súvi ra ya ndi̱kaꞌan ra xiꞌin na. Saa xa̱á ndee ni ndíyeꞌe taxan, ta iin ndá síso kúu káꞌan na, ndáꞌi ka vi savi, ñaa xa̱á ndee ni táan, ta kóyo ka vi íꞌín, naꞌnu ka vi ya kóyo.