San Mateo 28:16 - Xochapa Mixteco

¹⁶ Saa ka̱na koo uxi iin saa nda xi̱taꞌan xiꞌin ra kuaꞌan nda estado Galilea, ta kuaꞌan nda xiki nuu xa ndi̱kaꞌan ra xiꞌin nda.

San Mateo 28:16 Mawu Ofanana

San Mateo 26:32

Sundi tá ná nditaku i, ta kunuu i nuu ndo kuꞌun i estado Galilea ―káchi Jesús xiꞌin nda.

San Mateo 28:10

Ñaa ndi̱kaꞌan ra xiꞌin ná, káchi ra saa: ―Ku ïꞌvi ndo, kuáꞌan ndo kaꞌan ndo xiꞌin nda xi̱taꞌan xiꞌin i ná kuꞌun nda estado Galilea, ta ikán kuni nda yeꞌe ―káchi ra xiꞌin ná.

San Mateo 28:7

Ta kuáꞌan ndo, kama ni kuꞌun ndo kaꞌan ndo xiꞌin nda xi̱taꞌan xiꞌin ra, kachi ndo saa: “Xa ndi̱taku ra tañu na ndíi, ta xiꞌna ka ra kunuu nuu ndo kuꞌun ra chí estado Galilea, ikán kuni ndo ra”. Ya yóꞌó ku ya vaxi i kaꞌan i xiꞌin ndo ―káchi tatun Ndioxi xiꞌin ná.

San Marcos 14:28

Sundi tá ná nditaku i ta xiꞌna ka i kunuu kuꞌun nuu ndo chí ñuu Galilea ―káchi ra xiꞌin nda.

San Marcos 15:41

Ta ndiꞌi ná ñaꞌa yóꞌó ku ná xi̱ndikun Jesús, ta chi̱ndee ñaꞌa ná tá ndi̱xiyo ra estado Galilea. Ta saa ndóo kuaꞌa ni mií ka ná ñaꞌa, ná ndi̱xaa xiꞌin ra ñuu Jerusalén.

San Marcos 16:14

Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

San Marcos 16:7

Kuáꞌan ndo kaꞌan ndo xiꞌin ra Pedro tin inka nda xi̱taꞌan xiꞌin Jesús, kachi ndo soꞌva: “Xa ínuu Jesús kuaꞌan ra nuu ndo chí Galilea, ta kuáꞌan ndo chikan ndikitaꞌan ndo xiꞌin ra, tá íyo ya ndi̱kaꞌan ra xiꞌin ndo, che”, kachi ndo xiꞌin nda ―káchi ra kuǎán ikán xiꞌin ná.

San Juan 6:70

Saa ndi̱kuiin Jesús káꞌan ra, káchi ra saa: ―Yeꞌe ndi̱kaxin i uxi uvi saa ndo ya kundikun ndo yeꞌe, ta iin ndóꞌo̱ ku kiti nǎꞌa ―káchi ra xiꞌin nda.

1 Corintios 15:15

Chi tá tu süvi ya ndixa kua ndítaku na ndíi, ta nda ndeꞌe, tá íin nde vata va saa íin nde nuu ndo, chi síndaꞌvi nde ndóꞌo̱ ta köo káꞌan teꞌe nde xaꞌa Ndioxi xiꞌin ndo ya si̱taku ra Tata yo Jesucristo, ta ni süvi ya ndaa kua ndi̱sitaku ñaꞌa ra, ndíkuu.