San Mateo 27:66 - Xochapa Mixteco

⁶⁶ Saa ka̱na koo nda kuaꞌan nda ndikasi kutu vaꞌa nda yeꞌe kava ikán, ka̱ni nda sello sata yu̱ú ya ndási yuꞌu ya, ñaa ndi̱ndoo nda lapa ndáa nda ya.

San Mateo 27:66 Mawu Ofanana

San Mateo 27:60

Ñaa ndi̱xaꞌan ra chi̱kaa ra ikin kuñu Jesús ini kava xa̱á, ya sikan si̱kuaꞌa ra. Ta saa si̱kutuvi ra yu̱ú yati yuꞌu kava ikán ta xiꞌin ya ikán ndi̱kasi ra yeꞌe ya, saa ke̱e ra kuanuꞌu ra.

San Mateo 27:65

Saa ndi̱kaꞌan ra Pilato xiꞌin nda, káchi ra saa: ―Vaꞌa ná kuꞌun iin tiꞌvi nda lapa xiꞌin ndo, ta xaa kutu vaꞌa ndo nuu ndi̱nduxin ra ―káchi ra xiꞌin nda.

San Mateo 28:11

Tá ka̱na koo ná síꞌi ikán kuaꞌan ná, saa ka̱na koo tu sava nda lapa xi̱ndaa yeꞌe kava ikán va. Kuaꞌan nda ñuu Jerusalén ndituꞌun nda xiꞌin nda naꞌnu nuu sutu xaꞌa ya ku̱u xi̱ni nda.

San Mateo 28:2

Iin ku̱u soꞌva ta xa̱á ndee ni táan, chi nu̱u iin tatun Ndioxi ke̱e nuu ndivi si̱kutaꞌa ya yu̱ú kaꞌnu ni ndási yuꞌu kava ikán, saa ndi̱kunduꞌu koo ya sata mií yu̱ú ikán.

San Marcos 16:4

Saa tá ndi̱koto ná ta xa ku̱taꞌa yu̱ú chee ni ikán.

San Juan 20:1

Ta xitaan ni kivi domingo, naá ka ke̱e yá María Magdalena kuaꞌan yá nuu ndi̱nduxin Jesús, ta xi̱ni yá xa ku̱taꞌa yu̱ú ya chee ni ndási yuꞌu kava ikán.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

El Apocalipsis 20:3

Tá ndi̱ꞌi ka̱tun ñaꞌa ya kiti nǎꞌa ikán saa ki̱ꞌin ñaꞌa ya si̱kana táku ya ini yavi kunu ni ikán, saa ndi̱kasi tuun vaꞌa ya yuꞌu yavi ikán ta ki̱ꞌin ya sello chi̱nuu ya yuꞌu mií yavi ikán. Ya ná küchiñu ri keta ri sindaꞌvi ri na ñuu ivi, nda ná xinu mil kuiya ndikaa ri saa keta ndíka ri kaka ri uvi ndaa kivi.