San Mateo 27:51 - Xochapa Mixteco

⁵¹ Ta mí hora ikán ndi̱taꞌnda toto ya tíkaa veꞌe ñuꞌu kaꞌnu, iin ndi̱taꞌnda sava ya nda ni̱nù iin saa nda ni̱nu̱. Saa ndee ni ndi̱taan, ta ndi̱taꞌvi yu̱ú naꞌnu ni.

San Mateo 27:51 Mawu Ofanana

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

San Mateo 28:2

Iin ku̱u soꞌva ta xa̱á ndee ni táan, chi nu̱u iin tatun Ndioxi ke̱e nuu ndivi si̱kutaꞌa ya yu̱ú kaꞌnu ni ndási yuꞌu kava ikán, saa ndi̱kunduꞌu koo ya sata mií yu̱ú ikán.

San Marcos 15:38

Saa ndi̱ndata toto ya tíkaa veꞌe ñuꞌu kaꞌnu ñuu Jerusalén, nda ni̱nù iin saa nda ni̱nu̱ ndi̱ndata sava ya, ndu̱u ya uvi.

San Lucas 23:45

Iin nda̱si ndiꞌi nuu ñu̱ꞌù. Ta saa iin ndi̱ndata sava toto ya tíkaa veꞌe ñuꞌu kaꞌnu ikán.

San Lucas 23:47

Saa xi̱ni ra ínuu nuu iin ciento nda lapa ñuu Roma ya ku̱u, ta xa̱á ra xáa kaꞌnu ra Ndioxi, káchi ra saa: ―Ya ndixa ni kua, ra vaꞌa ni va ku ra yóꞌó ―káchi ra ikán soꞌva.

HEBREOS 6:19

Chi ya ki̱ndoo ra xiꞌin yo, ta tá káa iin kàà vee ya kúu mií itun barco, ya táan na ini nduta ñûꞌu ya ná kundichi tuun nu, ta iin kuꞌva saa ná kundaa teꞌe ni ini yo xaꞌa ya ki̱ndoo ra xiꞌin yo chindee ra yoo, ya ná koo tuun ni ya vaꞌa yo xiꞌin ra, xaꞌa ya ndáa ni ini yo ra, ta saa kuchiñu yo kiꞌvi yo nuu i̱í ni, nuu íyo ra nuu ndivi.

HEBREOS 9:3

Saa tíkaa iin toto chee ni, ta sata toto ikán ndíkaa inka Cuarto, ta Cuarto ikán kua náni Cuarto ya ndee ni I̱í.

El Apocalipsis 11:13

Tá nda̱a soꞌva nda kuaꞌan nda, ta xa̱á ndixa ni ndee táan. Ñaa ndi̱ꞌi xaꞌa ñuu ikán, uxi taꞌvi kua ndi̱ꞌi xaꞌa. Saa ndi̱xiꞌi uxa mil na ñuu kaꞌnu ikán, ta na ndi̱kaku ikán ta ndi̱ndiꞌvi ni na, ñaa xa̱á na xáa kaꞌnu na Ndioxi, ra íyo nuu ndivi.

El Apocalipsis 11:19

Saa ndi̱xuna yeꞌe veꞌe ñuꞌu ya íyo nuu ndivi, ta ini veꞌe ñuꞌu ikán túvi ndíchi itun xatun i̱í nuu ñúꞌu tutu ya i̱í, ya kúu ley Ndioxi nuu ki̱ndoo ra ya xaa súvi ra ya ndi̱kaꞌan ra xiꞌin na. Saa xa̱á ndee ni ndíyeꞌe taxan, ta iin ndá síso kúu káꞌan na, ndáꞌi ka vi savi, ñaa xa̱á ndee ni táan, ta kóyo ka vi íꞌín, naꞌnu ka vi ya kóyo.