San Mateo 27:41 - Xochapa Mixteco

⁴¹ Saa káꞌan tu nda naꞌnu nuu sutu va, xiꞌin nda sínaꞌa ley ra Moisés xiꞌin nda fariseo tin nda xikuaꞌa, kúsiki ndaa ñaꞌa nda káꞌan nda xiꞌin taꞌan nda, káchi nda saa:

San Mateo 27:41 Mawu Ofanana

San Mateo 27:40

káchi na saa: ―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.

San Mateo 27:42

―Ku̱chiñu ra si̱kaku ra inka naꞌa, ta köo kúchiñu ra sikaku ra mií ra. Tá tu ndixa ra rey nuu na Israel ku ra, ta vaꞌa ná sinuu ra mií ra nuu cruzin saa kuchiñu yo kandixa ñaꞌa yo.

San Lucas 18:32

Ikán xaa nduvaꞌa ni na xiꞌin i, nditaxi na yeꞌe ndaꞌa na inka ñuu, na köo kúu Israel, ta kuaku ndaa ni na ikán yeꞌe, kaꞌan ndikuu na xaꞌa i, koꞌni ndaa na sii nuu i.

San Lucas 22:52

Ta saa ndi̱kaꞌan ra xiꞌin nda sutu naꞌnu ikán tin nda policía ndáa veꞌe ñuꞌu xiꞌin inka na xikuaꞌa na ndi̱xaa tiin ñaꞌa, káchi ra saa: ―¿Ndachu ndíso ndo i̱chi xiꞌin itun vaxi ndo tiin ndo yeꞌe? ¿Án ra kuiꞌna ku i kua?

San Lucas 23:35

Ta ndíta ndiꞌi na xíto na ya ndóꞌo Jesús, nda mií na chiñu kúsiki ndaa ñaꞌa, káchi na saa: ―Ku̱chiñu ra chi̱ndee ra inka naꞌa, ta vitin ná chindee ra mií ra. Tá tu ndixa ra Cristo, ra ndi̱kaxin Ndioxi vaxi sikaku yoo ku ra, ta ná sikaku ra mií ra ―káchi na.