San Mateo 27:2 - Xochapa Mixteco

² Saa ka̱tun nda ra, núꞌni ra kuaꞌan ra xiꞌin nda, ndi̱xaa ra ta̱xi nda ra ndaꞌa ra gobernador Poncio Pilato.

San Mateo 27:2 Mawu Ofanana

San Mateo 20:19

Saa nditaxi nda yeꞌe ndaꞌa naꞌa, na köo kúu judío ya kusiki ndaa na yeꞌe, kuaku ndaa ni na yeꞌe, saa kani ni na yeꞌe xiꞌin kuarta xaa nduvaꞌa ni na xiꞌin i. Ta sindiꞌi, saa kaꞌni na yeꞌe ndaꞌa cruzin. Sundi kivi uni nditaku i ―káchi Jesús xiꞌin nda.

San Mateo 28:14

Tá ná kundaa ini ra gobernador xaꞌa ya yóꞌó, ta kündiꞌi ini ndo mií nde ndikuiso chiñu sixinu nde ini ra, ta köo ya kundoꞌo ndo ―káchi nda naꞌnu nuu sutu xiꞌin nda lapa ikán.

San Lucas 13:1

Mi tiempo ikán ke̱e sava naꞌa kuaꞌan na ndi̱xaa na nuu Jesús. Saa xa̱á na káꞌan na xiꞌin ra, káchi na saa: ―Sava na estado Galilea ndi̱xaa na veꞌe ñuꞌu kaꞌnu ya ndíkaa ñuu Jerusalén xáꞌni na kiti sana na sóko na nuu Ndioxi. Saa ti̱ꞌvi ra gobernador Pilato nda lapa ndi̱xaꞌan nda xa̱ꞌni nda na ikán, ñaa ndikoyo nií na xiꞌin nií kiti ndi̱saka nuu rá ―káchi na ikán xiꞌin Jesús.

San Lucas 20:20

Saa ku̱u ta xa̱á nda ndúku nda ndá kuꞌva koo tiin nda Jesús, taxi nda kuachi xaꞌa ra nuu na chiñu. Ñaa ti̱ꞌvi nda sava nda taa kuaꞌan nda koto nani nda Jesús, chi kúni nda koto ndoso nda ra xaꞌa ndá ka mií tuꞌun káꞌan ra, saa kuchiñu taxi nda kuachi xaꞌa ra ndaꞌa na chiñu.

San Lucas 23:1

Ta saa ndi̱kundita ndiꞌi na chiñu, ndi̱kundaka na Jesús kuaꞌan ra xiꞌin na nuu ra gobernador Pilato.

San Lucas 23:12

Ta kivi ikán ku nuu ndi̱kitaꞌan mani ra Pilato xiꞌin ra Herodes, saa chi yachi ta ndi̱xiyo nda kuachi xiꞌin taꞌan nda.

San Lucas 3:1

Ndi̱xinu xaꞌun kuiya kúu mií ra rey Tiberio chiñu nuu ndiꞌi na ñuu ya ndíkun ndaa ñuu Roma. Ta xa̱ꞌnda chiñu ra nuu ndiꞌi nda gobernador ikán, ra Poncio Pilato ku ra xa̱ꞌnda chiñu nuu na ñuu ya ñúꞌu Judea, ta ra Herodes ku̱u gobernador nuu na ñuu ya ñúꞌu Galilea. Inka ra Felipe, ñani ra Herodes, ku̱u gobernador nuu na ñuu ya ñúꞌu Iturea xiꞌin na ñuu ya ñúꞌu Traconite. Ta inka ra náni Lisanias ku̱u gobernador nuu na ñuu ya ñúꞌu Abilinia.

San Juan 18:12

Ta nda lapa xiꞌin ra ndíso chiñu nuu nda, xiꞌin nda ndáa veꞌe ñuꞌu kaꞌnu, ti̱in nda Jesús ka̱tun nda ra.

San Juan 18:24

Saa ti̱ꞌvi ra Anás Jesús kuaꞌan ra nuu ra Caifás, ra ínuu nuu ndiꞌi sutu. Ta núꞌni Jesús kuaꞌan ra nuu ra ikán.

San Juan 18:28

Ta naꞌa ni kua ta̱va na Jesús veꞌe ra Caifás, ta ndáka na ra kuaꞌan ra veꞌe chiñu kaꞌnu nuu ra gobernador. Ta köo ndi̱xiin nda kiꞌvi nda xiꞌin Jesús nuu ra ikán, xaꞌa ya köo kúni nda kuyakua nda ta saa vaꞌa kuxini nda viko pascua.

Los Hechos 12:6

Ta ti̱ndaa ñûu ñaa ndi̱kani ini ra Herodes tava ñaꞌa ra Pedro inka kivi ya sinaꞌa ra ra nuu na chiñu. Saa índuꞌu ra kíxi ra maꞌñu uvi nda lapa, núꞌni uvi kàà ndaꞌa ra índuꞌu ra. Ta ndóo ka inka nda lapa keꞌe ndáa ñaꞌa nda.

Los Hechos 21:33

Saa ku̱yati mií ra ndíso chiñu xiꞌin nda lapa ikán ta xa̱ꞌnda ra chiñu ya katun nda ndaꞌa ra Pablo xiꞌin uvi cadena. Ñaa ndi̱ndakan tuꞌun ñaꞌa ra, káchi ra saa: ―¿Unku yóꞌo̱, ta unkua i̱kan un kua yakan xáa nduvaꞌa ni na xiꞌin un? ―káchi ra xiꞌin ra Pablo.

Los Hechos 22:25

Ñaa ti̱in nda ra ka̱tun nda ndaꞌa ra ya xaa nduvaꞌa nda xiꞌin ra. Ta saa ndi̱kaꞌan ra xiꞌin iin ra chee nuu nda lapa ikán, káchi ra saa: ―¿Án íyo ichí ya káꞌan xaa nduvaꞌa ndo xiꞌin iin taa ra kúu mií tutu ñuu Roma tá täꞌan kuꞌun ra nuu juez kunani kuachi ra? ―káchi ra Pablo xiꞌin ra ikán.

Los Hechos 22:29

Ñaa vaꞌa ka ka̱na koo nda lapa nda ndóo ndátun xaa nduvaꞌa xiꞌin ra Pablo, kuaꞌan nda. Nda mií ra ndíso chiñu xiꞌin nda lapa ikán ta ndi̱ndiꞌvi ni ra chi ndi̱yaꞌa ndoso ra ley ñuu Roma xaꞌa ya ka̱tun ñaꞌa ra Pablo.

Los Hechos 24:27

Uvi kuiya i̱kan ra saa xiꞌin ra ñaa ndi̱xinu kuiya ku̱u mií ra chiñu ta ke̱ta ra. Saa ndi̱kiꞌin inka ra náni Porcio Festo chiñu nuu ra. Xaꞌa ya kúni ra Félix kindoo vaꞌa ra nuu na judío yakan köo ndi̱tava ra ra Pablo veꞌe kàà.

Los Hechos 28:20

Xaꞌa ya ñaa kua ka̱na i ndóꞌo̱ ndi̱kitaꞌan yo yóꞌó, kaꞌan i xiꞌin ndo kundaa ini ndo ndá xaꞌa kua núꞌni i xiꞌin cadena yóꞌó. Xaꞌa ya ndíkun i ichí iin ta̱a ra xi̱ndatun ndiꞌi na taꞌan yo na Israel kixi sikaku yoo kua núꞌni i ―káchi ra Pablo xiꞌin na.

Los Hechos 3:13

Chi Ndioxi ra kaꞌnu, ra ka̱ñuꞌu ni xii sikua yo ra Abraham xiꞌin ra Isaac tin ra Jacob, ra ikán ku ra nda̱sa chee ni Jesús ra kúu Seꞌe ra, ta suvi ra ikán ku ra ti̱in ndo taxi ndo ndaꞌa na chiñu ta köo ndi̱xiin ndo saña ra tá ku̱ni ra Pilato saña ñaꞌa ra.

Los Hechos 4:27

’Ta vitin ku nuu ti̱ndaa kivi ndi̱xinu ya ndi̱kaꞌan ra rey David, saa chi ra rey Herodes xiꞌin ra Poncio Pilato iin káchi ndi̱kitaꞌan nda ñuu yóꞌó, xiꞌin na inka ñuu na köo kúu judío xiꞌin sava na ñuu Jerusalén yóꞌó. Iin yuꞌu ku̱u na xiꞌin taꞌan na ndu̱ku na kuꞌva xa̱ꞌni na Jesús ra i̱í, ra kúu mií ichí un ya ta̱xi un ndaꞌa ra, Iva yo Ndioxi.

Los Hechos 9:2

Ndi̱xaꞌan ra ndúku ra tutu ya ndikuiin xaꞌa ra kuꞌun ra veꞌe ñuꞌu sinagoga ya ñúꞌu ñuu Damasco, ya ná taxi nda ichí ndaꞌa ra kiꞌvi ra ini ndiꞌi veꞌe ñuꞌu sinagoga tiin ra na ndíkun ichí Jesús, taa ku nda, ñaꞌa ku ná ta iin tiin yaa ra na taan ra veꞌe kàà ñuu Jerusalén, káchi ra.

1 Timoteo 6:13

Ta nuu Ndioxi ra táxi táku ndiꞌi ñaꞌa ñuu ivi yóꞌó kua xáꞌnda chiñu i nuu un, xiꞌin nuu Tata yo Jesucristo kua xáꞌnda chiñu i nuu un, chi Jesucristo ku ra ndi̱kuiin xaꞌa ya ndaa tá kivi xi̱ndichi ra nuu ra Poncio Pilato,

2 Timoteo 2:9

Ta suvi xaꞌa tuꞌun vaꞌa ikán kua ndee ni ndóꞌo̱ i ndíkaa i veꞌe kàà yóꞌó, nda tá íyo iin ra ndee ni kaꞌnu kuachi kúu mií, saa íyo i, núꞌni i xiꞌin kàà ndíkaa i. Ta vaꞌa chi tuꞌun Ndioxi ta köo núꞌni vi ya.

HEBREOS 13:3

Ta ndikaꞌán ini ndo xaꞌa na ñúꞌu veꞌe kàà, nda tá íin mií vi ndo, saa íin ndo ñúꞌu veꞌe kàà xiꞌin na, kukaꞌán ndo. Ta saa kuñuꞌu ini ndo xaꞌa na ndóꞌo ni ini íkan inka naꞌa, nda tá xiꞌin mií vi ndo kua íkan na saa, kukaꞌán ndo.