San Mateo 26:74 - Xochapa Mixteco

⁷⁴ Saa ndee ni ndikaꞌan ra Pedro, xa̱á ra kánaꞌa ra, saa chínaꞌa ra Ndioxi, káchi ra saa: ―¡Xa ndi̱kaꞌan i xiꞌin ndo, köo xíni i ra ñaa! ―káchi ra. Tá ndi̱kaꞌan ra saa, ta ndikun ka̱na va nduxi.

San Mateo 26:74 Mawu Ofanana

San Mateo 10:28

Ku ïꞌvi ndo nuu naꞌa, na kúni kaꞌni ndóꞌo̱, chi küchiñu na kaꞌni na ya vaꞌa ndo. Sundi ku íꞌvi ndo nuu Ndioxi ra kuchiñu sindiꞌi xaꞌa ikin kuñu ndo xiꞌin ya vaꞌa ndo kuꞌun ya ndaya.

San Mateo 26:34

Saa ndi̱kuiin Jesús káꞌan ra xiꞌin ra: ―Ya ndaa káꞌan i xiꞌin un, ñǔu vitin tá täꞌan ka kana nduxi, ta xa uni ichí vi ndi̱kuaa un ya köo xíni un yeꞌe ―káchi Jesús xiꞌin ra.

San Mateo 26:73

Naꞌa loꞌo, saa ku̱yati nda ndóo ikán nuu ra, ta ndi̱kaꞌan nda xiꞌin ra, káchi nda saa: ―Ya ndixa ra taꞌan Jesús ku tu yóꞌo̱ va, chi tá kuꞌva káꞌan na ndóo chí Galilea saa káꞌan tu yóꞌo̱ va ―káchi nda xiꞌin ra.

San Mateo 26:75

Saa ndi̱kaꞌán ini ra, ya ndi̱kaꞌan Jesús xiꞌin ra, káchi ra saa: “Täꞌan ka vi kana cheꞌle, ta xa uni ichí vi ndikuaa un ya köo xíni un yeꞌe”, káchi ra xiꞌin ra. Saa ke̱ta ra keꞌe ta xa̱á ndinuni loꞌo xáku suchi ni ini ra.

San Mateo 27:25

Saa ndi̱kuiin ndiꞌi na, káꞌan na: ―¡Mií nde xiꞌin seꞌe nde ndíso kuachi xaꞌa nií ra yóꞌó! ―káchi na.

San Marcos 14:30

Saa ndi̱kuiin Jesús káꞌan ra: ―Ya ndaa káꞌan i xiꞌin un Pedro, ñǔu vitin ta täꞌan ka vi kana cheꞌle uvi ichí, ta xa ndi̱kuáa va un yeꞌe uni ichí ―káchi ra xiꞌin ra.

San Marcos 14:68

Saa ndi̱kuiin ra, káꞌan ra: ―Köo xíni i ra, ta ni köo xíni i unkua káꞌan un xaꞌa xiꞌin i ―káchi ra. Saa ke̱ta ra kuaꞌan ra yeꞌe keꞌe ikán. Ta ka̱na va iin cheꞌle.

San Lucas 22:60

Saa ndi̱kaꞌan ra Pedro, káchi ra saa: ―Tata, ni köo xíni i unkua káꞌan un xaꞌa xiꞌin i ―káchi ra. Ñaa káꞌan ka ra ta ka̱na va nduxi.

San Juan 18:27

Saa ndi̱kuaa tuku ñaꞌa ra Pedro. Ñaa ndikun ka̱na cheꞌle.

ROMANOS 9:3

Saa chi ndinuꞌu ni ini i kúni i chindee taꞌan i xiꞌin na ya ná kandixa na Jesucristo, ta saa ndikundikun na Ndioxi. Tá ya kúvi ku ya kundiso i chiꞌña ya kuxika i ichí Jesucristo ndikuu, ta vaꞌa ikan i saa ya kuchiñu chindee i na ya ná ndikundikun na ra, chi kúꞌvi ni ini i xíni i na.

1 Corintios 16:22

Tá ndá naꞌa köo kúꞌvi ini xíni Tata yo Jesucristo, ta vaꞌa ná nduu na, naꞌa na íyo chiꞌña xiꞌin. Chi xa kama ni va ndiko koo Tata yo Jesucristo.

El Apocalipsis 3:19

Káꞌan i tuꞌun uꞌvi ni yóꞌó xiꞌin ndo, chi saa káꞌan uꞌvi i xiꞌin naꞌa, na kúꞌvi ini i xíni i. Saa táxi i tíxuꞌvi ni na ya ná ndiko koo ini na kuꞌun na ichí vaꞌa. Saa ndóꞌo̱, xíniñuꞌu ndo ndiko koo ini ndo xaꞌa ya väꞌa íkan ndo, ta ndinuꞌu ni ini ndo ndiko koo ini ndo kundikun ndo Ndioxi.