San Mateo 26:70 - Xochapa Mixteco

⁷⁰ Ñaa ndi̱kaꞌan ra Pedro nuu ndiꞌi na ndóo ikán, káchi ra saa: ―Ni köo xíni i ndá xaꞌa kua káꞌan un saa xiꞌin i ―káchi ra xiꞌin yá.

San Mateo 26:70 Mawu Ofanana

San Mateo 26:51

Saa ta̱va iin ra ítaꞌan xiꞌin Jesús i̱chi ra, ta xa̱ꞌnda ra soꞌo ra xáa chiñu nuu sutu, ra ínuu nuu ndiꞌi nda sutu.

San Mateo 26:56

Ta ndiꞌi ya yóꞌó ndóꞌo i vitin, saa sixinu i ya ta̱a nda profeta xaꞌa i xinaꞌa ―káchi Jesús xiꞌin nda. Saa si̱ndoo ñaꞌa ndiꞌi nda ítaꞌan xiꞌin ra, ta xi̱nu ndiꞌi nda kuaꞌan nda.

San Mateo 26:58

Saa ndi̱kundikun xika ra Pedro sata na kuaꞌan ra, ndi̱xaa ra keꞌe yeꞌe veꞌe mií ra sutu kaꞌnu ikán. Ndi̱xaa ra ndi̱kunduꞌu ra xiꞌin nda policía koto ra unkua kundoꞌo Jesús.

San Mateo 26:69

Tá kúu saa, ta índuꞌu ra Pedro keꞌe yeꞌe veꞌe mií ra ínuu nuu ndiꞌi sutu. Ñaa ndi̱xaa iin yá xáa chiñu veꞌe ra, ta ndi̱kaꞌan yá xiꞌin ra, Pedro, káchi yá saa: ―Saa tu yóꞌo̱ va, ra ítaꞌan xiꞌin Jesús, ra ke̱e chí Galilea ku tu yóꞌó va ―káchi yá xiꞌin ra.

San Mateo 26:71

Saa ke̱ta ra keꞌe yeꞌe ikán, ta xi̱ni inka yá xáa chiñu veꞌe sutu ra, saa ndi̱kaꞌan yá xiꞌin na ndóo ikán, káchi yá saa: ―Ra ítaꞌan xiꞌin Jesús, ra ke̱e ñuu Nazaret ku tu ra yóꞌó va ―káchi yá xiꞌin na.

San Lucas 22:57

Saa ndi̱kuiin ra Pedro káꞌan ra, káchi ra saa: ― Süvi ya ndaa kua, köo xíni i ra ñaa ―káchi ra xiꞌin yá.

ROMANOS 11:20

Saa ndixa íyo ya, vaꞌa kundaa ini ndo. Chi ya ndi̱taꞌnda ndaꞌa itun olivo tàtà ikán, ta xaꞌa ya köo ndi̱xiin na kandixa na Cristo kua. Yakan vaꞌa ndi̱kundikun ndóꞌo̱ íin tá íyo itun olivo ikú. Yakan kütai ni ini ndo, vaꞌa ni ka ná ku íꞌvi ndo kuni ndo Ndioxi.

1 Corintios 10:12

Xaꞌa ya ñaa kua, vií ná kundikun ndo ichí Tata yo Jesucristo, ndóꞌo̱ ndíkani ini ya tuun ni ndíkun ndo ra, ta kuenta ni koo ndo ya ná köyo ndo nuu kuachi.

El Apocalipsis 21:8

Ta na síndikoo ichí i xaꞌa ya íꞌvi na tixuꞌvi na xaꞌa i, ta kuꞌun na yavi nuu xíxi ni ñu̱ꞌu̱ xiꞌin ñuꞌú káꞌndi ya náni azufre, saa kundoꞌo na köo xíin kandixa yeꞌe, na íkan ndiꞌi saa nuu ya väꞌa, ya kini, xiꞌin na xáꞌni ndìì, xiꞌin nda taa nda kuakiꞌvi xiꞌin inka ñaꞌa, án ndiꞌi ná ñaꞌa ná kuakiꞌvi xiꞌin inka taa, saa tu na tási xiꞌin na káñuꞌu yu̱ú savi án na káñuꞌu inka naꞌna ya köo kúu ndioxi ra ndaa, xiꞌin ndiꞌi na ndítuꞌun vata. Ta ya ndoꞌo ni na yóꞌó ku nuu “kuvi na ichí uvi” ―káchi Ndioxi ndi̱kaꞌan ra xiꞌin i.