San Mateo 26:67 - Xochapa Mixteco

⁶⁷ Saa ko̱ꞌni ndaa nda sii nuu ra, ta ka̱ni ni ñaꞌa nda xiꞌin ikin ndaꞌa nda, ta saa káni ni nda xaꞌnda nuu ra.

San Mateo 26:67 Mawu Ofanana

San Mateo 26:68

Saa xa̱á nda káꞌan nda xiꞌin ra, káchi nda saa: ―Tá tu Cristo, ra vaxi sikaku na ñuu ivi yóꞌó ku un, ta vaꞌa kaꞌan un xiꞌin nde, ¿unku na ka̱ni yóꞌo̱? ―káchi nda xiꞌin ra.

San Mateo 27:30

Saa kóꞌni ndaa nda sii nuu ra, ta tíin nda itun ikán káni nda xiní ra.

San Mateo 5:39

Ta yeꞌe káchi saa xiꞌin ndo, ndïko koo ndo ikan ndo saa xiꞌin naꞌa, na íkan ndá ka ñaꞌa xiꞌin ndo. Tá ndá naꞌa ka̱ni xaꞌnda iin ñaꞌñu nuu ndo, ta käni taꞌan ndo xiꞌin na, vaꞌa sindiko koo ndo inka ñaꞌñu nuu ndo ná kani na ndóꞌo̱.

San Marcos 10:34

Kuaku ndaa na yeꞌe, saa kani ni na yeꞌe xiꞌin ñii ya ñúꞌu kàà nuu, saa koꞌni ndaa na sii nuu i, ñaa kaꞌni na yeꞌe, sundi sindiꞌi tixin kivi uni nditaku i ―káchi ra xiꞌin nda.

San Marcos 14:65

Saa xa̱á nda kóꞌni ndaa nda sii nuu ra, ta sava nda ndíkasi nuu ra, saa káni ni nda ikin nuu ra, saa káꞌan nda xiꞌin ra: ―Tá tu ndixa ra xíni ndiꞌi ñaꞌa ku un, ta kaꞌan unku nde ka̱ni yóꞌo̱ ―káchi nda xiꞌin ra. Saa ndi̱kiꞌin nda policía ra ta ndinuni loꞌo xákin nda xaꞌnda nuu ra.

San Marcos 15:19

Ta ndinuni loꞌo káni nda xiní ra xiꞌin itun, saa kóꞌni ndaa nda sii nuu ra, síkusiti nda nuu ra, ya kúsiki ndaa ñaꞌa nda xáa toꞌo nda ra.

San Juan 18:22

Tá ndi̱kaꞌan Jesús saa, ta iin ra policía ra ndáa veꞌe ñuꞌu xa̱kin ra iin xaꞌnda nuu Jesús, saa ndi̱kaꞌan ra xiꞌin ra, káchi ra saa: ―¿Án saa ndíkuiin un yuꞌu sutu ra chee? ―káchi ra xiꞌin ra.

San Juan 19:3

Saa káꞌan nda xiꞌin ra, káchi nda saa: ―Xáa toꞌo ni nde yóꞌo̱ tata, rey nuu na judío ―káchi nda kúsiki ndaa ñaꞌa nda. Ta ndinuni loꞌo ka káni ñaꞌa nda, xákin nda xaꞌnda nuu ra.

1 Corintios 4:13

Ni tá kánaꞌa ni na xaꞌa nde, ta xiꞌin tuꞌun toꞌo ndíkuiin nde yuꞌu na. Tá íkan na xiꞌin taka ya íyo ñuu ivi yóꞌó va íkan na xiꞌin nde, tá íin ñaꞌa ya xa xáta na, saa íin nde nuu na, nda kivi vitin.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.