San Mateo 26:65 - Xochapa Mixteco

⁶⁵ Tá xi̱ni soꞌo sutu ra ínuu nuu ndiꞌi sutu ya ndi̱kaꞌan Jesús, ta ndi̱saa ni ra, yakan xa̱ꞌnda ra toto ra ta ndi̱kaꞌan ra, káchi ra saa: ―¡Ra kánaꞌa xaꞌa Ndioxi va ku ra yóꞌó! Köo xíniñuꞌu ka yo kuni soꞌo yo kaꞌan inka naꞌa xaꞌa ra. Xa xi̱ni soꞌo mií va ndo ya ndee ni kini ndi̱kaꞌan ra xaꞌa Ndioxi.

San Mateo 26:65 Mawu Ofanana

San Mateo 9:3

Saa ndóo sava nda sínaꞌa ley ya ta̱a ra Moisés, ndíkani ini nda, káchi nda saa: “Kánaꞌa va ra yóꞌó xiꞌin Ndioxi án Ndioxi ta ndása ra mií ra yakan vaꞌa káꞌan ra saa”, káchi nda ndíkani ini nda.

San Lucas 5:21

Saa tá xi̱ni soꞌo nda fariseo xiꞌin nda maestro ikán ya ndi̱kaꞌan Jesús, ta xa̱á nda káꞌan nda: “¿Unku ra yóꞌó kua, yakan kánaꞌa ra xaꞌa Ndioxi? Köo naꞌa kuchiñu xaa kaꞌnu ini xaꞌa kuachi na ivi, iindaa Ndioxi ku ra xáa kaꞌnu ini xaꞌa kuachi naꞌa”, káchi nda.

San Juan 10:33

Saa ndi̱kuiin nda káꞌan nda: ―Süvi xaꞌa nda iin ya vaꞌa íkan un kua kúni kaꞌni nde yóꞌo̱. Xaꞌa ya ndi̱kaꞌan un kúu un Ndioxi kua kaꞌni nde yóꞌo̱. Chi ra ivi yóꞌó ku un, ta káꞌan un kúu un Ndioxi ―káchi nda xiꞌin ra.

San Juan 10:36

Ta mií ra ku ra nda̱sa i̱í yeꞌe ta ti̱ꞌvi ra yeꞌe vaxi i ñuu ivi yóꞌó. Ta ¿ndachu káꞌan ndo xaꞌa i ya kánaꞌa i xaꞌa Ndioxi chi ndi̱kaꞌan i kúu i Seꞌe Ndioxi?

Los Hechos 14:14

Ñaa tá xi̱ni nda ya kúni na xaa toꞌo ñaꞌa na, saa xa̱ꞌnda sáa ini nda tikoto nda. Ta saa chi̱nii nda kuaꞌan nda tañu na, ndáꞌi koꞌo nda, káchi nda saa: