San Mateo 26:61 - Xochapa Mixteco

⁶¹ ndi̱kaꞌan nda, káchi nda saa: ―Ra yóꞌo̱ ta ndi̱kaꞌan ra: “Yeꞌe, ta kuchiñu i sindiꞌi xaꞌa i veꞌe ñuꞌu kaꞌnu, ta tixin kivi uni sikuaꞌa tuku i ya,” káchi ra ―káchi nda xaꞌa ra.

San Mateo 26:61 Mawu Ofanana

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 26:62

Saa ndi̱kundichi sutu ra ínuu nuu ndiꞌi sutu, ta ndi̱kaꞌan ra xiꞌin Jesús, káchi ra saa: ―¿Án ndïkuiin un yuꞌu nda? ¿Án ndixa saa íyo ya káꞌan nda xaꞌa un? ―káchi ra xiꞌin Jesús.

San Mateo 26:71

Saa ke̱ta ra keꞌe yeꞌe ikán, ta xi̱ni inka yá xáa chiñu veꞌe sutu ra, saa ndi̱kaꞌan yá xiꞌin na ndóo ikán, káchi yá saa: ―Ra ítaꞌan xiꞌin Jesús, ra ke̱e ñuu Nazaret ku tu ra yóꞌó va ―káchi yá xiꞌin na.

San Mateo 27:40

káchi na saa: ―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.

San Mateo 27:5

Saa ki̱ꞌin ra xuꞌun xa̱ta ra ini veꞌe ñuꞌu, ta ndi̱kiꞌin ra kuaꞌan ra. Ikán si̱koꞌni ndaa ra mií ra.

San Marcos 14:58

―Ndeꞌe ta xi̱ni soꞌo nde ndi̱kaꞌan ra, káchi ra saa: “Yeꞌe ta sindiꞌi xaꞌa i veꞌe ñuꞌu kaꞌnu yóꞌó ya si̱kuaꞌa na ivi, ta tixin kivi uni sixinu i inka ya, ta süvi taꞌan ya síkuaꞌa na ivi yóꞌó koo ya”, káchi ra ―káchi nda xaꞌa Jesús.

San Marcos 15:29

Ta ndiꞌi na yáꞌa kuaꞌan, kánaꞌa na xiꞌin ra ta síkuiko xiní na, káchi na saa: ―¡Án su yóꞌo̱ ku un káꞌan kani un veꞌe ñuꞌu kaꞌnu ta tixin uni kivi ta sikuaꞌa tuku un ya!

San Lucas 23:2

Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

San Juan 9:29

Ndeꞌe ta xíni nde ya ndi̱kaꞌan Ndioxi xiꞌin ra Moisés, sundi ra ñaa, ta köo xíni nde xaꞌa ra míí chí ke̱e ra ―káchi nda xiꞌin ra.

Los Hechos 17:18

Ta sava nda xíka ikán ku nda ndíchi ni chi si̱kuaꞌa nda xiꞌin na náni epicúreos, ta sava nda si̱kuaꞌa xiꞌin na náni estoicos xa̱á nda káꞌan nda xaꞌa ra, káchi nda saa: ―¿Unkua káꞌan ví ra? ra síndaꞌvi naꞌa va ku ra ―káchi nda. Ta inka na káꞌan: ―Ra xíka káꞌan ndoso xaꞌa inka ndioxi va ku ra ―káchi nda. Saa káchi nda chi xi̱ni soꞌo nda káꞌan ra tuꞌun vaꞌa xaꞌa Jesús ta káꞌan ra xiꞌin na ya ndi̱taku ra.

Los Hechos 18:13

Ta̱xi na kuachi ndaꞌa na xaꞌa ra, káchi na saa: ―Ra xíka sáka xiní naꞌa ya ná käñuꞌu na Ndioxi tá kuꞌva káꞌan ley nde ku ra ―káchi na xiꞌin ra.

Los Hechos 22:22

Saa xíni soꞌo na ya káꞌan ra Pablo, ñaa ndi̱ndaꞌi ni na, káchi na saa: ―¡Vaꞌa ka ná kuvi ra! ¡Köo kúu mií ra ichí kutaku ka ra! ―káchi na.