San Mateo 26:58 - Xochapa Mixteco

⁵⁸ Saa ndi̱kundikun xika ra Pedro sata na kuaꞌan ra, ndi̱xaa ra keꞌe yeꞌe veꞌe mií ra sutu kaꞌnu ikán. Ndi̱xaa ra ndi̱kunduꞌu ra xiꞌin nda policía koto ra unkua kundoꞌo Jesús.

San Mateo 26:58 Mawu Ofanana

San Mateo 26:3

Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Mateo 5:25

’Ta vaꞌa ka kama ni ndikundee ndo xaa súvi ndo kuachi ndo xiꞌin taꞌan ndo tá xíka ndo kuaꞌan ndo ichí, tá täꞌan xaa ndo nuu juez. Chi tá köo xáa suvi kama ndo ya xiꞌin taꞌan ndo, ta kundaka na ndóꞌo̱ kuꞌun ndo xiꞌin na nuu juez. Ta ra juez ikán nditaxi ndóꞌo̱ ndaꞌa na policía ta na ikán taan na ndóꞌo̱ veꞌe kàà.

San Lucas 22:54

Ñaa ti̱in nda Jesús kuaꞌan ra xiꞌin nda veꞌe ra sutu, ra ínuu nuu ndiꞌi sutu. Saa ndíkun ra Pedro, xíka xíka ndíkun ra kuaꞌan ra sata Jesús.

San Juan 18:25

Ta saa ndíchi ra Pedro nuu ñu̱ꞌu̱ ndísaa ra xiꞌin nda ikán, ta ndi̱kaꞌan iin ra xiꞌin ra, káchi ra saa: ―¿Án süvi taꞌan nda ítaꞌan xiꞌin ra kaa ku tu yóꞌo̱ va? ―káchi ra xiꞌin ra. Saa ndi̱kuaa tuku ñaꞌa ra Pedro, káchi ra saa: ―Süvi ikán ku i ―káchi ra.

San Juan 19:6

Tá xi̱ni nda naꞌnu nuu sutu xiꞌin na policía ikán, ta saa ndi̱ndaꞌi koꞌo na, káchi na saa: ―¡Chinuu ra nuu cruzin, chinuu ra nuu cruzin! ―káchi nda xiꞌin ra Pilato. Saa ndi̱kaꞌan ra Pilato xiꞌin na, káchi ra saa: ―Ndikiꞌin ndo ra, ta chinuu mií ndo ra nuu cruzin, chi yeꞌe ta köo kuachi ra ndi̱niꞌi i ―káchi ra.

San Juan 7:32

Saa xi̱ni soꞌo nda fariseo ya vaꞌa ni káꞌan naꞌa xaꞌa Jesús, ta iin ndi̱kitaꞌan yuꞌu nda xiꞌin sutu nda naꞌnu nuu na veꞌe ñuꞌu, ta sutu ikán ti̱ꞌvi nda naꞌa, na ndáa veꞌe ñuꞌu ya kuaꞌan na tiin na Jesús.

San Juan 7:45

Saa ndi̱ko koo na ndáa veꞌe ñuꞌu kuaꞌan na nuu nda fariseo xiꞌin nda naꞌnu nuu sutu, saa ndi̱kaꞌan na ikán xiꞌin nda káchi na saa: ―¿Ndachu köo ndi̱tiin ndo ra kixi xiꞌin ndo? ―káchi nda.

Los Hechos 5:22

Saa ke̱e na policía ikán kuaꞌan na. Tá ndi̱xaa na veꞌe kàà ta ni köo ka nda ndi̱xini na. Ñaa ndi̱ko koo na xiꞌin chiñu

Los Hechos 5:26

Saa ke̱e ra ínuu nuu na policía kuaꞌan ra xiꞌin na policia, ndikuiso tuku ñaꞌa nda. Sundi köo ndi̱xiin nda xaa nduvaꞌa nda xiꞌin nda xaꞌa ya íꞌvi nda nuu naꞌa, chi sana ndikitaꞌan ndiꞌi na ta kaꞌni ñaꞌa na xiꞌin yu̱ú, káꞌán nda.