San Mateo 26:56 - Xochapa Mixteco

⁵⁶ Ta ndiꞌi ya yóꞌó ndóꞌo i vitin, saa sixinu i ya ta̱a nda profeta xaꞌa i xinaꞌa ―káchi Jesús xiꞌin nda. Saa si̱ndoo ñaꞌa ndiꞌi nda ítaꞌan xiꞌin ra, ta xi̱nu ndiꞌi nda kuaꞌan nda.

San Mateo 26:56 Mawu Ofanana

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Mateo 26:24

Yeꞌe kuu Taa, ra xa̱a ñuu ivi yóꞌó, ta ndixa kua xíniñuꞌu kuvi i, tá kuꞌva káꞌan tuꞌun Ndioxi ya ta̱a nda profeta xaꞌa i xinaꞌa. Sundi ¡ndaꞌvi ni taa ra ndixiko vata yeꞌe nuu na sáa ini xíni yeꞌe! Vaꞌa ni ka kua tá ná käku va ra, ndikuu ―káchi Jesús xiꞌin nda.

San Mateo 26:31

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndiꞌi ndo sindikoo ndaꞌa yeꞌe ñǔu vitin, ta ikán ku nuu xinu tuꞌun Ndioxi ya ta̱a na xaꞌa i xinaꞌa, káchi ya saa: “Sitikueꞌe i ra paxto ndáa levo, ta iin kuita yava ndiꞌi ri kuꞌun ri”, káchi tuꞌun Ndioxi ta̱a na xaꞌa i.

San Mateo 26:54

Sundi tá ná tiꞌvi ra na tatun ra, ta küchiñu i xaa súvi i ya káꞌan tuꞌun ra, ya xíniñuꞌu i kundoꞌo i saa ―káchi ra xiꞌin nda ítaꞌan xiꞌin ra.

San Juan 16:32

Ta kama ni tindaa hora, siloꞌo ni kúmani ta kuita niꞌnu ndiꞌi ndo kuꞌun ndo, ta sindoo ndaꞌa ndo yeꞌe. Sundi yeꞌe ta köo íyo mií i, chi Iva i ta íyo ra xiꞌin i.

Los Hechos 1:16

―Ndóꞌo̱ ñani yo, Tachi I̱í Ndioxi ndi̱kaꞌan ya tixin tuꞌun ra ya ta̱a ra David xaꞌa ra Judas, ndi̱kaꞌan ya xaꞌa ra ya ndixiko ra Jesús, ta xaꞌa ya yóꞌó kua xi̱ndaka ra naꞌa ndi̱xaꞌan na xiꞌin ra ti̱in na Jesús, chi saa ku nuu ndi̱xinu tuꞌun Ndioxi ya xa íyo xaꞌa ra Judas ya xíniñuꞌu ra kundoꞌo ra saa.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.

2 Timoteo 4:16

Tá kivi núnu̱ú ndi̱xaꞌan i nuu na chiñu, ta nda iin naꞌa köo ndi̱chindee taꞌan xiꞌin i, iin si̱ndoo ndaꞌa ndiꞌi nda yeꞌe. Ta siin ka mií Iva yo Ndioxi ná xaa kaꞌnu ini xaꞌa nda.