San Mateo 26:5 - Xochapa Mixteco

⁵ Saa káꞌan sava nda, káchi nda saa: ―Küchiñu tiin yo ra viko, chi ìyo ni katin naꞌa ta kanitaꞌan na xiꞌin yo ―káchi nda xiꞌin taꞌan nda.

San Mateo 26:5 Mawu Ofanana

San Mateo 14:5

Ku̱ni ra Herodes kaꞌni ra, ra Juan, ta köo ndi̱kuchiñu ra ikán ra saa, xaꞌa ya íꞌvi ra nuu naꞌa, saa chi ndiꞌi na káꞌan xaꞌa ra Juan ya kúu ra profeta, ra káꞌan ndoso tuꞌun yuꞌu Ndioxi.

San Mateo 21:26

Tá ná kaꞌan yo na ivi ti̱ꞌvi ra, kachi yo, ta íꞌvi yo nuu naꞌa, saa chi ndiꞌi na ndíkani ini Ndioxi ti̱ꞌvi ra vaxi ra ―káchi nda.

San Mateo 27:24

Saa xi̱ni ra Pilato ya köo xíni soꞌo na ya káꞌan ra, ñaa xa̱á ndi̱siso vaꞌa ka na. Ñaa xa̱ꞌnda ra chiñu taxi na tikuii ndaꞌa ra. Saa ndi̱kata ra ndaꞌa ra nuu ndiꞌi na, káchi ra saa: ―Köo ndíso i kuachi xaꞌa ra yóꞌó, ra vaꞌa ku ra, ta koto ka mií ndo xiꞌin ra ―káchi ra xiꞌin na.

San Marcos 14:12

Ta kivi núnu̱ú tá íyo viko ya xíxi na Israel xita vaꞌa ya köo uxan ìya xiꞌin, saa iin iin veꞌe xáꞌni na iin kiti levo loꞌo nuu Ndioxi xíxi na viko pascua. Xaꞌa ya ikán kua ndi̱ndakan tuꞌun uxi uvi saa nda ítaꞌan xiꞌin ra, káchi nda saa: ―¿Tata, mií kua kúni un kuꞌun nde xaa ndúvi nde ñaꞌa ya kuxini yo viko pascua? ―káchi nda xiꞌin ra.

San Marcos 14:2

Saa xa̱á sava nda káꞌan nda, káchi nda saa: ―Ïkan yo saa, tïin yo ra mí viko pascua, koto ka ndikuita ndiꞌi na, ndee ni ndaꞌa i na ta koo ni kuachi ―káchi nda.

San Marcos 14:27

Ñaa ndi̱kaꞌan Jesús xiꞌin nda: ―Ñǔu vitin ta ndiꞌi ndóꞌo̱ sindikoo mií ndo yeꞌe, chi saa íyo ya ta̱a iin ra ndi̱kaꞌan ndoso tuꞌun yuꞌu Ndioxi xinaꞌa, káchi ya saa: “Sitikueꞌe i ra ndáa levo, ta kunu ndiꞌi levo sana ra kuꞌun ri”, káchi ya.

San Lucas 20:6

Ta ni küvi kaꞌan tuku yo: “Naꞌa ku na ta̱xi ichí ndaꞌa ra”, kachi yo, saa chi ndiꞌi na kándixa ni ñaꞌa na. “Ra ndi̱kaꞌan ndoso tuꞌun yuꞌu Ndioxi ku ra”, káchi na, ta ìyo ni kaꞌni na yoo xiꞌin yu̱ú ―káchi nda xiꞌin taꞌan nda.

San Lucas 22:7

Saa ti̱ndaa kivi ya kuxi na judío xita vaꞌa ya köo uxan iya xiꞌin viko pascua. Ta kuaꞌan iin levo xiꞌin iin iin na veꞌe ya sóko na ri nuu Ndioxi.

San Juan 18:28

Ta naꞌa ni kua ta̱va na Jesús veꞌe ra Caifás, ta ndáka na ra kuaꞌan ra veꞌe chiñu kaꞌnu nuu ra gobernador. Ta köo ndi̱xiin nda kiꞌvi nda xiꞌin Jesús nuu ra ikán, xaꞌa ya köo kúni nda kuyakua nda ta saa vaꞌa kuxini nda viko pascua.

Los Hechos 19:29

Ñaa iin ndi̱siso ndiꞌi na ñuu, ndá síso ndáꞌi na. Ta saa ti̱in na uvi nda taꞌan ra Pablo, ra náni Gayo xiꞌin ra Aristarco, nda ke̱e chí estado Macedonia. Tá ti̱in ñaꞌa na, saa ndi̱kundaka na nda kuaꞌan nda xiꞌin na nuu si̱kuaꞌa na ndíkitaꞌan kuaꞌa ni naꞌa, ya káꞌan na xiꞌin teatro.

Los Hechos 21:38

¿Án süvi yóꞌo̱ ku ra ke̱e ñuu Egipto ra ta̱va kumi mil taa nuu iku yuyu, ta nda xáꞌni ndìì ku nda ikán ―káchi ra xiꞌin ra Pablo.

Los Hechos 4:28

Nda tá íyo ya ndi̱kaꞌan un kundoꞌo Jesús, ta saa íyo ya i̱kan na xiꞌin ra, si̱xinu na ya ndi̱kaꞌan un. Chi xa saa chi̱tuni un kundoꞌo ra.