San Mateo 26:46 - Xochapa Mixteco

⁴⁶ Kuandikoo ndo koꞌyo. Xa vaxi ra nditaxi yeꞌe ndaꞌa naꞌa, na sáa ini xíni yeꞌe ―káchi Jesús xiꞌin nda.

San Mateo 26:46 Mawu Ofanana

San Mateo 26:45

Sindiꞌi ndi̱ko koo ra nuu nda, saa ndi̱kaꞌan ra xiꞌin nda, káchi ra saa: ―¿Án kíxi yaa va ndo? ¿Án ndee ni va ndíkundee ndo? Ta vaꞌa ndikoo ndiꞌi va ndo, saa chi xa ti̱ndaa hora ya nditaxi na yeꞌe, Taa ra xa̱a ñuu ivi yóꞌó ndaꞌa naꞌa, na väꞌa.

San Mateo 26:47

Saa káꞌan ka ra, ta ndi̱xaa ra Judas taꞌan nda uxi uvi ítaꞌan xiꞌin ra ku ra. Kuaꞌa ni naꞌa ndi̱xaa xiꞌin ra ikán, ta ndíso na i̱chi ndi̱xaa na, saa ndíso tu na carroti va ndi̱xaa xiꞌin na. Na xikuaꞌa nuu na judío xiꞌin nda naꞌnu nuu sutu ku nda ti̱ꞌvi nda ikán kuaꞌan nda tiin nda Jesús.

San Marcos 14:42

Kuandikoo ndo koꞌyo, xa yóꞌó kúyati taa ra ndi̱taxi yeꞌe ndaꞌa naꞌa na sáa ini xíni yeꞌe ―káchi Jesús xiꞌin nda.

San Lucas 12:50

Ndíkani ni ini i xaꞌa ya ndee ni kundoꞌo i, ta xaꞌa ya ikán kua nduu i tá káa ra chíchi nuu Ndioxi. Ta nda vitin ta ndíꞌi ni ini i ndátun i nda kivi ná xinu koo tiempo ya kuu saa.

San Lucas 22:15

Saa ndi̱kaꞌan ra xiꞌin nda, káchi ra saa: ―Yachi vi kúni ni i kuxini i xiꞌin ndo viko pascua yóꞌó. Ta vitin kua ti̱ndaa kivi ya kuxini i xiꞌin ndo yachi ka tá täꞌan kundoꞌo ni i.

San Lucas 22:21

Ta vitin ná kundaa ini ndo, iin ndóꞌo̱ índuꞌu xiꞌin i nuu mesa yóꞌó ku ndo nditaxi yeꞌe ndaꞌa na sáa ini xíni yeꞌe.

San Lucas 9:51

Ta xa kuaꞌan kúyati kivi ndiko koo Jesús kuꞌun ra nuu ndivi, ñaa chi̱kaa ini ra kuꞌun ra ñuu Jerusalén.

San Juan 14:31

Sundi ya ná kundaa ini na ñuu ivi, ya ndixa kua kúꞌvi ini i xíni i Iva i Ndioxi, yakan xáa súvi i chiñu ya xa̱ꞌnda chiñu ra nuu i. Ta vitin ndikuita ndo, koꞌo yo ―káchi Jesús xiꞌin nda ítaꞌan xiꞌin ra.

San Juan 21:20

Saa ndi̱ko koo ra Pedro ndi̱koto ra sata ra, ta xi̱ni ra ndíkun inka ra xi̱taꞌan xiꞌin Jesús kuaꞌan ra sata ra. Ta ra ikán ku ra kúꞌvi ni ini Jesús xíni ra, ta suvi ra ikán ku ra ndi̱xiyo yati xiín Jesús tá ndóo nda xíxini nda nuu ndi̱ndakan tuꞌun ñaꞌa ra, káchi ra saa: “Tata, ¿unku ra ndixiko vata yóꞌo̱?”, ka̱chi ra xiꞌin Jesús.

Los Hechos 21:13

Ta ndi̱kuiin ra, káchi ra saa: ―Küaku ndo chi nda yeꞌe kúchiꞌña ini íkan ndo. Tá ti̱in na yeꞌe ka̱tun na, ta vaꞌa ná tiin va na yeꞌe, chi yeꞌe ta xa íyo tuꞌva i kundoꞌo i xaꞌa Tata yo Jesús, vani kaꞌni na yeꞌe xaꞌa va ra ―káchi ra xiꞌin na.