San Mateo 26:41 - Xochapa Mixteco

⁴¹ Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

San Mateo 26:41 Mawu Ofanana

San Mateo 24:42

’Saa ndóꞌo̱, koo tuꞌva ndo saa chi köo xíni ndo maa kua ndiko koo yeꞌe, ra kúu Tata ndo, ra chee nuu ndo.

San Mateo 25:13

Saa ndi̱kaꞌan ka ra xiꞌin nda, káchi ra: ―Saa ndóꞌo̱, kundoo tuꞌva ndo chi köo xíni ndo ndá kivi kua, ni ndá hora kua ndiko koo yeꞌe Taa ra xa̱a ñuu ivi yóꞌó ―káchi ra xiꞌin nda.

San Mateo 26:38

Saa ndi̱kaꞌan ra xiꞌin uni saa nda, káchi ra saa: ―Kúndíi ka vi ini i, ndakua íyo ini i kuvi i. Yóꞌó koo ndo xiꞌin i, ta küsun ndo ―káchi Jesús xiꞌin nda.

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Marcos 14:38

Kundito ndo, ta kaꞌan ni ndo xiꞌin Ndioxi ya ná ndïkava ndo nuu kuachi. Ya ndaa kua kúni ni ndo xaa súvi ya kúni Ndioxi, sundi köo kúchiñu ndo xaa súvi ndo ya xiꞌin ndee mií ndo ―káchi Jesús xiꞌin nda.

San Lucas 11:4

Saa xaa kaꞌnu ini un xaꞌa kuachi nde, saa chi saa tu ndee va xáa kaꞌnu ini nde xaꞌa kuachi na íkan ya väꞌa xiꞌin nde. Täxi un ndikava nde ndaꞌa ya väꞌa, chindee un ndeꞌe nuu ya väꞌa, kachi ndo xiꞌin ra ―káchi Jesús xiꞌin nda.

San Lucas 21:36

Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

San Lucas 22:40

Tá ndi̱xaa ra ikán, ta ndi̱kaꞌan ra xiꞌin nda, káchi ra saa: ―Kaꞌan ni ndo xiꞌin Ndioxi ya chindee ra ndóꞌo̱, ya ná köyo ndo ndaꞌa ya kúni koto ndoso ndóꞌo̱ ―káchi ra xiꞌin nda.

San Lucas 22:46

Saa ndi̱kaꞌan ra xiꞌin nda, káchi ra saa: ―¿Ndachu ndóo ndo kíxi ndo? Kuandikoo ndo kaꞌan ndo xiꞌin Ndioxi, ya ná ndïkava ndo ndaꞌa ya väꞌa, ya kuni koto ndoso ndóꞌo̱ ―káchi ra xiꞌin nda.

San Lucas 8:13

Ta siꞌva ri ndi̱koyo nuu yu̱ú ku na xíni soꞌo tuꞌun Ndioxi, ta ndíkiꞌin vaꞌa na ya, kúsini ni na xiꞌin ya, sundi täꞌan tiin vaꞌa ya nima na. Ta saa vaxi ya xíto ndoso ñaꞌa, vaxi ya tíxuꞌvi na, ta síndikoo na ichí Ndioxi.

ROMANOS 8:3

Ndioxi i̱kan ra ya vaꞌa xiꞌin yo, ñaꞌa ya köo ndi̱kuchiñu ley ya ta̱a ra Moisés ikan ya xiꞌin yo xaꞌa ya köo ndee kúu mií ikin kuñu yo nuu ya väꞌa. Xaꞌa ya ikán kua ti̱ꞌvi ra Seꞌe ra ki̱xi ra ñuu ivi yóꞌó, ta ndi̱xiyo ikin kuñu ra tá kuꞌva íin mií yo ivi yóꞌó. Ti̱ꞌvi Ndioxi ra ki̱xi ra ndi̱soko ra mií ra xaꞌa kuachi yo, ta saa ku̱chiñu ra si̱ndiꞌi xaꞌa ra ndee ya kúu mií kuachi yo nuu Ndioxi.

1 Corintios 10:13

Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

1 Corintios 16:13

Ñani yo xiꞌin kuꞌva yo, kuenta ni koo ndo, ta ndinuꞌu ni ini ndo kandixa ndo Tata yo Jesucristo. Kuu ïꞌvi ndo, ndaku koo nima ndo, ta tuun ni kundikun ndo Tata yo.

1 Corintios 9:27

Sundi yeꞌe, ta síndoꞌo ni va i ikin kuñu i, saa xáa nduxa i xiꞌin ya ná kandixa ya yeꞌe. Saa xáꞌa ni i ndee xiꞌin mií i ya xaa súvi ni i ya kúni ra, koto ka ndïkiꞌin i ya vaꞌa taxi Ndioxi ndaꞌa i nuu ndivi, vani ra ndi̱kaꞌan ndoso tuꞌun ra ndi̱xiyo i.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.

El Apocalipsis 16:15

Xaꞌa ya ikán kua xíniñuꞌu ndi̱kaꞌán ini ndo xaꞌa tuꞌun ya ndi̱kaꞌan Tata yo Jesucristo xiꞌin na ndíkun sata ra, káchi ra saa: ―¡Koto ndo vii! Tá íkan iin ra kuiꞌna, kivi köo ndátun ndo ra. Saa koo kivi ndiko koo i ñuu ivi. Ta naꞌa na ndíto koo tuꞌva na ndikiꞌin na yeꞌe, ta taxi Ndioxi ya ndixa kusini na ikán. Ta naꞌa na ndíto, xíniñuꞌu koo tuꞌva tikoto na ya kundixi na, ya ná kükaꞌan nuu na íyo chála na kivi ndiko koo i ―káchi Tata yo Jesucristo ndi̱kaꞌan ra.

El Apocalipsis 3:10

Xaꞌa ya ndee ni vaꞌa ndi̱xaꞌa ndee ini ndo xa̱a súvi ndo tuꞌun i, ta saa tu yeꞌe va, kundaa ni i ndóꞌo̱ tá kivi ná kixi tindoꞌo ya ndee ni ndee koto ndoso ya ndiꞌi na ndóo ñuu ivi yóꞌó.