San Mateo 26:40 - Xochapa Mixteco

⁴⁰ Saa ndi̱ko koo ra ndi̱xaa ra nuu ndóo uni saa nda ítaꞌan xiꞌin ra, ta ndi̱taꞌan ra nda ndóo nda kíxi nda. Saa ndi̱kaꞌan ra xiꞌin ra Pedro, káchi ra saa: ―¿Án nda iin hora loꞌo vi köo ndi̱kuchiñu ndo kundito ndo xiꞌin i? ―káchi ra xiꞌin nda.

San Mateo 26:40 Mawu Ofanana

San Mateo 25:5

Saa ndóo ná ndátun ni ná mií ra tíndaꞌa ikán, ta köo ndi̱xaa kama ra, ñaa ndi̱naa ini ná ndi̱kixi ná.

San Mateo 26:35

Saa ndi̱kaꞌan ra Pedro xiꞌin ra, káchi ra saa: ―Tata, vani kuvi i xaꞌa un, sundi ndïkuaa i yóꞌo̱ ―káchi ra. Tá ndi̱kaꞌan ra ikán saa ndi̱kaꞌan ndiꞌi nda.

San Mateo 26:38

Saa ndi̱kaꞌan ra xiꞌin uni saa nda, káchi ra saa: ―Kúndíi ka vi ini i, ndakua íyo ini i kuvi i. Yóꞌó koo ndo xiꞌin i, ta küsun ndo ―káchi Jesús xiꞌin nda.

San Mateo 26:41

Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

San Mateo 26:43

Saa ndi̱ko koo tuku ra ndi̱xaa ra nuu ndóo nda ítaꞌan xiꞌin ra, ta ndi̱taꞌan tuku ra nda ndóo nda kíxi nda, chi kúni kusun ni nda.

San Marcos 14:37

Saa ndi̱ko koo ra, ta ndi̱taꞌan ra nda ítaꞌan xiꞌin ra ndóo nda kíxi nda. Saa ndi̱kaꞌan ra xiꞌin ra Pedro, káchi ra saa: ―¿Án kíxi va un, Simón? ¿Án nda iin hora loꞌo köo ndi̱kuchiñu un kundito un?

San Lucas 22:45

Saa tá si̱ndiꞌi ra ndi̱kaꞌan ra xiꞌin Ndioxi, ta ndi̱ko koo ra ndi̱xaa ra nuu ndóo nda ítaꞌan xiꞌin ra. Ta köo ndi̱kundee ka ini nda xiꞌin ya suchi ini, ñaa ndi̱naa ini nda ndi̱kixi nda.

San Lucas 9:32

Ta ra Pedro xiꞌin nda taꞌan ra ndixa loꞌo kúni kusun nda ndóo nda, ta köo ndi̱kixi nda, yakan vaꞌa xi̱ni nda yéꞌe̱ ndaa ya yéꞌe̱ Ndioxi nuu ndi̱tuvi ra Moisés xiꞌin ra Elías káꞌan nda xiꞌin Jesús.