San Mateo 26:29 - Xochapa Mixteco

²⁹ Ta ndixa káꞌan i xiꞌin ndo, köꞌo ka i nduta vinu, nduta kiti uva xiꞌin ndo, nda kivi tá ná ndikitaꞌan yo nuu xáꞌnda chiñu Iva i Ndioxi. Nda saa koꞌo yo vinu xa̱á ―káchi Jesús xiꞌin nda.

San Mateo 26:29 Mawu Ofanana

San Mateo 13:43

Sundi na xáa súvi ya kúni Ndioxi ta kundoo na nuu xáꞌnda chiñu Iva yo Ndioxi, ta ndiyeꞌe na nda tá kuꞌva ndíyeꞌe ñu̱ꞌù ―káchi ra. Saa ndikaꞌan ka ra, káchi ra saa: ―¡Ndiꞌi ndóꞌo̱ íyo soꞌo ta kuni soꞌo ni ndo ya káꞌan i xiꞌin ndo! ―káchi ra xiꞌin nda ítaꞌan xiꞌin ra.

San Mateo 16:28

Ya ndaa káꞌan i xiꞌin ndo, sava ndo ndóo yóꞌó vitin, ta kutaku ka ndo nda kivi tá ná ndiko koo yeꞌe, Taa ra xa̱a ñuu ivi yóꞌó, ndiko koo i ya kaꞌnda chiñu i ―káchi Jesús.

San Mateo 18:20

Saa chi nuu ndíkitaꞌan uvi ndo, án uni ndo tixin kivi yeꞌe, ta ikán íyo i xiꞌin ndo ―káchi Jesús.

San Mateo 25:34

Ta yeꞌe, ra kúu rey kaꞌan i xiꞌin na ndóo ñaꞌñu kuáꞌá i, kachi i saa: “Naꞌa ndo, ndóꞌo̱ ku ndo niꞌi ya vaꞌa nuu Iva i Ndioxi. Naꞌa ndo kiꞌvi ndo nuu xáꞌnda chiñu ra, ya xa íyo ndúvi xaꞌa ndo nda tá täꞌan xikoo xaꞌa ñuu ivi yóꞌó.

San Mateo 26:28

Chi nduta yóꞌó ku nií i rá kuita xaꞌa na ñuu ivi. Ta xiꞌin rá kuita yóꞌó ku rá kindoo Ndioxi iin trato xa̱á xiꞌin kuaꞌa ni naꞌa, nuu xáa kaꞌnu ini ra xaꞌa kuachi na.

San Mateo 26:30

Tá ndiꞌi xi̱ta nda yaa nuu xa̱a kaꞌnu nda Ndioxi, saa ke̱e nda kuaꞌan nda xiki náni itun Olivo.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Marcos 14:25

Ya ndaa káꞌan i xiꞌin ndo, köꞌo yachi ka i nduta vino kiti uva, nda ná tindaa kivi ndikitaꞌan yo nuu xáꞌnda chiñu Ndioxi, nda saa kua koꞌo i nduta vinu xa̱á ―káchi ra xiꞌin nda.

San Lucas 12:32

Saa ndi̱kaꞌan ka Jesús, káchi ra saa: ―Ndóꞌo̱ ndíkun sata i ta ku ïꞌvi ndo chi tá íyo iin tiꞌvi levo vali sana i saa íin ndo. Ta kúsini ni va Ndioxi taxi ra koo ndo xiꞌin ra nuu xáꞌnda chiñu ra.

San Lucas 15:32

Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Juan 15:11

’Ya yóꞌó kua káꞌan i xiꞌin ndo ya ná koo ya sií ni íyo nuu i xiꞌin ndo, ta saa kua ná kusini ni ka ndo.

San Juan 16:22

Ta saa ndóꞌo̱, vitin ta kúsuchi ni ini ndo, sundi ndiko koo tuku i koto i ndóꞌo̱, ta saa kusini ni ndo ndiꞌi saa ichí, ta nda iin naꞌa küchiñu kindaa ya kúsini ndo.

San Juan 17:13

’Sundi vitin ta ndiko koo i xaa i nuu un, tá íyo ka i ñuu ivi yóꞌó xiꞌin na, ta ndítuꞌun i tuꞌun yóꞌó xiꞌin na ya ná kuni soꞌo na, ta kusini ni na tá kuꞌva kúsini ni yo.

Los Hechos 10:41

Ta süvi ndiꞌi na ndi̱situvi Ndioxi ra nuu. Ndisaa nuu ndeꞌe nda ndi̱kaxin Ndioxi kuu testigo, ku nde si̱tuvi ra nuu chi ndeꞌe ku nde xi̱xi xiꞌin Jesús tá ndi̱taku ra.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

El Apocalipsis 14:3

Naꞌa, na kuaꞌa ni ikán ku nda taa nda ndíta nuu íyo tai toꞌo nuu íyo Ndioxi, xíta nda iin yaa i̱í xa̱á. Saa íyo kumi saa ya táku ikán xiꞌin oko kumi saa na xikuaꞌa nuu íyo tai toꞌo ikán, ta xíni soꞌo na yaa ya xíta nda ikán. Ta nda iin ka naꞌa köo xíni kata yaa i̱í xíta nda ikán. Ndisaa nda kúu iin ciento uvi xiko kumi mil ikán ku nda xíni kata ya. Ndioxi si̱kaku ra nda ikán tañu naꞌa, na väꞌa íyo ñuu ivi yóꞌó.

El Apocalipsis 7:17

Saa chi Levo loꞌo kiti índuꞌu maꞌñu nuu ndíchi tai toꞌo ku ri kundaa na tá kuꞌva ndáa iin ra taa levo sana ra saa kundaa ri na. Ta kundaka ri na kuꞌun na koꞌo na tikuii, chi tikuii ikán taxi rá kutaku na. Ta Ndioxi ndiyakun ra ndiꞌi tikuii nuu na xaꞌa ya xáku ni na, chi sindiꞌi ra ya kúsuchi ni ini na.