San Mateo 26:18 - Xochapa Mixteco

¹⁸ Saa ndi̱kuiin ra, káꞌan ra xiꞌin nda, káchi ra saa: ―Kuáꞌan ndo ñuu Jerusalén ta ikán kuni ndo iin taa, ta kaꞌan ndo xiꞌin ra, kachi ndo saa: “Káꞌan ra Maestro, ya xa ti̱ndaa yati ni kivi nuu sixinu ra chiñu chee ni. Ta veꞌe un yóꞌó kua kúni ra kuxini ra viko pascua xiꞌin ndeꞌe ítaꞌan xiꞌin ra”, kachi ndo xiꞌin ra ―káchi Jesús xiꞌin nda.

San Mateo 26:18 Mawu Ofanana

San Mateo 21:3

Tá ndi̱taꞌan ndo naꞌa káꞌan na xiꞌin ndo: “¿Ndachu ndáxin ndo ri?” káchi na xiꞌin ndo. Saa ndikuiin ndo kaꞌan ndo xiꞌin na: “Tata yo, ra chee nuu yo xíniñuꞌu ri, tá ndi̱ꞌi xi̱niñuꞌu ra ri ta kama ni sindiko koo ra ri ndaꞌa ndo”, kachi ndo xiꞌin na ―káchi Jesús xiꞌin nda.

San Mateo 23:10

Ta täxi ndo kaꞌan naꞌa xiꞌin ndo “ra Káꞌnu” saa chi iindaa Cristo ku ra Kaꞌnu nuu ndo.

San Mateo 23:8

’Sundi ndóꞌo̱ ta ïkan ndo saa, täxi ndo kaꞌan naꞌa xiꞌin ndo “maestro”, saa chi iindaa Cristo ku maestro nuu ndo, ta ndiꞌi ndo ta iin káchi íin ndo nuu taꞌan ndo.

San Mateo 26:19

Saa ke̱e nda kuaꞌan nda xaa súvi nda kuxini ra xiꞌin nda, tá íyo ya ndi̱kaꞌan ra xiꞌin nda, saa íyo ya i̱kan nda.

San Mateo 26:2

―Xíni ndo soo uvi kivi kúmani, saa kana viko pascua. Saa nditaxi na yeꞌe, Taa ra xa̱a ñuu ivi yóꞌó, nditaxi na yeꞌe ndaꞌa naꞌa, na sáa ini xíni yeꞌe, ta na ikán chinuu yeꞌe ndaꞌa cruzin nuu kuvi i ―káchi Jesús xiꞌin nda ítaꞌan xiꞌin ra.

San Mateo 26:49

Saa ku̱yati ra nuu Jesús, ta ndi̱kaꞌan ra xiꞌin ra, káchi ra saa: ―Kuaꞌa un, Tata Maestro ―káchi ra. Ta chu̱tu ra nuu Jesús.

San Marcos 5:35

Saa káꞌan ka ra xiꞌin yá, ta ndi̱xaa na ke̱e veꞌe ra Jairo, káꞌan na xiꞌin ra, káchi na saa: ―Tata, xa ndi̱xiꞌi va seꞌe un, köo xíniñuꞌu ka un sindiꞌi un ini Tata Maestro ñaa ―káchi na xiꞌin ra.

San Lucas 22:53

Ndiꞌi saa kivi ndi̱xiyo i xiꞌin ndo veꞌe ñuꞌu ta köo ya ndikan ndo xiꞌin i. Sundi vitin ti̱ndaa hora ya taxi Ndioxi ikan ndo ya kúni mií ndo, chi kiti nǎꞌa kaꞌnda chiñu nuu ndóꞌo̱ ñuu ivi yóꞌó tiempo vitin ―káchi Jesús xiꞌin nda.

San Juan 11:28

Sindiꞌi tá ndi̱kaꞌan yá saa, ta ndi̱xaꞌan yá ka̱na yá kuꞌvi yá, yá María ndi̱kaꞌan sěꞌe yá xiꞌin yá, káchi yá saa: ―Xa̱a ra Maestro yóꞌó, ta ndúku ra yóꞌo̱ ―káchi yá xiꞌin yá.

San Juan 12:23

Saa ndi̱kuiin Jesús káchi ra saa: ―Xa yati ni ti̱ndaa kivi ya xaa súvi i chiñu chee ni nuu xaa kaꞌnu ni Ndioxi yeꞌe Taa ra xa̱a ñuu ivi yóꞌó.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 17:1

Tá sindiꞌi Jesús ndi̱kaꞌan ra tuꞌun ikán, saa nda̱niꞌi nuu ra ndi̱koto ra nuu ndivi, ta saa ndi̱kaꞌan ra xiꞌin Ndioxi káchi ra saa: ―Tata Iva i Ndioxi, vitin ti̱ndaa kivi ya xaa kaꞌnu un yeꞌe kúu Seꞌe un, ta saa yeꞌe xaa kaꞌnu ni i yóꞌo̱.

San Juan 20:16

Saa ndi̱kuiin Jesús ndi̱kaꞌan ra xiꞌin yá, káchi ra saa: ―¡María! ―káchi ra. Saa ndi̱koto yá nuu ra, ta ndi̱kuni yá ra, saa ndi̱kaꞌan yá xiꞌin ra: ―¡Raboni! ―káchi yá. (Chi tuꞌun Raboni ku tuꞌun ya káꞌan mií na judío, ta kúni kachi ya Maestro.)

San Juan 7:30

Ta saa ku̱ni na tiin na ra chikaa na veꞌe kàà, sundi nda iin na köo ndi̱tiin ñaꞌa chi täꞌan tindaa kivi ya chi̱tuni Ndioxi.

San Juan 7:6

Saa ndi̱kaꞌan Jesús xiꞌin nda, káchi ra saa: ―Täꞌan vi tindaa kivi kuꞌun i, sundi ndóꞌo̱ ta ndá kivi ndikuu ta ya vaꞌa ku ndiꞌi va ya nuu ndo.

San Juan 7:8

Kuáꞌan mií ndo viko, küꞌun vi yeꞌe chi täꞌan tindaa kivi kuꞌun i ―káchi ra xiꞌin nda ñani ra.