San Mateo 26:13 - Xochapa Mixteco

¹³ Ya ndixa káꞌan i xiꞌin ndo, ndiꞌi ni kúu nuu ndíkani na tuꞌun vaꞌa xaꞌa i, ta ndituꞌun na xaꞌa ya vaꞌa i̱kan yá xiꞌin i, ya ná ndikaꞌán ini na xaꞌa ya i̱kan yá xiꞌin i ―káchi Jesús xiꞌin nda.

San Mateo 26:13 Mawu Ofanana

San Mateo 24:14

Ta na ndíkun yeꞌe kuꞌun na ndiꞌi ni kúu ñuu ivi kaꞌan ndoso na xiꞌin ndiꞌi naꞌa xaꞌa ichí nuu xáꞌnda chiñu Ndioxi ya ná kundaa ini na xaꞌa tuꞌun vaꞌa xaꞌa i. Tá ná kuu saa, ta saa kua ndiꞌi xaꞌa ñuu ivi yóꞌó.

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Marcos 13:10

Chi ndiꞌi ni kúu na ñuu ivi xíniñuꞌu kundaa ini xaꞌa tuꞌun vaꞌa xaꞌa i, saa kua ndiꞌi xaꞌa ñuu ivi yóꞌó.

San Marcos 14:9

Ta ndixa káꞌan i xiꞌin ndo, ndiꞌi kúu ñuu ivi nuu káꞌan ndoso na tuꞌun vaꞌa xaꞌa i, ta kaꞌan tu na xaꞌa ya vaꞌa i̱kan yá yóꞌó va xiꞌin i. Ta saa ndikaꞌán ini ndiꞌi kúu na xaꞌa ya i̱kan yá ―káchi Jesús.

San Marcos 16:15

Saa ndi̱kaꞌan ra xiꞌin nda, káchi ra saa: ―Kuáꞌan ndo ndiꞌi ni kúu xaꞌa ñuu ivi, ta kaꞌan ndoso ndo tuꞌun vaꞌa xaꞌa i xiꞌin ndiꞌi ni kúu naꞌa.

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

Los Hechos 10:4

Saa ndi̱koto ra nuu tatun ikán, íꞌvi ka vi ra. Saa ndi̱kaꞌan ra, káchi ra saa: ―¿Unkua kúni un, Tata? ―káchi ra. Saa ndi̱kuiin tatun ikán káꞌan ya xiꞌin ra: ―Xi̱ni soꞌo ndiꞌi Ndioxi ya ndi̱kaꞌan un xiꞌin ra ta xi̱ni tu ra ya vaꞌa íkan un xiꞌin na ndaꞌvi va.

ROMANOS 10:18

Sundi yeꞌe, ndákan tuꞌun i mií i, káchi i, ¿án sana köo ndi̱xini soꞌo na Israel tuꞌun Ndioxi? káchi i. ¡Ta süvi saa íyo ya! Chi xa xi̱ni soꞌo va na ya. Saa chi iin ñaꞌñu nuu tuꞌun Ndioxi ya ta̱a na xinaꞌa, káchi ya saa: Xa ndi̱xita niꞌnu ndiꞌi tuꞌun Ndioxi nuu na ñuu ivi, xa ndi̱xaa tuꞌun ra ndiꞌi ni kúu xaꞌa ñuu ivi, káchi ya.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

2 Corintios 10:18

Saa chi naꞌa, na ndee ni ndáa yaꞌvi nuu Ndioxi ku naꞌa, na chínuu vaꞌa ni mií ra tuꞌun xaꞌa. Ta köo ndáa yaꞌvi ya káꞌan vaꞌa ni na xaꞌa mií na nuu ra.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

Colosenses 1:6

Ta tuꞌun yóꞌó kua xa ndi̱xaa nuu ndo, ta xa kuaꞌa ni naꞌa kúndaa ini xaꞌa ya ndiꞌi ni kúu ñaꞌñu. Ta vaꞌa ni íkan ya xiꞌin na chi ndísama ya na, saa ndúkuaꞌa ka na kúndaa ini xaꞌa ya. Ta saa tu ndóꞌo̱ va, nda tá xi̱ni soꞌo ndo ya, saa ku̱ndaa ini ndo xaꞌa ya ndaa, ya ndee ni kúꞌvi ini Ndioxi xíni ra ndóꞌo̱.

1 Timoteo 2:6

Saa ta̱xi ra mií ra ndi̱xiꞌi ra xaꞌa kuachi ndiꞌi yo. Ta xaꞌa ya i̱kan ra saa kua cha̱ꞌvi ra xaꞌa yo, ya vaꞌa ku̱chiñu yo ndi̱saña ndika yo nuu kuachi yo. Ta ya yóꞌó ku tuꞌun vaꞌa ya ta̱xi Iva yo Ndioxi ndaꞌa na ñuu ivi yóꞌó, tá kivi chi̱tuni mií ra.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

El Apocalipsis 14:6

Saa xi̱ni i inka tatun Ndioxi ndáchi ya xíka ya nuu ndivi. Ta káꞌan ndoso tatun ikán tuꞌun vaꞌa xiꞌin na ndóo ndiꞌi saa kúu xaꞌa ñuu ivi tin na ndóo ñuu vali xiꞌin na ndóo ñuu naꞌnu xiꞌin na káꞌan ndiꞌi ni kúu nuu tuꞌun.