San Mateo 26:11 - Xochapa Mixteco

¹¹ Ndiꞌi saa ichí koo na ndaꞌvi xiꞌin ndo, sundi yeꞌe, ta süvi ndiꞌi saa ichí koo i xiꞌin ndo.

San Mateo 26:11 Mawu Ofanana

San Mateo 18:20

Saa chi nuu ndíkitaꞌan uvi ndo, án uni ndo tixin kivi yeꞌe, ta ikán íyo i xiꞌin ndo ―káchi Jesús.

San Mateo 26:10

Saa kundaa ini Jesús ya káꞌan nda, ta ndi̱kaꞌan ra xiꞌin nda, káchi ra saa: ―¿Ndachu káꞌan ndo saa xaꞌa yá? Ya vaꞌa i̱kan yá xiꞌin i.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Marcos 14:7

Na ndaꞌvi ta ndiꞌi saa kivi koo na xiꞌin ndo, ta kuchiñu ndo chindee ndo na ndá kivi kúni mií ndo, sundi yeꞌe, ta süvi ndiꞌi saa kivi koo i xiꞌin ndo.

San Juan 12:8

Chi na ndaꞌvi ta ndiꞌi saa kivi koo na xiꞌin ndo. Sundi yeꞌe, ta süvi ndiꞌi saa kivi koo i xiꞌin ndo ―káchi Jesús xiꞌin ra.

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.

San Juan 14:19

Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

San Juan 16:28

Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 16:5

Sundi vitin ta ndiko koo i kuꞌun i nuu ra ti̱ꞌvi yeꞌe vaxi i, ta nda iin ndo köo ndákan tuꞌun yeꞌe míí chí kuꞌun i.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

Los Hechos 3:21

Sundi vitin ta xíniñuꞌu Jesús koo ra nuu ndivi nda kivi ná xaa vií Ndioxi ñuu ivi yóꞌó. Nduxaa ya kindoo vaꞌa ndiꞌi ñaꞌa. Nduu ya tá ndi̱xiyo ya núnu̱ú tá täꞌan kiꞌvi kuachi ñuu ivi yóꞌó. Tá íyo ya ndi̱kaꞌan Ndioxi tixin ndiꞌi nda i̱í, nda ndi̱kaꞌan ndoso tuꞌun yuꞌu ra xinaꞌa, saa koo ya ikan ra.

Gálatas 2:10

Ta iindaa ñaꞌa ya ndu̱ku nda nuu nde kua: ya ná ndïndoso ini nde xaꞌa naꞌa, na ndaꞌvi, káchi nda xiꞌin i. Ta chiñu ikán kua ndee ni ndíꞌi ini nde xáa súvi nde vitin.

1 Juan 3:17

Tá ndá yo íyo ñaꞌa nuu, ta xíto yo na taꞌan yo köo ñaꞌa na, saa ndíkasi yo nima yo nuu na, köo xíin yo chindee yo na, ta ya yóꞌó kúni kachi ya: Köo kúꞌvi ini yo xíni yo Ndioxi.