San Mateo 25:6 - Xochapa Mixteco

⁶ Sava ñuu xi̱ni soꞌo uxi saa ná síso ní naꞌa, káꞌan na: “¡Xa vaxi ra tíndaꞌa! ¡Kana koo ndo ndikiꞌin ndo ra!”, káchi na.

San Mateo 25:6 Mawu Ofanana

San Mateo 24:31

Saa tiꞌvi i na tatun Ndioxi ta ndee ni ndaꞌi na xiꞌin trompeta tivi na kuꞌun na ndikaya na ndiꞌi na ndi̱kaxin i ya kundikun na ichí i. Ta ndiꞌi ni kúu xaꞌa ñuu ivi kana koo na, xaa na nuu i.

San Mateo 24:44

Saa ndóꞌo̱, xíniñuꞌu ndo koo tuꞌva ndo, saa chi iin kuu soꞌva ndiko koo Yeꞌe, Taa ra xa̱a ñuu ivi yóꞌó ―káchi Jesús xiꞌin na.

San Mateo 25:1

Saa ndi̱kaꞌan Jesús, káchi ra saa: ―Ná ndituꞌun i xiꞌin ndo ndá kuꞌva koo tá ná kaꞌnda chiñu Ndioxi ñuu ivi yóꞌó. Saa ndo̱ꞌo uxi ná kuâán vali ná kuaꞌan nuu viko tíndaꞌa. Uxi saa ná níꞌi ñu̱ꞌu̱ túun ná kuaꞌan ná ndikiꞌin ná ra tíndaꞌa.

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Mateo 25:5

Saa ndóo ná ndátun ni ná mií ra tíndaꞌa ikán, ta köo ndi̱xaa kama ra, ñaa ndi̱naa ini ná ndi̱kixi ná.

San Mateo 25:7

Saa ndi̱koo uxi saa ná, xa̱á ná xáa súvi ná ñu̱ꞌu̱ ná, ya ndikiꞌin ná ra.

San Lucas 12:20

Ta saa ndi̱kaꞌan Ndioxi xiꞌin ra, káchi ra saa: “Yóꞌo̱ kíꞌvi ku yóꞌo̱, ñûu vitin kuvi un, ta ndiꞌi ñaꞌa ya kúu mií un ya vaꞌa inka va na koo ya”, káchi Ndioxi xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 12:46

Ta ni köo xíka ini ra ya ndiko koo yachi xitoꞌo ra. Tá ná ndikoo koo xitoꞌo ra, ta xaa nduvaꞌa ni ra xiꞌin ra. Tava ñaꞌa ra kuꞌun ra xiꞌin na väꞌa, na köo ndaa ini.

1 Tesalonicenses 4:16

Saa chi kivi tá ná ndiko koo ra kixi ra nuu ndivi, ta yáꞌa ni ndee kaꞌan ra xaꞌa ya kúu mií ra ichí xáꞌnda chiñu ra. Saa ndee ni tu kaꞌan iin mií tatun Ndioxi ya ínuu nuu ndiꞌi na tatun ra, ndee ni tivi ya itun trompeta Ndioxi tá ná ndiko koo Tata yo Jesucristo. Ta xiꞌna naꞌa, na ka̱ndixa ra ku na nditaku.

2 Pedro 3:10

Sundi tá xa ná ndiko koo Tata yo Jesucristo, ta iin kuu soꞌva va ndiko koo ra, tá kuꞌva íkan ra kuiꞌna kuakiꞌvi veꞌe na, saa koo ná ndiko koo ra, chi nda iin na kündaa ini ndá kivi kua ndiko koo ra, yáꞌa ni ìyo niꞌi, saa ndiꞌi xaꞌa ndivi xiꞌin ñu̱ꞌu̱ koko ndiꞌi ya. Saa tu ñuu ivi yóꞌó xiꞌin ndiꞌi ñaꞌa kúu mií ya, iin kuꞌva saa ndiꞌi xaꞌa yaa ya.

El Apocalipsis 16:15

Xaꞌa ya ikán kua xíniñuꞌu ndi̱kaꞌán ini ndo xaꞌa tuꞌun ya ndi̱kaꞌan Tata yo Jesucristo xiꞌin na ndíkun sata ra, káchi ra saa: ―¡Koto ndo vii! Tá íkan iin ra kuiꞌna, kivi köo ndátun ndo ra. Saa koo kivi ndiko koo i ñuu ivi. Ta naꞌa na ndíto koo tuꞌva na ndikiꞌin na yeꞌe, ta taxi Ndioxi ya ndixa kusini na ikán. Ta naꞌa na ndíto, xíniñuꞌu koo tuꞌva tikoto na ya kundixi na, ya ná kükaꞌan nuu na íyo chála na kivi ndiko koo i ―káchi Tata yo Jesucristo ndi̱kaꞌan ra.