San Mateo 25:4 - Xochapa Mixteco

⁴ Ta ná xa íyo ndúvi ikán ta ndíso síin ka ná ceite kuaꞌan xiꞌin ná.

San Mateo 25:4 Mawu Ofanana

San Mateo 10:16

Tiꞌvi i ndóꞌo̱ kuꞌun ndo ndikani ndo tuꞌun Ndioxi nuu naꞌa, ta ìyo ni kuꞌun ndo, nda tá ìyo kuaꞌan levo ñaꞌñu nuu íyo ni kiti ndivaꞌi, saa ìyo kuꞌun ndo tañu naꞌa. Tá kuꞌva íkan kiti ko̱ó, saa koo ndo, ndíchi vaꞌa koo ndo, saa tu tá kuꞌva íin kiti paloma köo kueꞌe ri, kuꞌva saa koo ndo.

San Mateo 25:2

Ta uꞌun ná ikán ta xa íyo ndúvi ná, ta inka uꞌun ná ikán ta ni köo íyo ndúvi ná.

San Mateo 25:3

Ta uꞌun saa ná köo íyo ndúvi ikán, vani níꞌi ná ñu̱ꞌu̱ túun ná kuaꞌan ná, ta köo ndíso tuꞌva ka ná ceite kuaꞌan xiꞌin ná ya sikuiso ná lámpara ná.

San Mateo 25:5

Saa ndóo ná ndátun ni ná mií ra tíndaꞌa ikán, ta köo ndi̱xaa kama ra, ñaa ndi̱naa ini ná ndi̱kixi ná.

San Mateo 7:24

Saa ndi̱kaꞌan tuku Jesús xiꞌin na, káchi ra saa: ―Ná ndituꞌun i xiꞌin ndo ndá kuꞌva íin na xíni soꞌo tuꞌun káꞌan i, nda tá káa iin taa ra ndíchi xiní, ra si̱kuaꞌa veꞌe sata kava yu̱ú teꞌe ni, saa íin na.

San Juan 3:34

Saa chi ra ti̱ꞌvi Ndioxi vaxi ñuu ivi yóꞌó, ta káꞌan ra tuꞌun Ndioxi, chi Ndioxi ta köo táxi loloꞌo ra ndee Tachi I̱í ra ndaꞌa na, iin táxi ndiꞌi ra ya ndaꞌa na.

ROMANOS 8:9

Ta ndóꞌo̱, köo ndíkun ndo ichí ya kúni mií ndo. Chi tá kuꞌva kúni mií Tachi I̱í Ndioxi saa íkan ndo, saa chi íyo Tachi I̱í ra xiꞌin ndo. Ta naꞌa na köo kúu mií Tachi Jesucristo, ta süvi seꞌe ra ku na.

2 Corintios 1:22

Saa chi̱nuu ra tuni ra mií yo ta ya yóꞌó kúu Tachi I̱í ra ya ta̱xi ra ndaꞌa yo íyo xiꞌin yo. Ya yóꞌó kua xiꞌna ta̱xi ra ndaꞌa yo chi kúni ra ná kundaa ini yo ya ndixa kua sixinu ra ya ndi̱kaꞌan ra taxi ra ndaꞌa yo.

1 Juan 2:20

Sundi ndóꞌo̱ ta ta̱xi Tata yo Jesucristo Tachi I̱í ra ndaꞌa ndo, ta xa xíni ndiꞌi ndo ya ndaa.

1 Juan 2:27

Sundi ndóꞌo̱ ta xa kúu mií ndo Tachi I̱í Ndioxi ya ta̱xi Tata yo Jesucristo ndaꞌa ndo. Ta köo xíniñuꞌu sinaꞌa inka naꞌa ndóꞌo̱, chi Tachi I̱í mií Ndioxi sínaꞌa ndóꞌo̱ xaꞌa ndiꞌi ni kúu ñaꞌa. Ta ya sínaꞌa Tachi ra ku ya ndaa, süvi ya vata kua káꞌan Tachi ra xiꞌin ndo. Ta ndinuꞌu ni ini ndo kundikun vaꞌa ka ndo Tata yo Jesucristo tá kuꞌva sínaꞌa Tachi I̱í Ndioxi ndóꞌo̱.

Judas 1:19

Ta nda káꞌan i xaꞌa xiꞌin ndo ku nda, táva kuachi xiꞌin ndo ta taꞌvi taꞌan ndo, ta ndisaa ya kútoo mií ikin kuñu nda kua íkan nda, ta köo Tachi Ndioxi íyo xiꞌin nda.