San Mateo 24:5 - Xochapa Mixteco

⁵ Saa chi kuaꞌa ni nda taa kixi ta kaꞌan nda xiꞌin ndo: “Yeꞌe ku Cristo, taa ra ti̱ꞌvi Ndioxi sikaku na ñuu ivi yóꞌó”, kachi nda xiꞌin ndo, ta kuaꞌa ni naꞌa sindaꞌvi nda.

San Mateo 24:5 Mawu Ofanana

San Mateo 24:11

Ta kuaꞌa ni nda profeta vata kana koo, saa sindaꞌvi ni nda naꞌa.

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Juan 5:43

Iva i Ndioxi ku ra ti̱ꞌvi yeꞌe vaxi i ñuu ivi yóꞌó, ta ndóꞌo̱ köo xíin ndo kandixa ndo yeꞌe. Sundi tá tu inka ra ná kixi tixin ndee mií ra, ta kandixa va ndo ra ikán.

San Juan 8:24

Xaꞌa ya ñaa kua ndi̱kaꞌan i xiꞌin ndo, kuvi ndo xaꞌa kuachi ndo, chi tá tu köo xíin ndo kandixa ndo yeꞌe, ya kúu i taa, ra ndi̱kaꞌan i xiꞌin ndo ku i, ta kuvi ndo xaꞌa kuachi ndo ―káchi ra xiꞌin nda.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

1 Juan 2:18

Ndóꞌo̱ kándixa Tata yo Jesucristo ta tá íin seꞌe i saa íin ndo. Xaꞌa ya ñaa kua káꞌan i xiꞌin ndo, xa kuaꞌan kúyati ni ndiꞌi xaꞌa ñuu ivi yóꞌó. Ta xa xi̱ni soꞌo ndo vaxi iin ra sáa ini xíni Tata yo Jesucristo. Saa ni xa íyo kuaꞌa ni naꞌa, na íkan saa. Ta xaꞌa ya ñaa kua kúndaa ini yo xa kuaꞌan kúyati ni ndiꞌi xaꞌa ñuu ivi.

1 Juan 2:22

Ta ¿án xíni ndo unku na vata? Vaꞌa ná kundaa ini ndo xaꞌa na, na káꞌan ya köo kúu Tata yo Jesucristo taa ra ti̱ꞌvi Iva yo Ndioxi ki̱xi sikaku yo ñuu ivi ku na vata. Na ikán ku na kánitaꞌan xiꞌin ra, ta ndíkuaa na Iva yo Ndioxi xiꞌin Tata yo Jesucristo ra kúu Seꞌe ra.

1 Juan 4:3

Sundi na köo ndíkuni ra ya ndu̱u ra tá íin mií yo ivi yóꞌó, ta na ñaa ta süvi Tachi Ndioxi kúu mií na. Tachi na sáa ini xíni Cristo va kua kúu mií na. Ta xa xi̱ni soꞌo ndo xaꞌa na ñaa tá yachi, chi vitin ta xa íyo na ñuu ivi yóꞌó.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.