San Mateo 24:46 - Xochapa Mixteco

⁴⁶ Vaꞌa ni kee ra moso yóꞌó kivi tá ná ndiko koo xitoꞌo ra, ta kuni ra vaꞌa ni xáa chiñu ra.

San Mateo 24:46 Mawu Ofanana

San Mateo 24:45

Saa ndi̱kaꞌan tuku Jesús, káchi ra saa: ― Ná ndituꞌun i xiꞌin ndo unkua íkan iin ra xáa chiñu tatu, ra toꞌo ni. Xaꞌa ya vaꞌa ni xáa chiñu ra, ta ta̱xi xitoꞌo ra ichí ndaꞌa ra ndáa chiñu ra xiꞌin ndiꞌi na xáa chiñu nuu xitoꞌo ra, saa taxi ra kuxi na, tá ti̱ndaa hora kuxi na.

San Mateo 24:47

Ya ndaa káꞌan i xiꞌin ndo taxi ndiꞌi xitoꞌo ra chiñu ndaꞌa ra, ndikuiso chiñu ra xiꞌin ndiꞌi chiñu tin na xáa chiñu nuu xitoꞌo ra.

San Mateo 25:34

Ta yeꞌe, ra kúu rey kaꞌan i xiꞌin na ndóo ñaꞌñu kuáꞌá i, kachi i saa: “Naꞌa ndo, ndóꞌo̱ ku ndo niꞌi ya vaꞌa nuu Iva i Ndioxi. Naꞌa ndo kiꞌvi ndo nuu xáꞌnda chiñu ra, ya xa íyo ndúvi xaꞌa ndo nda tá täꞌan xikoo xaꞌa ñuu ivi yóꞌó.

San Lucas 12:37

Vaꞌa ni kee na moso na íkan saa, na köo kíxi, na ndátun ndakua xaa xitoꞌo na kani ndaꞌa ra yeꞌe, saa kuna na nuu ra ndiꞌvi ra. Saa tá ná kuni ra ndóo na ndátun ñaꞌa na, ta kusini ni ra xiꞌin na, nda xaa vií ra ñaꞌa kandita ra nuu mesa ra kuxi na.

San Lucas 12:43

’Ta vaꞌa ni kee ra moso ikán chi ná ndiko koo xitoꞌo ra, kuni ra xáa chiñu ni ra, ta kusini ni ra xiꞌin ra.

El Apocalipsis 16:15

Xaꞌa ya ikán kua xíniñuꞌu ndi̱kaꞌán ini ndo xaꞌa tuꞌun ya ndi̱kaꞌan Tata yo Jesucristo xiꞌin na ndíkun sata ra, káchi ra saa: ―¡Koto ndo vii! Tá íkan iin ra kuiꞌna, kivi köo ndátun ndo ra. Saa koo kivi ndiko koo i ñuu ivi. Ta naꞌa na ndíto koo tuꞌva na ndikiꞌin na yeꞌe, ta taxi Ndioxi ya ndixa kusini na ikán. Ta naꞌa na ndíto, xíniñuꞌu koo tuꞌva tikoto na ya kundixi na, ya ná kükaꞌan nuu na íyo chála na kivi ndiko koo i ―káchi Tata yo Jesucristo ndi̱kaꞌan ra.

El Apocalipsis 2:19

Xíni ndiꞌi va i ya vaꞌa íkan ndo, ta xíni i ya kúꞌvi ni ini ndo xíni ndo yeꞌe, saa xíni i ya kándixa ni ndo yeꞌe, ta vaꞌa ni xáa chiñu ndo nuu i, saa xíni i ya kúndee ni ini ndo xiꞌin ya tíxuꞌvi ndo, ta köo síndikoo ndo ichí i. Ta kuaꞌa ni ka ya vaꞌa íkan ndo vitin, nuu ya i̱kan ndo tá núnu̱ú.