San Mateo 24:35 - Xochapa Mixteco

³⁵ Ndiꞌi xaꞌa ndivi tin ñuꞌú yóꞌó, sundi tuꞌun i ta nda iin kivi ndïꞌi xaꞌa ya xinu ndiꞌi ya káꞌan ya.

San Mateo 24:35 Mawu Ofanana

San Mateo 5:18

Ya ndaa káꞌan i xiꞌin ndo, kivi íyo ka ndivi xiꞌin ñuu ivi yóꞌó, ta nda iin letra, ni iin punto loꞌo ndündaa nuu ley Ndioxi ya ta̱a ra Moisés. Xinu ndiꞌi ni kúu tuꞌun ra, nda iin ya ndïꞌi xaꞌa.

San Marcos 13:31

Chi vaxi kivi ta ndiꞌi xaꞌa ndivi xiꞌin ñuꞌú, sundi tuꞌun i ta nda iin ya ndïꞌi xaꞌa ―káchi Jesús.

San Lucas 21:33

Vaxi tiempo ta ndiꞌi xaꞌa ndiꞌi ñuu ivi yóꞌó tin ndivi, sundi tuꞌun i ta nda iin ya ndïꞌi xaꞌa, xinu ndiꞌi ya.

Tito 1:2

Chi yoo ta xa kúndaa teꞌe vaꞌa ini yo, ya ki̱ndoo ra xiꞌin yo taxi ra koo yo xiꞌin ra ndiꞌi saa ichí, ta köo ndi̱sindaꞌvi ra yoo chi nda tá täꞌan ka vi xikoo xaꞌa ñuu ivi kua ndi̱kaꞌan ra ikan ra saa xiꞌin yo.

1 Pedro 1:25

Sundi tuꞌun Ndioxi ta nda iin kivi ndïꞌi xaꞌa ya, ndiꞌi saa kivi kutaku ya. Ta tuꞌun vaꞌa yóꞌó kua xi̱ni soꞌo ndo xaꞌa Tata yo Jesucristo.

El Apocalipsis 20:11

Saa xi̱ni i tai i̱í itun toꞌo, itun yaa ku nu, ta índuꞌu Ndioxi nuu itun tai ikán. Saa xi̱nu ñuu ivi yóꞌó xiꞌin ndivi, xi̱nu ya kuaꞌan xika ya nuu Ndioxi, nda iin ka naꞌa köo ndi̱xini ka ya, ni köo ka náꞌa nuu ndi̱xiyo ya.

El Apocalipsis 3:14

Saa ndi̱kaꞌan tuku ra xiꞌin i, káchi ra saa: ―Taa un tutu yóꞌó kuꞌun ya ndaꞌa tatun Ndioxi ya ndáa naꞌa, na kándixa yeꞌe nuu ndíkitaꞌan na xáa kaꞌnu na yeꞌe ñuu Laodicea: “Ya yóꞌó kua káꞌan yeꞌe, ra kúu Amén. Ndee ni ndíkuiin i xaꞌa ya i̱kan Ndioxi, ra ndaa ni. Ta yeꞌe ku ra ndi̱xiyo núnu̱ú tá sikan xa̱á xi̱koo xaꞌa ñuu ivi ya si̱kuaꞌa Ndioxi.

El Apocalipsis 6:14

Ta nuu ndivi ta xa̱á ya sûví ya, tá kuꞌva súví naꞌa iin tutu, saa xa̱á kúu ya. Ta ndiꞌi xiki naꞌnu xiꞌin ñuꞌú íchi ya ñúꞌu maꞌñu nduta ñûꞌu, iin ndi̱nama ndiꞌi ya nuu ndi̱xiyo ya.