San Mateo 24:3 - Xochapa Mixteco

³ Saa ke̱e nda kuaꞌan nda iku Olivo, ñaa ndi̱kunduꞌu Jesús xiki ikán, ta ku̱yati nda ítaꞌan xiꞌin ra nuu ra káꞌan sěꞌe nda xiꞌin ra, káchi nda saa: ―Tata, kúni nde kaꞌan un xiꞌin nde maa kua kuu saa. ¿Ta ndá seña kua koo tá ná ndiko koo un tin tá ná ndiꞌi xaꞌa ñuu ivi? ―káchi nda xiꞌin ra.

San Mateo 24:3 Mawu Ofanana

San Mateo 13:36

Saa nda̱i Jesús naꞌa, ñaa ndi̱kiꞌvi ra ini veꞌe. Saa ku̱yati nda ítaꞌan xiꞌin ra nuu ra, ta ndi̱kaꞌan nda xiꞌin ra, káchi nda saa: ―Tata, ndikani loꞌo un nuu nde unkua kúni kaꞌan tuꞌun ndíchi ya káꞌan xaꞌa iku väꞌa ―káchi nda xiꞌin ra.

San Mateo 13:49

Saa kuu tá ná ndiꞌi xaꞌa ñuu ivi, kana koo na tatun Ndioxi ndikaxin na naꞌa, na väꞌa, tava ñaꞌa na tañu na vaꞌa.

San Mateo 15:12

Saa ku̱yati nda ítaꞌan xiꞌin ra nuu ra, ndi̱kaꞌan nda xiꞌin ra: ―¿Án ku̱ndaa ini un ndi̱saa ni nda fariseo xaꞌa tuꞌun ya ndi̱kaꞌan un xiꞌin nda? ―káchi nda xiꞌin Jesús.

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 16:28

Ya ndaa káꞌan i xiꞌin ndo, sava ndo ndóo yóꞌó vitin, ta kutaku ka ndo nda kivi tá ná ndiko koo yeꞌe, Taa ra xa̱a ñuu ivi yóꞌó, ndiko koo i ya kaꞌnda chiñu i ―káchi Jesús.

San Mateo 17:19

Saa ku̱yati nda ítaꞌan xiꞌin Jesús nuu ra, ñaa ndi̱kaꞌan sěꞌe nda xiꞌin ra, káchi nda: ―¿Ndachu köo ndíkuchiñu nde tava nde tachi nduvaꞌa kúu mií ra? ―káchi nda xiꞌin ra.

San Mateo 21:1

Tá xa kuaꞌan kúyati nda xaa nda ñuu Jerusalén, saa ndi̱xaa nda ñuu Betfagé nuu xiki náni itun Olivo. Saa ndi̱kaꞌan Jesús xiꞌin uvi nda ítaꞌan xiꞌin ra,

San Mateo 24:27

Tá ná ndiko koo yeꞌe Taa ra xa̱a ñuu ivi yóꞌó, ta tá kuꞌva ndíyeꞌe taxan nuu ndivi iin ndíyeꞌe ndaa yaa nuu kéta ñu̱ꞌù iin saa nda nuu kěta ya, saa kuu kivi tá ná ndiko koo i, ndiꞌi ni kúu naꞌa kuni ndiko koo i.

San Mateo 24:30

Ta ndiꞌi naꞌa kuni na koo seña nuu ndivi ya ndiko koo yeꞌe, Taa ra xa̱a ñuu ivi yóꞌó, saa kuaku ni na ñuu ivi yóꞌó, kusuchi ni ini na. Ta ndiꞌi naꞌa kuni na yeꞌe kixi i xiꞌin viko, kixi i xiꞌin ndee chee ni xiꞌin ndiꞌi ya yéꞌe̱ ni.

San Mateo 24:37

’Tá kuꞌva i̱kan naꞌa kivi xi̱taku ra Noé, saa ikan na kivi tá ná ndiko koo i ñuu ivi yóꞌó.

San Mateo 24:39

Ta köo ndi̱kundaa ini na unkua kundoꞌo na, nda kivi tá xa̱á kúun kini ni savi íꞌná, ñaa ta̱ni na ta ndi̱kaꞌan ndaa na xiꞌin tikuii ndi̱xiꞌi ndiꞌi na. Tá ndo̱ꞌo na ikán saa kundoꞌo na ndóo vitin chi köo íyo nduvi na kivi tá ná ndiko koo yeꞌe, Taa ra xa̱a ñuu ivi yóꞌó.

San Mateo 24:43

Ta kuñuꞌu vaꞌa ini ndo ya yóꞌó: Iin taa, tá xíni ra maa kua kiꞌvi na kuiꞌna sikuiꞌna na ñaꞌa veꞌe ra, ta ni küsun ra, koo ra kundaa ra veꞌe ra.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Lucas 21:7

Saa ndi̱ndakan tuꞌun sava na ra, káchi na saa: ―Tata Maestro, ¿maa kua kuu saa? ¿Unku ya koo seña kuni nde tá xa ku̱yati ti̱ndaa tiempo ndiꞌi xaꞌa veꞌe ñuꞌu yóꞌó? ―káchi na xiꞌin ra.

Los Hechos 1:7

Saa ndi̱kuiin ra káchi ra saa: ―Ndóꞌo̱ ta köo xíniñuꞌu ndo kundaa ini ndo maa án ndá kivi kua xaa súvi Iva i Ndioxi ya chi̱tuni ra ikan ra, iindaa mií ra xíni unkua íkan ra.

HEBREOS 9:26

Tá ndi̱kan Jesucristo tá kuꞌva i̱kan nda sutu ikán tá nuu kuiya, ta nda tá xa̱á xi̱koo ñuu ivi yóꞌó vi xíniñuꞌu ra kuvi ra kuaꞌa ni ichí, ndikuu. Sundi tiempo ya ku̱yati ndiꞌi xaꞌa ñuu ivi ndóo yo vitin kua ki̱xi ra, ta iindaa va ichí ndi̱taxi ra mií ra ndisoko ra mií ra xaꞌa yo, ta ya i̱kan ra saa ndi̱taxi ra mií ra ndaꞌa Ndioxi yakan si̱ndiꞌi xaꞌa ra kuachi yo.