San Mateo 23:34 - Xochapa Mixteco

³⁴ Saa káꞌan i xiꞌin ndo, chi yeꞌe ta tiꞌvi i nda profeta nda kaꞌan ndoso tuꞌun i, saa tiꞌvi tu i nda ndíchi, xiꞌin nda sinaꞌa tuꞌun i kaꞌan nda xiꞌin ndo. Ta ndóꞌo̱ kaꞌni ndo sava nda ikán, ta inka nda katikaa ndo ndaꞌa cruzin kuvi nda. Ta sava nda xaa nduvaꞌa ni ndo xiꞌin kani ni ndo nda ini veꞌe ñuꞌu sinagoga, ta sava nda kundikun ndo sata nda xaa nduvaꞌa ndo xiꞌin nda tá iin tá iin ñuu.

San Mateo 23:34 Mawu Ofanana

San Mateo 10:23

Tá sítixuꞌvi na ndóꞌo̱ iin ñuu, ta kana koo ndo kuꞌun ndo inka ñuu. Ya ndixa káꞌan i xiꞌin ndo, täꞌan ka vi sindiꞌi ndo ndikani ndo tuꞌun Ndioxi nuu ndiꞌi na ñuu Israel ta yeꞌe, Taa ra xa̱a ñuu ivi yóꞌó ta xa ndiko koo tuku va i ñuu ivi yóꞌó.

San Mateo 13:52

Saa ndi̱kaꞌan ka Jesús xiꞌin nda, káchi ra saa: ―Tá kúu sava nda sínaꞌa ley Ndioxi ya ta̱a ra Moisés, ndíkundikun nda ichí nuu xáꞌnda chiñu Ndioxi, ta nda tá káa iin taa xiꞌin veꞌe ra nuu chivaꞌa ra ñaꞌa yata ra xiꞌin ñaꞌa xa̱á ra, saa íyo nda. Saa chi nda ikán, ta kúchiñu nda táva nda ya kuika yata ya xa xíni nda xiꞌin ya kuika xa̱á ―káchi ra xiꞌin nda.

San Mateo 23:31

Ta xaꞌa ya káꞌan ndo saa, ta ndíkuni ndo ya kúu ndo seꞌe ñani sikua na xa̱ꞌni nda profeta ikán.

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

San Juan 16:2

Chi vaxi kivi ta tava ndaꞌa na chiñu naꞌnu nuu na judío ndóꞌo̱ ini veꞌe ñuꞌu sinagoga. Ta saa ni kuni na kaꞌni na ndóꞌo̱, saa chi tá íkan na saa xiꞌin ndo ta vaꞌa ni xáa súvi na ya kúni Ndioxi, kaꞌán na.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 11:27

Tá íyo ra Bernabé xiꞌin ra Saulo ñuu Antioquía ikán saa ndi̱xaa sava nda ke̱e ñuu Jerusalén, nda káꞌan tuꞌun yuꞌu Ndioxi.

Los Hechos 12:2

Xa̱ꞌnda ra chiñu xa̱ꞌni na ra Jacobo ñani ra Juan xiꞌin i̱chi.

Los Hechos 13:1

Tañu na ndíkun Jesús ndóo ñuu Antioquía ñúꞌu nda káꞌan tuꞌun yuꞌu Ndioxi xiꞌin nda sínaꞌa. Ta nda kúu mií chiñu yóꞌó kuu ra Bernabé xiꞌin ra Simón ra káꞌan na xiꞌin ra tu̱ún, inka ra náni Lucio, ra ke̱e ñuu Cirene, xiꞌin ra náni Manaén, ra xa̱ꞌnu xiꞌin ra rey Herodes, ra ndi̱xiyo gobernador nuu na Galilea. Nda ikán xiꞌin ra Saulo ku nda ku̱u mií chiñu yóꞌó.

Los Hechos 14:19

Ta saa ndi̱xaa sava nda judío ndóo ñuu Antioquía xiꞌin nda ndóo ñuu Iconio, síxinu nda ini na ñuu Listra ikán ya ná kaꞌni na ra Pablo. Saa ndi̱xinu ini na, ñaa xa̱á káni na ra xiꞌin yu̱ú. Xa ndi̱xiꞌi va ra, káꞌán na, saa ndi̱kuñuu ndai na ra ndi̱xaꞌan na si̱kana na ra nda nuu ñuu.

Los Hechos 15:32

Ta ra Judas xiꞌin ra Silas ku nda káꞌan tuꞌun yuꞌu Ndioxi, yakan vaꞌa ndi̱kaꞌan nda xiꞌin na si̱ndiko nda ini na, ta vaꞌa ka vi ku̱ni na xiꞌin tuꞌun ya ndi̱kaꞌan nda, kúsini ka vi na.

Los Hechos 5:40

Nda saa ndi̱xinu ini na. Ñaa xa̱ꞌnda na chiñu nuu na policía ikán ndi̱xaꞌan na ndi̱kuiso na nda ikán. Tá xa̱a nda xiꞌin na. Saa ndi̱taꞌnda chiñu nuu na xaa nduvaꞌa na xiꞌin nda kani ñaꞌa na. Ta saa ka̱ni ñaꞌa na ta ñaa si̱ꞌvi ñaꞌa na ya ná käꞌan ka nda xaꞌa kivi Jesús. Saa sa̱ña na nda ka̱na koo nda kuaꞌan nda.

1 Corintios 2:6

Ta saa ni, ya ndaa kua ndítuꞌun nde tuꞌun ndíchi xiꞌin naꞌa, na xa xuxa ini xiꞌin tuꞌun Ndioxi. Ta ya ndíchi ndítuꞌun nde xiꞌin na, ta süvi taꞌan ya ndíchi íyo ñuu ivi yóꞌó ku ya, ni süvi taꞌan ya ndíchi kúu mií na chiñu ñuu ivi yóꞌó ku ya, chi ya ndíchi kúu mií na chiñu yóꞌó, ta ya ndíꞌi xaꞌa va ku ya.

1 Corintios 3:10

Ta yeꞌe, Ndioxi ku ra i̱kan ya mani xiꞌin i ta̱xi ra ichí ndaꞌa i ya koo i tá káa iin ra xíni, ra ndíso chiñu síkuaꞌa veꞌe, saa káa i, táva i yu̱ú xaꞌa ya, ta inka ku nda síkuaꞌa ya. Ta nda síkuaꞌa veꞌe nuu ta̱va i yu̱ú xaꞌa, ta ndee ni xíniñuꞌu nda kiꞌin vaꞌa nda kuenta ndá kuꞌva síkuaꞌa nda ya.

Colosenses 1:28

Ta ndeꞌe káꞌan ndoso nde xaꞌa ra xiꞌin ndiꞌi naꞌa, ndíkani nde nuu na, saa sínaꞌa nde na xaꞌa ndiꞌi tuꞌun ra ya ndíchi táxi Ndioxi ndaꞌa nde. Chi kúni i sinaꞌa i na yóꞌó nuu Ndioxi ya nduu na naꞌa, na ndǎku ni ini nuu ra, ta xa ku̱ndaa vaꞌa ini na xiꞌin tuꞌun ra.

1 Tesalonicenses 2:16

Tá kúni nde kaꞌan nde xiꞌin naꞌa, na köo kúu judío ya kuchiñu na kaku na, ta köo táxi na judío taꞌan nde kaꞌan nde xiꞌin na ikán. Ta xaꞌa ya íkan na saa, ta ndee ni kuandaa kuachi sata na ndúkuaꞌa ka ya, yáꞌa ni ndee kundoꞌo na tixuꞌvi ni na.

HEBREOS 11:37

Ta sava na xa̱ꞌni ñaꞌa na xiꞌin yu̱ú. Sava na xa̱ꞌnda sava ñaꞌa na xiꞌin kàà ya xáꞌnda itun. Sava na xa̱ꞌni ñaꞌa na xiꞌin i̱chi. Ta sava na xi̱ndixi ñii levo xiꞌin ñii tixuꞌu, köo toto na ndi̱xiyo, ni veꞌe na köo ndi̱xiyo. Ndaꞌvi ni ndi̱xiyo na, ku̱chiꞌña ni ini na ta ndo̱ꞌo ni na ndaꞌa inka naꞌa, na köo xíni Ndioxi.

El Apocalipsis 11:10

Ndiꞌi saa na ñuu ivi kusini ni xaꞌa ya ndi̱xiꞌi nda ikán, ñaa xáa na ikan na viko ta siniꞌi na ñaꞌa nuu taꞌan na, xaꞌa ya kúsini ni na ndi̱xiꞌi nda. Saa chi na ikán ta ndíkani ini na xaꞌa kuachi uvi saa nda ikán kua tíxuꞌvi ni ndiꞌi na ndóo ñuu ivi yóꞌó, káꞌán na.