San Mateo 23:29 - Xochapa Mixteco

²⁹ ’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Luvi ni síkuaꞌa ndo ñáñá nuu ndi̱nduxin nda profeta, ta xáa kutu ndo nuu ndúxin naꞌa, na vaꞌa ni.

San Mateo 23:29 Mawu Ofanana

San Mateo 23:27

’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi tá íin sata ñáñá nuu ndúxin ndìì, saa íin ndo. Sata ya ikán vaꞌa ni náꞌa, luvi ni ndi̱kaꞌi yaa ya, ta ini ya maa kini ni káa, iin chútu ndaa leke ndìì táꞌi ya.

San Mateo 23:28

Nda tá íin ya ikán saa íin ndo, chi sata va ndo vaꞌa ni náꞌa nuu inka naꞌa, ta ini ndo iin chútu ndaa ya väꞌa xiꞌin ya vata, ndóꞌo̱ uvi yuꞌu ku ndo.

San Mateo 23:30

Saa káꞌan ndo: “Tá ndíxiyo yo tiempo ya ndi̱xiyo iva siꞌí yo ñuu ivi yóꞌó, ta ni köo yuꞌu yo xiꞌin na xa̱ꞌni nda ikán, ndikuu”, káchi ndo.

Los Hechos 2:29

Saa ndi̱kaꞌan ka ra xiꞌin nda ndíkani ra nuu nda unkua káꞌan tuꞌun ikán, káchi ra saa: ―Ndóꞌo̱ nda taꞌan yo, xíni mií va ndo xaꞌa xii sikua yo ra rey David. Ndi̱xiꞌi xii yo ta ndi̱taꞌi kuñu ra ta nda kivi vitin íyo ñaña ra nuu ndi̱nduxin ra, ñuu yo yóꞌó.