San Mateo 23:15 - Xochapa Mixteco

¹⁵ ’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! Ndóꞌo̱ uvi yuꞌu ku ndo! Saa chi kuaꞌan ndo ndiꞌi ni kúu ñaꞌñu nda yuꞌu nduta ñûꞌu kuaꞌan ndo, ndúku ndo naꞌa kundikun na ichí ndo. Ta na ndíkun ichí ndo ta na síndiꞌi ka ndo xaꞌa ku na, chi ndee ni ka ndúu na, na nduvaꞌa ni ka ini nuu ndo ta ndixa kuꞌun na xiꞌin ndo ndaya.

San Mateo 23:15 Mawu Ofanana

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Mateo 3:7

Saa xi̱ni ra Juan kuaꞌan kuaꞌa ni nda naꞌnu nuu na judío, nda fariseo xiꞌin nda saduceo, chi kúni nda kuchi nda. Saa ndi̱kaꞌan ra tuꞌun yóꞌó xiꞌin nda, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo, ta xaꞌa ya íkan ndo saa ta sikaku Ndioxi ndóꞌo̱ nuu ya tixuꞌvi ndo, káꞌán ndo?

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Mateo 5:29

Xaꞌa ya ñaa kua káꞌan i xiꞌin ndo, tá tu xiꞌin nduchi nuu kuáꞌá ndo ku ya kuakiꞌvi ndo kuachi, ta vaꞌa tava ndo ya sikana ndo. Vaꞌa ka kua ná ndiꞌi xaꞌa iin ñaꞌñu ikin kuñu ndo, süvi ka vi ya ndiꞌi vaꞌa xaꞌa ndo kuꞌun ndo ndaya.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

Los Hechos 13:10

Ta ndi̱kaꞌan ra xiꞌin ra, káchi ra saa: ―¡Yóꞌo̱ väꞌa ku yóꞌo̱, seꞌe kiti nǎꞌa ku un yakan kúndasi un xíni un ndiꞌi ya vaꞌa! Ra vata, ra síndaꞌvi naꞌa ku un, ndiꞌi saa ichí kúni un ndikasi un ichí Ndioxi ya ndaa, ya nduu ya ichí väꞌa.

Los Hechos 13:43

Saa tá ndi̱ꞌi junta ikán ta kuaꞌa ni nda judío xiꞌin nda köo kúu judío nda káñuꞌu ni Ndioxi, ndi̱kundikun nda ra Pablo xiꞌin ra Bernabé. Saa káꞌan ra Pablo xiꞌin ra Bernabé xiꞌin nda ya ná kandixa ni ka nda Ndioxi vitin taan, ta saa niꞌi ka nda ya vaꞌa nuu ra, chi vaꞌa ni ini ra, káchi nda xiꞌin nda ikán.

Los Hechos 14:19

Ta saa ndi̱xaa sava nda judío ndóo ñuu Antioquía xiꞌin nda ndóo ñuu Iconio, síxinu nda ini na ñuu Listra ikán ya ná kaꞌni na ra Pablo. Saa ndi̱xinu ini na, ñaa xa̱á káni na ra xiꞌin yu̱ú. Xa ndi̱xiꞌi va ra, káꞌán na, saa ndi̱kuñuu ndai na ra ndi̱xaꞌan na si̱kana na ra nda nuu ñuu.

Los Hechos 14:2

Ta na judío, na xïin kandixa tuꞌun xaꞌa Jesús ta si̱saa na ini sava na köo kúu judío, ñaa ndi̱saa na xiꞌin na ndíkun ichí Jesús.

Los Hechos 17:13

Tá ku̱ndaa ini na judío, na ndóo ñuu Tesalónica, ya ndi̱xaa ra Pablo káꞌan ndoso ra tuꞌun Ndioxi ñuu Berea, ta saa ke̱e na kuaꞌan na ñuu ikán. Ndi̱xaa na xa̱á na síkaku na kuachi.

Los Hechos 2:10

Ta sava tu yo ke̱e Frigia xiꞌin Panfilia, ta sava tu yo ke̱e Egipto va. Sava tu yo ke̱e estado Libia ya ndíkaa yati xiꞌin ñuu Cirene. Ta sava tu yo ka̱ku Roma ta xa̱a yo ndóo yo yóꞌó. Raza na judío ku sava yo, ta sava yo xi̱ndikun inka ichí, ta ndi̱kundikun yo ichí na judío.

Los Hechos 6:5

Saa ndi̱xinu ini na ya ndi̱kaꞌan nda xiꞌin na, ta ndi̱kaxin na ra Esteban, ra ndáa ni ini xíni Ndioxi, ta íyo ni Tachi I̱í Ndioxi xiꞌin ra. Ñaa ndi̱kaxin na ra Felipe xiꞌin ra Prócoro xiꞌin ra Nicanor tin ra Timón inka ra Parmenas xiꞌin ra Nicolás. Ta ra Nicolás süvi ra judío ku ra, chí ñuu Antioquía ke̱e ra, ta yachi ka̱ndixa ra Ndioxi tá kuꞌva kándixa mií na judío. Sindiꞌi ikán xa̱á ra kándixa ra Jesucristo.

Gálatas 4:17

Chi naꞌa, na xáa nduxa xiꞌin ndo ya ndikundikun ndo ley ya ta̱a ra Moisés ta süvi na vaꞌa ku na, yakan ndee ni va ndúku na kuꞌva ya koo vaꞌa ni ini ndo xiꞌin na, sundi väꞌa ndíkani ini na xíni na ndóꞌo̱. Kúni na ná kuxika ndo nuu nde, ta ndisaa mií na ná kundikun ndo, ta köo kúni na kundikun ndo inka naꞌa.

Gálatas 6:12

Ta naꞌa, na xáa nduxa xiꞌin ndo ya ndikunuu tuni Ndioxi ndóꞌo̱, ta íkan na saa xiꞌin ndo chi kúni na kindoo vaꞌa na nuu na judío, na káꞌan ya xíniñuꞌu ndo ndikunuu tuni Ndioxi ndóꞌo̱. Ta íkan na saa chi köo kúni na kunduvaꞌa na judío xiꞌin na tá tu ná ndituꞌun na ndisaa xaꞌa ya ndo̱ꞌo Jesucristo ndi̱xiꞌi ra nuu cruzin.

Efesios 2:3

Saa ndi̱xiyo ndiꞌi va yo yachi: I̱kan ni yo ndiꞌi nuu ñaꞌa ya väꞌa, ya ku̱too ni mií ikin kuñu yo ikan ya. I̱kan yo tá kuꞌva íkan ndiꞌi naꞌa, xa̱a súvi ni yo ndiꞌi ñaꞌa ya ndi̱kani ini yo vaꞌa ni nuu yo, túvi yo. Ta xaꞌa ya ikán kua xíniñuꞌu yo sitixuꞌvi ni Ndioxi yoo, chi sáa ni ini ra xíni ra ya väꞌa íkan yo.