San Mateo 23:14 - Xochapa Mixteco

¹⁴ ’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Väꞌa íkan ndo chi kíndaa ndo veꞌe ná ndi̱ndoo ndaa. Tá kuaꞌan ndo veꞌe ñuꞌu sinagoga ta xáa ndo káꞌan naꞌa ni ndo xiꞌin Ndioxi, ya kúni ndo ndikani ini naꞌa ya vaꞌa ni ndo nuu Ndioxi. Xaꞌa ya ñaa ta ndee ni ka sitixuꞌvi Ndioxi ndóꞌo̱ nuu inka naꞌa.

San Mateo 23:14 Mawu Ofanana

San Mateo 11:24

Ta ndixa káꞌan i xiꞌin ndo, kivi sindiꞌi tá ná xaa nani Ndioxi kuachi xiꞌin na ñuu ivi, ta ndee ni ndee ka tindoꞌo kixi nuu ndóꞌo̱ na ñuu Capernaum, süvi ka vi naꞌa, na väꞌa xi̱ndoo ñuu Sodoma ―káchi Jesús xiꞌin na.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Mateo 23:33

¡Seꞌe ko̱ó ku ndo, chi íkan ndo tá íkan ko̱ó kueꞌe! ¡Ta ni köo ka kuꞌva sikaku ndo mií ndo ya küꞌun ndo ndaya!

San Marcos 12:40

Ta kíndaa nda veꞌe ná ndaꞌvi ndaꞌa ná, tá kuaꞌan nda veꞌe ñuꞌu ta naꞌa ni káꞌan nda xiꞌin Ndioxi ya ndása vaꞌa nda mií nda nuꞌu naꞌa. Xaꞌa ya íkan nda saa ta ndee ni ka tindoꞌo kixi nuu nda ikan Ndioxi ―káchi Jesús xiꞌin naꞌa.

San Lucas 12:48

Sundi tá íyo iin ra moso, ta köo xíni ra ini xitoꞌo ra unkua kúni ra ikan ra, ta loꞌo ni va ndoꞌo ra xaa xitoꞌo ra. Saa ndiꞌi ndóꞌo̱, tá tu kuaꞌa ni ya vaꞌa táxi Ndioxi ndaꞌa ndo ta kuaꞌa ni ya vaꞌa nduku ra nuu ndo. Tá tu kuaꞌa ni ya kúndaa ini ndo xaꞌa ra ta kuaꞌa ni ya nduku ra nuu ndo ―káchi Jesús xiꞌin na.

San Lucas 20:47

Ta kíndaa nda veꞌe ná ndi̱ndoo ndaa ndaꞌa ná, ñaa xáa nda ndása vaꞌa nda mií nda nuu inka na, ta xáa nda káꞌan nda xiꞌin Ndioxi. Naꞌa ni káꞌan nda xiꞌin ra ya ná kuni inka naꞌa káñuꞌu ni nda Ndioxi. Ndaꞌvi ni nda yóꞌó, chi ndee ni ka ndoꞌo nda ikan Ndioxi ―káchi Jesús.

2 Timoteo 3:6

Ta taꞌan nda káꞌan yo xaꞌa yóꞌó ku nda kuakiꞌvi tá veꞌe, tá veꞌe ná ñaꞌa, ná vita ni ini ta síndaꞌvi nda ná xiꞌin tuꞌun káꞌan nda. Ta ná ikán ku ná ndee ni ndíso kuachi xaꞌa ya íkan ná nuu ndiꞌi ya väꞌa ya xáꞌnda chiñu nuu ikin kuñu ná.

Tito 1:10

Saa chi íyo kuaꞌa ni nda köo xíin kandixa, ta ndá yokan tuꞌun ya íin ya köo káꞌan nda, saa síndaꞌvi nda naꞌa kuakiꞌvi na ichí väꞌa xaꞌa tuꞌun ya káꞌan nda xiꞌin na. Ta nda íkan saa ku sava nda ñúꞌu tañu ndo ñaa, chi káꞌan nda ya xíniñuꞌu ndiꞌi naꞌa ndikunuu tuni Ndioxi na, saa kua ndikuiso vaꞌa ra na, káchi nda.

Santiago 3:1

Ñani mani, ná köo kuaꞌa ni na sínaꞌa tuꞌun Ndioxi tañu ndo, saa chi xa kúndaa ini mií ndo yáꞌa ni ka va ndee sitaxin Ndioxi yoo sínaꞌa tuꞌun ra, nuu na ivi taꞌan yo na ndíkun ra.

2 Pedro 2:14

Ni küvi kuni nda iin ná síꞌi, chi tá xíto nda nuu ná ta tá káa nda xa kuakiꞌvi xiꞌin va ná saa káa nda, túvi nda. Nina ya kútoo ni ikin kuñu nda kua íkan nda, nduvi niuun ndíkani ini nda xaꞌa ya väꞌa, ni köo xáa ini nda xiꞌin ñaꞌa kúu mií nda. Xaꞌa ya íkan nda saa ta nda xa ndi̱tavi chiꞌña ndu̱u nda.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.