San Mateo 23:12 - Xochapa Mixteco

¹² Saa chi ndiꞌi na xáa kaꞌnu xiꞌin mií, ta nduu na ni̱nu̱ ni ikan Ndioxi, ta ndiꞌi na xáa ni̱nu̱ xiꞌin mií ta nduu na, na naꞌnu ni ikan Ndioxi ―káchi Jesús.

San Mateo 23:12 Mawu Ofanana

San Mateo 18:4

Naꞌa na chee ni nuu xáꞌnda chiñu Ndioxi ku na ndása ni̱nu̱ xiꞌin mií, na íyo ini tá kuꞌva íyo ini na vali, na ikán ku na chee ni ka.

San Mateo 5:3

―Vaꞌa ni kée ndo tá tu kúndaa ini ndo ya kúndáꞌvi ni ndo, ta xíniñuꞌu ni ndo Ndioxi, chi ndóꞌo̱ ku ndo kúu mií ichí koo ndo nuu xáꞌnda chiñu Ndioxi.

San Lucas 14:11

Saa chi ndiꞌi na chínuu mií tuꞌun ta kukaꞌan nuu na, ta ndiꞌi na köo chínuu mií tuꞌun ta ndikunuu vaꞌa ni tuꞌun na ―káchi ra xiꞌin na.

San Lucas 18:14

Ta ra ikán ku ra ki̱ndoo vaꞌa ka nuu Ndioxi. Süvi ka vi ra fariseo ndi̱kindoo vaꞌa nuu Ndioxi, saa chi ndiꞌi na chínuu vaꞌa tuꞌun ta síndikava ndaa Ndioxi na ni̱nu̱, ta ndiꞌi na síndikava ndaa xiꞌin mií na ikán ku na ndíkunuu sukun ni tuꞌun ikán Ndioxi ―káchi Jesús.

Santiago 4:6

Ta ndee ni ka ndee ya vaꞌa táxi mií Iva yo Ndioxi íyo xiꞌin yo, yakan kua káꞌan tuꞌun ra, káchi ya saa: “Kúndasi nuu va Ndioxi xíni ra naꞌa, na ndee ni kútai ini nuu ra, ta táxi ni va ra ya vaꞌa kúu mií ra ndaꞌa naꞌa, na ni̱nu̱ kúni, na ndáꞌvi kúni nuu ra”, káchi ya.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.

1 Pedro 5:6

Ta xaꞌa ya ikán kua xaa ni̱nu̱ xiꞌin mií ndo tixin ndee chee ni kúu mií Ndioxi, saa tá ti̱ndaa kivi ya chi̱tuni mií ra saa kua xaa kaꞌnu ra ndóꞌo̱.