San Mateo 22:5 - Xochapa Mixteco

⁵ Ta na ka̱na ra kuꞌun, köo ndi̱xiin na kuꞌun na. Iin ra ke̱e kuaꞌan nuu ñuꞌú ra, inka ra kuaꞌan nuu xíko ra,

San Mateo 22:5 Mawu Ofanana

San Mateo 13:22

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

San Mateo 22:4

Saa ti̱ꞌvi tuku ra inka nda xáa chiñu nuu ra kuaꞌan nda, ndi̱kaꞌan ra xiꞌin nda, káchi ra: “Kaꞌan ndo xiꞌin na xa ndi̱kaꞌan i xiꞌin kixi, xa íyo nduvi ndiꞌi ñaꞌa kuxi ndo. Xa xa̱ꞌnda ra rey chiñu xa̱ꞌni na sindiki sana ra xiꞌin inka kiti xaꞌan ni, ta xa íyo nduvi ndiꞌi ya, kuꞌun ndo kuxi ndo” che, kachi ndo xiꞌin na, káchi ra rey.

San Mateo 22:6

ta inka na ti̱in nda moso ra rey ikán, ka̱tun na nda ta xa̱a nduvaꞌa ni na xiꞌin nda, xa̱ꞌni na nda.

San Juan 2:16

Ta na xíko sata ndi̱kaꞌan ra xiꞌin na, káchi ra saa: ―¡Tava ndo ri yóꞌó ná kana koo ri kuꞌun ri! ¡Ta ndäsa ndo veꞌe Iva i ndúu ya nuu yaꞌvi! ―káchi ra xiꞌin na.

Los Hechos 2:13

Sundi sava nda ta xáku ndaa ni ñaꞌa nda, káchi nda saa: ―Na xíꞌi va ku na ñaa, ta ndi̱xini ni na, yakan íkan na saa ―káchi nda.

Los Hechos 24:25

Saa ndi̱xaꞌan ra Pablo ndi̱tuꞌun ra xiꞌin na, ndi̱kaꞌan ra ya xíniñuꞌu naꞌa ikan na ya ndaa, ta saa xíniñuꞌu na ndixita na mií na nuu ya väꞌa, chi vaxi kivi ta taxi Ndioxi kuachi xaꞌa ndiꞌi na íkan ya väꞌa, káchi ra. Saa ndi̱ndiꞌvi ni ra Felix ikán saa ndi̱kaꞌan ra xiꞌin ra Pablo káchi ra saa: Vaꞌa kuaꞌan, tá ná kunaꞌa i saa kana i yóꞌo̱ kixi un ndituꞌun ka un xiꞌin i ―káchi ra xiꞌin ra Pablo.

ROMANOS 2:4

Xa kúndaa ini ndo, ya vaꞌa ni Ndioxi xiꞌin ndo, ta íyo ni ra ya kaꞌnu ini xiꞌin ndo xaꞌa ya väꞌa íkan ndo. Xaꞌa ya vaꞌa ni ini Ndioxi, ta ¿án ndiꞌi saa ichí kundee ini ra kuni ra ya väꞌa íkan ndo, káꞌán ndo? ¿án köo kúndaa ini ndo ya kúni Ndioxi sindikoo ndo ya väꞌa íkan ndo, ta ndikundikun ndo ichí ra? Xaꞌa ya ndátun ra ndiko koo ndo ichí ra, yakan íkan ni ra ya vaꞌa xiꞌin ndo.

ROMANOS 8:6

Ta saa naꞌa na íkan ndisaa ya kúni mií ikin kuñu na, ta tíꞌvi na mií na ku̱aꞌan na ichí nuu ndiꞌi xaꞌa na kuvi na nuu Ndioxi. Sundi naꞌa, na xáa súvi ya kúni mií Tachi I̱í Ndioxi ta kutaku na xiꞌin Ndioxi, saa koo vaꞌa ni ini na.

2 Timoteo 3:4

Saa ndixiko vata na naꞌa, na ítaꞌan vaꞌa xiꞌin na, ni köo ìyo koo ini na, kutai ni ini na xaꞌa ya xíni ni na, saa kutoo ni na xaa sií na ini mií na, ta küaꞌa na kañuꞌu na Ndioxi.

HEBREOS 2:3

Tá tu saa ndo̱ꞌo na tiempo ikán, ta ndisaa ka vi yo ndóo vitin ndee ni ka tixuꞌvi yo, tá tu köo xíin yo kundikun yo ichí nuu kaku yo ya táxi Ndioxi ndaꞌa yo. Saa chi ya yóꞌó kua ndixa ni ka chee íkan Ndioxi xiꞌin yo. Ta xiꞌna mií Tata yo Jesucristo ku ra ndi̱kaꞌan xiꞌin naꞌa xaꞌa ichí ikán, sindiꞌi, ndi̱kaꞌan na ikán xiꞌin yo, chi xi̱ni na ya ndaa kua ndi̱kaꞌan ra, yakan ndi̱kani na ya nuu yo.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.