San Mateo 22:44 - Xochapa Mixteco

⁴⁴ Ndioxi ndi̱kaꞌan ra xiꞌin ra chee nuu i, káchi ra saa: “Koo un xiꞌin i ñaꞌñu kuáꞌá i nuu tai toꞌo kaꞌnda chiñu un, yóꞌó koo un xiꞌin i ndakua ná sindiꞌi xaꞌa ndiꞌi i na xïin kuni yóꞌo̱”, káchi Ndioxi nuu ta̱a ra David xinaꞌa.

San Mateo 22:44 Mawu Ofanana

San Mateo 22:45

Xiꞌin tuꞌun yóꞌó, ndi̱kaꞌan ra David ya kúu Cristo ra chee ka nuu ra. Ta ¿ndachu kua kúu Cristo seꞌe sikua ra tá tu saa? ―káchi Jesús xiꞌin nda.

San Mateo 26:64

Saa ndi̱kuiin Jesús káꞌan ra: ―Tá íyo ya ndi̱kaꞌan un saa íyo ya, ikán ku i. Ta káꞌan tuku i xiꞌin ndo, vaxi kivi ta kuni ndo yeꞌe, Taa ra xa̱a ñuu ivi yóꞌó koo i nuu tai toꞌo, itun íyo ñaꞌñu kuáꞌá Ndioxi, ta ndee ni ndee kúu mií ra. Saa kuni ndo yeꞌe ndiko koo i kixi i tañu viko nuu ndivi ―káchi Jesús xiꞌin nda.

San Marcos 16:19

Tá sindiꞌi Tata yo Jesús ndi̱kaꞌan ra xiꞌin nda, saa ndi̱ko koo ra kuaꞌan ra nuu ndivi i̱kan Ndioxi, ta ndi̱kunduꞌu ra ñaꞌñu kuáꞌá Ndioxi.

San Lucas 19:27

Saa tu ndiꞌi na sáa ini xíni yeꞌe, na köo ndi̱kuni koo i rey, siyaꞌa ndiꞌi ndo na ná kixi na chí choꞌo, ta vitin kaꞌni ndo na nuu i”, káchi ra rey ikán. Soꞌva káchi tuꞌun ndíchi ikán ―káchi Jesús xiꞌin na.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

1 Corintios 1:2

Saa tíꞌvi nde tutu yóꞌó xaa ya ndaꞌa ndóꞌo̱, ñani yo, ndóo ñuu Corinto. Saa chi ndóꞌo̱ ku ndo ka̱na Ndioxi ta xa xa̱a i̱í ra ndóꞌo̱ tixin Tata yo Jesucristo. Ta iin káchi saa xa̱a i̱í tu ra ndiꞌi ka na ndóo ndiꞌi saa kúu ñuu nuu xáa kaꞌnu na kivi Tata yo Jesucristo, chi saa tu na ikán va, Tata tu na ikán va ku ra.

1 Corintios 15:25

Saa koo chi xíniñuꞌu Jesucristo ndikunduꞌu ra kaꞌnda chiñu ra nuu naꞌa, xiꞌin ndiꞌi nuu ñaꞌa ya ndi̱kuaꞌa, ta kuchiñu ra nuu ndiꞌi ndee ya sáa ini xíni ra, ta̱an ra ya tixin xaꞌa ra.

Filipenses 3:8

Ta ndiꞌi ya vaꞌa ni ndi̱xiyo nuu i yachi, ta nda loꞌo ka köo ndáa yaꞌvi ya nuu i vitin xaꞌa ya xi̱ni taꞌan i xiꞌin Tata yo Jesucristo, ra Chee ni nuu yo. Xaꞌa ra yóꞌó kua si̱ndoo ndaꞌa ndiꞌi i ñaꞌa ya ndee ni vaꞌa xi̱ndaa yaꞌvi nuu i tá yachi, ta ni köo xaꞌa ka ya nuu i vitin, tá íyo taka va saa íyo ya nuu i chi ya ndee ni vaꞌa ka kua nduu i kuenta Jesucristo.

HEBREOS 1:13

Ndioxi ta nda iin ichí köo ndi̱kaꞌan ra saa xiꞌin nda iin na tatun ra, tá kuꞌva ndi̱kaꞌan ra xiꞌin Seꞌe ra: Naꞌa yóꞌó koo un xiꞌin i ñaꞌñu kuáꞌá i kaꞌnda chiñu un xiꞌin i, ndakua ná tindaa kivi sikoyo i naꞌa, na sáa ini xíni yóꞌo̱ tixin xaꞌa un, sindiꞌi xaꞌa ndiꞌi i na, káchi Ndioxi xiꞌin ra.

HEBREOS 1:3

Ta ya luvi ni yéꞌe̱ kúu mií Seꞌe Ndioxi kua yéꞌe̱ mií Ndioxi. Tá káa níi mií Ndioxi saa káa níi mií Jesucristo, saa ta̱xi Ndioxi ichí ndaꞌa ra ya ndíso chiñu ra xiꞌin ndiꞌi ñaꞌa ya íyo ñuu ivi yóꞌó. Ta xiꞌin tuꞌun ra ya ndee ni ndee kua xáa chiñu ndiꞌi ya nda vitin. Saa ndi̱kata ra kuachi yo xiꞌin ndee mií ra, ta sindiꞌi nda̱a ra nuu ndivi ndi̱kunduꞌu ra ñaꞌñu kuáꞌá Ndioxi nuu tai toꞌo, xáꞌnda chiñu ra xiꞌin ra.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

El Apocalipsis 19:19

Saa xi̱ni tuku i kiti ri ìyo ni káa xiꞌin nda rey nda xáꞌnda chiñu nuu na ñuu ivi, xiꞌin nda lapa nda ítaꞌan xiꞌin nda. Ndi̱kitaꞌan ndiꞌi nda ya chitaꞌan tuꞌun nda kani taꞌan nda xiꞌin Taa ra chee ra yóso kuai yaa, saa kani taꞌan na xiꞌin nda lapa nda ítaꞌan xiꞌin ra.